Վրացի լրագրող Մզիա Ամաղլոբելին արժանացել է Free Media Awards մրցանակի

Մզիա Ամաղլոբելիին մրցանակ կշնորհվի

Վրացական «Batumelebi» և «Netgazeti» պարբերականների հիմնադիր և տնօրեն Մզիա Ամաղլոբելիին կշնորհվի հեղինակավոր Free Media Awards մրցանակը:

Լրագրողը դատապարտված է երկու տարվա ազատազրկման Բաթումի քաղաքի ոստիկանապետին ապտակ հասցնելու համար: Տեղական և միջազգային իրավապաշտպան կազմակերպությունները գործը համարում են քաղաքական շարժառիթներ ունեցող, իսկ լրագրողին՝ խղճի բանտարկյալ:

«Քրեական իրավունքն օգտագործվում է լրագրողին պատժելու համար»․ Քլունի հիմնադրամը՝ Ամաղլոբելիի մասին

«Հանուն արդարության» Քլունի հիմնադրամը քննադատում է վրացի լրագրողին տրված դատավճիռն ու խոսում արձանագրված խախտումների մասին։

«Մզիա Ամաղլոբելին դարձել է Վրաստանի անկախ ԶԼՄ-ների դեմքը»,- նշվում է մրցանակ շնորհող նորվեգական The Fritt Ord Foundation կազմակերպության կայքում:

Ամաղլոբելիից բացի այս տարի մրցանակի դափնեկիրներ են նաև ուկրաինական Gwara Media պարբերականը, հունգարական Direkt98 պարբերականը, ռուս լրագրող Ալեքսանդրա Աստախովան, ադրբեջանցի լրագրող Նարգիզ Աբսալամովան և Բելառուսական հետաքննությունների կենտրոնը:

Free Media Awards մրցանակը նորվեգական The Fritt Ord Foundation-ի և գերմանական ZEIT STIFTUNG BUCERIUS-ի համատեղ մրցանակն է, որը շնորհվում է լրագրողներին և ԶԼՄ-ներին անկախ լրագրության ամրապնդման համար:

Հետևեք մեզ — Facebook | Youtube

Մզիա Ամաղլոբելիին մրցանակ կշնորհվի