JAMnews-ը՝ ԵՄ լրագրողական մրցույթի դափնեկիր

JAMnews-ը Եվրամիության 2022 թվականի լրագրողական մրցույթի դափնեկիրներից է։ Նինո Նարիմանիշվիլիի «Մեքսիկայի տարածքով դեպի ԱՄՆ» հոդվածը մրցանակ է ստացել «Լավագույն հոդված տպագիր կամ էլեկտրոնային ԶԼՄ-ներում» անվանակարգում։ Հոդվածը պատմում է վրացի միգրանտների մասին, ովքեր վտանգում են իրենց կյանքը Մեքսիկայով ԱՄՆ հասնելու համար։

Մրցույթի եզրափակիչ փուլ է հասել նաև JAMnews-ի լրագրողներից Վիկա Բուկիան՝ «Անտեսանելիները. Ինչպե՞ս են ապրում հաշմանդամություն ունեցող կանայք Վրաստանում» վիդեո նախագծով: Այն առաջադրվել էր որպես լավագույն պատմություն հեռարձակվող կամ Էլեկտրոնային լրատվամիջոցներում: Այս անվանակարգում հաղթող է ճանաչվել Անի Արվելաձեի «Մանուշակի՝ վրացերենի ուսուցիչը» ռեպորտաժը։

ԵՄ մրցանակներ են շնորհվել նաև հետևյալ անվանակարգերում՝

• Լավագույն հետաքննական հոդված կամ պատմություն տպագիր, էլեկտրոնային կամ հեռարձակվող լրատվամիջոցներում – Նինո Ռամիշվիլի (Studio Monitor);
• Լավագույն բլոգ, գլխավոր հոդված, սյունակ տպագիր կամ էլեկտրոնային լրատվամիջոցներում — Բեսիկի Պապասկուա, (Ինդիգո);
• Լավագույն ուսանողական աշխատանք տպագիր, հեռարձակվող կամ առցանց լրատվամիջոցներում – Քրիստինա Գոգալաձե, (Ինդիգո);
• ԵՄ դիտորդական առաքելության հատուկ մրցանակ խաղաղությանը միտված լրագրության համար – Լելա Կունչուլիա, (Ազատություն ռադիոկայան);
• Լավագույն օրիգինալ և նորարար աշխատանք տպագիր, էլեկտրոնային կամ հեռարձակվող լրատվամիջոցներում – Թոռնիկե Մետրևելի (Ինդիգո);
• Եվրոպական միության արժեքները պատկերող լավագույն վավերագրական լուսանկար — Դինա Օգանովա, (Նախագիծ 64);

ԵՄ լրագրողական մրցույթն առաջին անգամ կազմակերպվել է 2012 թվականին Վրաստանում Եվրամիության ներկայացուցչության կողմից։ Այդ ժամանակից ի վեր այն շնորհվում է ամեն տարի։ Մրցույթը նպաստում է վրացական լրատվամիջոցների պրոֆեսիոնալիզմի և լրագրողական էթիկայի բարձրացմանը, ինչպես նաև օգնում է լրագրողների նկատմամբ հանրային վստահության բարձրացմանը:

Հետևեք մեզ — Facebook | Youtube | Telegram