Հայաստանի «Բավրա» մաքսատաունը կաշխատի եվրոպական չափանիշներով
Վրաստանի հետ սահմանին գտնվող Հայաստանի «Բավրա» մաքսատունը այսուհետ կգործի եվրոպական չափանիշներին համապատասխան: Եվրամության տրամադրած ֆինանսական միջոցներով կառուցվել է մաքսատան նոր մասնաշենքը, հեշտացվել տրանսպորտային տարբեր միջոցների սպասարկումը, ներդրվել են ժամանակից սարքավորումներ` հատուկ ռենտգեն սարքեր, էլեկտրոնային կշեռքներ: Մաքստան աշխատանքներին կաջակցեն նաև հատուկ վարժեցված շները:
Եվրամիությունը, Եվրոական ներդրումային բանկը շուրջ 54 միլիոն եվրո են տրամադրել հայ-վրացական սահմանի արդիականացման ծրագրին: Ֆինանսական միջոցներ է հատկացրել նաև ՄԱԿ-ի զարգացման ծրագիրը:
Բավրայի նոր մաքսակետի բացման արարողությանը մասնակցել են Հայաստանի նախագահը, Հայաստանում Եվրամիության պատվիրակության ղեկավարը, ՄԱԿ-ի ներկայացուցիչը, ինչպես նաև հարևան Վրաստանի փոխվարչապետը:
«Անցակետի վերաբացումը կնպաստի տնտեսական գործունեության ընդլայնմանը և զբոսաշրջության աճին», — ասել է Հայաստանում ԵՄ պատվիրակության ղեկավար, դեսպան Պյոտր Սվիտալսկին:
Դեսպանը նշել է, որ սա այս մաքսատան արդիականացումը մտածված քայլ է՝ այն կապում է Եվրասիական տնտեսական միության անդամ Հայաստանը և Եվրամիության հետ Ասոցացման պայմանգիր ստորագրած Վրաստանը. «Երևի թե հենց այդ պատճառով էլ մենք նպատակահարամար ենք գտնում, որ այս սահմանը լինի բաց, թափանցիկ և դրանով նպաստի զբոսաշրջությանը, տնտեսական կապերին և այլ հնարավոր օգուտներ բերի»:
ՄԱԿ-ի մշտական համակարգող Բրեդլի Բուզետտոն ասել է, որ Եվրամիութունը առատաձեռն է գտնվել ծրագրի ֆինանսավորման հարցում:
«Եթե դուք զբոսաշրջիկ եք կամ ներդրող, սովորաբար սահմանային անցակետերն են տալիս ձեզ առաջին տպավորություններն այն մասին, թե ինչքանով է երկիրը բաց, կապակցված և պատրաստ բիզնեսի համար»,- ասել է նա:
Այստեղ ներդրված է պարզեցված ընթացակարգը կրճատում է սպասարկման ժամանակը, նորագույն սարքավորումներն էլ հնարավորություն են ստեղծում մաքսանենգության դեմ արդյունավետ պայքարելու համար: Եվ մաքսակետում արդեն ավելացել են բեռնափոխադրումների ծավալները:
