«Վրաստանը շարժվում է դեպի ավտորիտարիզմ». կարծիք ԱՄՆ-ից
Մայքլ Կարպենտերի մտքերը Վրաստանի մասին
Սպիտակ տան նախկին պաշտոնյա Մայքլ Կարպենտերը Independence Avenue Media-ի հետ զրույցում հայտարարել է, որ Վրաստանը մութ ժամանակներ է ապրում: Նրա խոսքով՝ բռնաճնշող բնույթի օրենքները քանդում են երկրի քաղաքացիական հասարակությունը, իսկ ավտորիտար ոճի կառավարումը խոչընդոտում է երկրի եվրաինտեգրմանը:
Կարպենտերն անդրադարձել է նաև Վաշինգտոնում առանց Վրաստանի մասնակցության ստորագրված համաձայնագրին [Թրամփ-Փաշինյան-Ալիև հանդիպման արդյունքներով ստորագրված փաստաթուղթ] և խոսել տարածաշրջանում նրա դերի թուլացման մասին:
Մայքլ Կարպենտեր. «Կարծում եմ, որ «Թրամփի ուղու» բացումը միջազգային ընկերություններին հնարավորություն կտա դիվերսիֆիկացնել այն ուղիները, որոնք նրանք օգտագործում են առևտրի համար, և Վրաստանը կդադարի լինել միակ կամ լավագույն ընտրությունը:
Բացի այդ, Վրաստանը՝ ունենալով սերտ կապեր Իրանի, Ռուսաստանի և Չինաստանի հետ, աստիճանաբար կորցնում է արևմտյան երկրների հետ տնտեսական ինտեգրման գործում իր ունեցած նշանակությունը:
Վրաստանի եվրոպական ինտեգրումը երբեք այնքան վտանգված չի եղել, որքան հիմա։ Վրաստանը մութ ժամանակներ է ապրում, երկիրը շարժվում է դեպի ավտորիտարիզմ:
Վրաստանը միշտ եղել է Սև ծովի ափի առաջատար քաղաքական համակարգը, երկիր, որը դանդաղ, բայց հաստատուն կերպով ցուցադրում էր իր եվրաատլանտյան ձգտումները: Երկու տարի առաջ Վրաստանի ինտեգրումը ԵՄ-ում բավականին իրական էր թվում, բայց այնուհետև ընդունվեցին մի շարք օրենքներ, որոնք ճանապարհ բացեցին օֆշորային կոռուպցիայի օրինականացման համար և փաստացի քանդեցին քաղաքացիական ոլորտը: Այս ամենը մեզ ցույց տվեց, որ Վրաստանը շեղվել է եվրաատլանտյան ինտեգրման ճանապարհից»:
Հետևեք մեզ — Facebook | Youtube
Մայքլ Կարպենտերի մտքերը Վրաստանի մասին
