Թուրքիայում հարձակում է կատարվել բժիշկների վրա. ինչո՞ւ է աճում ագրեսիան հիվանդների հարազատների և մտերիմների կողմից
Թուրք բժիշկների ասոցիացիան պահանջում է իշխանություններից ազատել բուժաշխատողներին աշխատելու ընթացքում նրանց կյանքին սպառնացող ռիսկերից: Այդպիսի պահանջով ասոցիացիան դիմել է իշխանություններին Անկարայի հիվանդանոցներից մեկում հիվանդներից մեկի մտերիմների կողմից բուժանձնակազմի վրա հարձակումից հետո:
Ի՞նչ է տեղի ունեցել
Սեպտեմբերի 22-ին երկու մարդ գնդակի վիրավորումով հոսպիտալացվել են մայրաքաղաքի հիվանդանոցներից մեկում: Բժիշկներին չի հաջողվել փրկել վիրավորներից մեկի կյանքը: Անմիջապես դրանից հետո շուրջ տասը մարդ՝ մահացածի հարազատները, ներառյալ նրա կինը, սկսել են ջարդուփշուր անել հիվանդանոցում ամեն ինչ, ինչը աչքներին ընկել է: Զայրացած ամբոխը հարձակվել է բուժանձնակազմի վրա: Հիվանդանոցի անվտանգության աշխատակիցները չեն կարողացել կանգնեցնել կատաղած այցելուներին:
•Ստամբուլ․ Սուրբ Սոֆիան մզկիթի է վերածվել։ Լուսանկարներ և պատմություն
•Բռնաբարե՞լ են։ Ամուսնացիր բռնարարի հետ․ Թուրքիայում այսպիսի օրենք են ընդունում
•Ստամբուլը փոխել է իր գույները
Որպեսզի իրենց և մյուս հիվանդներին պաշտպանեն հարձակվողներից, բուժաշխատողները փակվել են վերակենդանացման բաժանմունքում: Մահացած հիվանդի մտերիմները շարունակել են կոտրել դռներն ու բժշկական սարքավորումները մինչ ոստիկանության ժամանումը:
Անկարգությունների մասնակիցներից հինգը բերման են ենթարկվել, նրանցից երկուսին դատարանը թողել է կալանքի տակ, կատարվում է հետաքննություն:
Առողջապահության նախարար Ֆահրեթին Քոջան հանդիպել է հարձակման ենթարկված բուժանձնակազմի հետ: «Երկրի ողջ բժշկական համայնքի հետ միասին մենք ցավում ենք տեղի ունեցածի համար և վճռական ենք տրամադրված՝ վերահսկելու այս խնդիրը»,- գրել է նախարարը իր Թվիթերում:
Ավելի քան 90 հազար բռնության դեպք վերջին 10 տարիներին
Հիվանդների հարազատների և մտերիմների կողմից բժիշկների և բուժաշխատողների վրա հարձակումները, ինչպես նաև հիվանդանոցներում անկարգությունները բավականին տարածված երևույթ են Թուրքիայում: Գրեթե ամեն օր լրատվամիջոցները հրապարակում են լուրեր այդպիսի միջադեպերի մասին:
Թուրքիայի ընտանեկան բժիշկների արհմիության զեկույցի համաձայն՝ վերջին տասը տարիներին ողջ երկրում արձանագրվել է ավելի քան 90 հազար հարձակում բուժաշխատողների վրա հիվանդների հարազատների և մտերիմների կողմից: Ողջ թուրք բուժաշխատողների 60 տոկոսը առնվազն տասն անգամ ենթարկվել է այդպիսի բռնության:
Արհմիության ներկայացուցիչ, բժշկության պրոֆեսոր Ակպինարի խոսքերով՝ բռնության ենթարկված բուժաշխատողները հաճախ հրաժարվում են պաշտպանվել իրավական ճանապարհով:
«Պատճառը, որ նրանցից շատերը չեն դիմում իրավաբանների օգնությանը, այդ փորձերի ապարդյուն լինելն է: Գործեր են հարուցվում, ցուցմունքներ են տալիս, հայտարարություններ են գրվում: Սկսվում է դատական գործընթաց, և ոչ մի արդյունք: Բուժաշխատողների 64,7 տոկոսը չի հավատում օրինական ճանապարհով որևէ արդյունքի հասնելուն: Հարկավոր է փոփոխություններ անել օրենսդրության մեջ այս մասով»,- նշել է նա:
