«Նրանք ուզում են սպանել ինձ»․ 15 տարվա ազատազրկման դատապարտված ադրբեջանցի ակտիվիստ

Բահրուզ Սամեդովի նկատմամբ դաժան վերաբերմունքը

Ադրբեջանցի հետազոտող և խաղաղության ակտիվիստ Բահրուզ Սամեդովը, որին պետական դավաճանության մեղադրանք է առաջադրված, արդեն մեկուկես ամիս է, ինչ մեկուսացման մեջ է պահվում թիվ 11 ուղղիչ հաստատությունում։

Այս մասին Meydan TV-ի հետ զրույցում պատմել է նրա տատիկ Զիբեյդա Օսմանովան։ Նրա խոսքով՝ հաստատության ղեկավարությունը առանց պատճառաբանության երկարացրել է Սամեդովի՝ «պատժախցում» մնալու ժամկետը.

«Բահրուզն ասել է, որ պետք է երկու շաբաթ մնար այնտեղ, բայց իրեն հայտնել են, որ փակ ռեժիմում կմնա մեկուկես ամիս։ Նա չի կարող ոչ զբոսանքի դուրս գալ, ոչ էլ շփվել այլ բանտարկյալների հետ։ Այնուհետև նրան նախատեսում են տեղափոխել Ումբակի գյուղում գտնվող բանտային համալիր։ Նա ասում է, որ նրանք ուզում են սպանել իրեն»։

Օսմանովան թոռան կյանքի հետ կապված լուրջ մտահոգություններ ունի։ Նրա խոսքով՝ Բահրուզը երկու անգամ փորձել է ինքնասպան լինել և հայտարարել է, որ նույն մտքերն ունի նաև հիմա։

Փաստաբան Զիբեյդա Սադիգովան պատրաստվում է բողոք ներկայացնել Մարդու իրավունքների հանձնակատարի գրասենյակ։

Ադրբեջանցի ակտիվիստը դատապարտվել է 15 տարվա ազատազրկման. «Ոչ թե կալանք, այլ ռեժիմի դիմանկար»

Բահրուզ Սամեդովին մեղադրում են պետական դավաճանության մեջ: Սակայն, ըստ նրա փաստաբանի, մեղքը ապացուցված չէ:

Ո՞վ է Բահրուզ Սամեդովը

Սամեդովը Չեխիայի Կառլովի համալսարանի քաղաքական գիտությունների ֆակուլտետի ասպիրանտ էր։

Նա Ադրբեջանի և Հայաստանի միջև հակամարտության, խաղաղ գործընթացի ու տարածաշրջանի քաղաքական կառուցվածքի մասին քննադատական ուսումնասիրությունների հեղինակ է, ինչպես նաև հրապարակումների, որոնցում քննադատվում է ադրբեջանական կառավարությունը։

Նրա հոդվածները հրապարակվել են անկախ լրատվական հարթակներում, այդ թվում՝ OC Media-ում, Eurasianet-ում և Բաքվի հետազոտական ինստիտուտում։

Ադրբեջանցի ակտիվիստը բանտից աջակցություն է խնդրել Հայաստանի վարչապետից

Պրահայի Կառլի համալսարանի դոկտորանտ, խաղաղության ակտիվիստ Բահրուզ Սամեդովը, որը Ադրբեջանում մեղադրվում է հայերի օգտին լրտեսության մեջ, նամակով դիմել է Հայաստանի վարչապետին

Միջազգային արձագանքը

• Scholars at Risk և Amnesty International միջազգային կազմակերպությունները նշել են, որ կալանավորումն ունի քաղաքական դրդապատճառներ և հայտարարել, որ Սամեդովը պատժվել է իր գիտական գործունեության և իշխանություններին քննադատելու համար։
• FIDH-ն և Human Rights House Foundation-ն ընդգծել են, որ Բահրուզ Սամեդովին և այլ հետազոտողների առաջադրված լրտեսության մեղադրանքները հիմնված են «կեղծված ապացույցների» վրա։

Պաշտոնական արձագանքը

Ադրբեջանի Քրեակատարողական ծառայությունն ու Պետական անվտանգության ծառայությունը այս գործի վերաբերյալ պաշտոնական հայտարարություններ չեն արել։

Հետևեք մեզ — Facebook | Youtube

Բահրուզ Սամեդովի նկատմամբ դաժան վերաբերմունքը