ՌԴ-ում ընդունել են ցուցակ բառերի, որոնցով արգելվում է անվանել Պուտինին
Բառեր, որոնցով արգելված է անվանել Պուտինին
Ռուսական «Ռոսկոմնադզոր» կարգավորող մարմինը պատրաստել է արտասովոր փաստաթուղթ, որը կոչվում է «Բանալի բառեր-վիրավորանքներ»։ Այն գրաքննում է այն բառերը, որոնք արգելված է հրապարակել կամ արտաբերել նախագահ Պուտինի անվան և պատկերի հետ միասին լրատվամիջոցներում, սոցիալական ցանցերում կամ որտեղ էլ, որ լինի:
Փաստաթուղթը վիրավորական և գռեհիկ բառերի չորս էջանոց ցուցակ է։ Ցուցակի ներածությունում հաղորդվում է, որ «Ռոսկոմնադզորը» համակարգված կերպով մոնիթորինգի է ենթարկում սոցիալական ցանցերը՝ որոնելով Վլադիմիր Պուտինի հասցեին ուղղված վիրավորական հրապարակումներ և մեկնաբանություններ։
- Կարծիք. գողացված Հաղթանակի օրը
- Ուղիղ 20 տարի առաջ Վլադիմիր Պուտինը գլխավորեց Ռուսաստանի ավտանգության ծառայությունը և շարժվեց դեպի նախագահի ներկայիս պաշտոնը
- Ի՞նչ տեսք ունի այն աշխարհը, որը Պուտինն ուզում է կառուցել
Փաստաթուղթը թվագրված է 2022 թվականի սեպտեմբերի 14-ով, «Հեղինակ» սյունակում նշված է Ադյան Բորիսովիչ Պատաև։ «Մեդիազոնա»-ն պարզել է, որ այդ անուն-ազգանունով անձը 2022 թվականին Ռուսաստանի տնտեսագիտական բարձրագույն դպրոցում պաշտպանել է իր դիպլոմայինը «Բիզնես ինֆորմատիկա» ծրագրով։
Ամբողջական ցանկը հրապարակել է ռուսական «Մեդիազոնա» պարբերականը, այն կարող եք կարդալ այստեղ: Իսկ մենք դրա մասին միայն ընդհանուր պատկերացումը կներկայացնենք՝ հաշվի առնելով դրանում ներառված արտահայտությունների առանձնահատկությունը։ Գլխագրերը հիմնված են «Ռոսկոմնադզորի» պաշտոնական փաստաթղթից վերցված մեջբերումների վրա:
Պուտինի պատկերումը մանկապղծության հետ անալոգիայով
Բանալի բառեր.
մանկապիղծ, մանկապղծություն, կոնտակտ, սեռական ցանկություն, այլասերվածություն, նիմֆոֆիլիա, ֆիլիա, պարաֆիլիա, ինֆանտոսեքսուալիզմ, pedobear, պադերոզիա, պեդոֆիլ, այլասերված, երեխաներ բռնաբարող։
Պուտինի հիշատակումը սեռական հարաբերության համատեքստում
Բանալի բառեր.
Պուտինի անվան հետ դեմոտիվատորներ՝ վիրավորական բնույթի գրություններով
Բանալի բառեր.
Հիշատակումներ Պուտինի առողջության մասին
«Ռոսկոմնադզորն» ուշադրությամբ հետևում է ոչ միայն Վլադիմիր Պուտինի հասցեին հնչող վիրավորանքներին, այլև նրա առողջությանը վերաբերող բոլոր հաղորդագրություններին։
«Մեդիազոնա»-ն գրում է, որ «Կիբեր պարտիզաններ» անունով բելառուս հաքերների խումբը հասանելիություն է ստացել մի քանի տասնյակ Excel աղյուսակների, որոնք վերնագրված են նույն կերպ՝ «ՌԴ նախագահ Վ.Վ. Պուտինի՝ կրիտիկական առողջական վիճակը»։ Դրանցում «Ռոսկոմնադզորի» հետ համագործակցող Brand Analytics ընկերությունը 2022 թվականի ապրիլի վերջից սկսած ամենօրյա պարբերականությամբ զեկուցում է Պուտինի ենթադրյալ հիվանդությունների վերաբերյալ սոցիալական ցանցերում հայտնաբերված հիշատակումների մասին:
Այդ զեկույցներից յուրաքանչյուրում խոսք է գնում վերլուծաբանների կողմից ուսումնասիրված հարյուրավոր գրառումների և մեկնաբանությունների մասին։ Սոցցանցերում հրապարակումների առավելագույն քանակը՝ 1354 հաղորդագրություն, եղել է հունիսի 1-2-ին։ Բայց դրանց մեծ մասում հղում է արված մի տեսանյութի, որն ամենևին էլ ՌԴ նախագահի առողջության մասին չէ։ Տեսանյութը YouTube-ի՝ «Խաբված ռուսաստանցի» ալիքում է՝ «Հունիսի 1-ին երեխաները Պուտինին մաղթեցին, որ մեռնի և երբեք չապաքինվի քաղցկեղից, և որ երազում նրան այցելեն մահացած նավաստիները» վերնագրով։
