Ինչո՞ւ ԱՄՆ-ն չի կարողանա անտեսել ղարաբաղյան հակամարտությունը․ Եվրոպայում ՆԱՏՕ-ի ուժերի նախկին ղեկավար

ԱՄՆ-ն չի կարող  իրեն թույլ տալ անտեսել Լեռնային Ղարաբաղում տեղի ունեցող իրադարձությունները՝ հանուն սեփական էներգետիկ անվտանգության պաշտպանության և տրանսպորտային ցանցի կայունության, և որպեսզի կանխի երեք առաջատար տարածաշրջանային ուժերի՝ Ռուսաստանի, Թուրքիայի և Իրանի  ուղիղ բախումը։

Այս մասին է Եվրոպայում ՆԱՏՕ-ի ուժերի նախկին գլխավոր հրամանատար Ֆիլիպ Բրիդլավի մեկնաբանությունը, որը հրապարակվել է ամերիկյան NPR-ում։

Գեներալ Ֆիլիպ Բրիդլավն ԱՄՆ ռազմաօդային ուժերի պաշտոնաթող գեներալ է և Եվրոպայում ՆԱՏՕ-ի նախկին գերագույն հրամանատարը։

Այժմ նա Middle East Institute’s Frontier Europe Initiative-ի ղեկավարներից մեկն է։

Մարտերը ղարաբաղյան հակամարտության գոտում շարունակվում են սեպտեմբերի 27-ից՝ զրահատեխնիկայի, հրետանու և դրոնների կիրառմամբ։ Զոհվել է արդեն մի քանի հազար զինվորական և քաղաքացիական անձ երկու կողմից։ Այս ընթացքում երեք անգամ հրադադար է հայտարարվել՝ հոկտեմբերի 10-ին, 18-ին և 26-ին, սակայն ամեն անգամ այն միանգամից խախտվել է։ Երրորդ անգամ հրադադարը հաստատվել է ԱՄՆ պետքարտուղար Մայք Պոմպեոյի միջնորդությամբ։

Մարտեր Արցախում։ 2020 թ-ի հոկտեմբերի 28 ռեպորտաժները, տեսանյութերը, լուսանկարները

Լուրեր Արցախի, Հայաստանի և Ադրբեջանի սահմանին տեղի ունեցող ռազմական գործողությունների մասին. Մարտերը շարունակվում են մեկ ամիս

Շատ ամերիկացիներ չեն գիտակցում, որ այս հակամարտությունում քարտեզի վրա են դրված նաև ԱՄՆ շահերը․ խոսքը ոչ միայն տեղային մարտերի մասին է, այլ նաև էներգառեսուրսների մատակարարումների և ողջ Հարավային Կովկասում կայունության մասին։

1.

Ադրբեջանից Վրաստանի և Թուրքիայի տարածքով անցնող գազատարներն ու նավթատարները սկզբունքային կարևորություն ունեն ռուսական մատակարարումներից Եվրոպայի կախվածության նվազման համար։

2.

Բաքու-Թբիլիսի-Կարս երկաթուղին կարևոր է Աֆղանստանում ամերիկյան զորքերի մատակարարման համար։

3.

Հակամարտության սրացումը կարող է տարածվել Վրաստանի՝ այս տարածաշրջանում ԱՄՆ առանցքային դաշնակցի վրա, որից շատ բան է կախված Հարավային Կովկասում կայունության պահպանման գործում։

• Տեղեկատվական պատերազմ Արցախի շուրջ

• «Պատերազմն Ադրբեջանի համար փոխզիջումը չեղարկելու միջոց է»․ հայ քաղաքագետ

• Ղարաբաղ և «խաղաղություն տարածքների դիմաց»․ յոթ շրջանների մասին կարծիք Բաքվից

4.

Իրադարձությունների զարգացման ավելի վտանգավոր սցենար․ Ռուսաստանի ուղիղ ռազմական միջամտություն, որը Հայաստանի հետ փոխօգնության մասին պայմանագիր ունի։

5.

Թուրքիան Ադրբեջանին օգնություն է ցուցաբերում, այդ թվում՝ ռազմական մատակարումներով և մարտերի գոտի Սիրիայից վարձկաններ տեղափոխելով։

6.

Իրանը, որն ընդհանուր սահման ունի Հայաստանի և Ադրբեջանի հետ, և որի տարածքում միլիոնավոր էթնիկ ադրբեջանցիներ են բնակվում, կարող է ներքաշվել այս հակամարտության մեջ։

Երեք առաջատար տարածաշրջանային գերտերությունների ուղիղ բախումը չափազանց վտանգավոր է։

Երեք «քնած» հակամարտությունները – Լեռնային Ղարաբաղից զատ՝ դա նաև Հարավային Օսիան է և Աբխազիան – Հարավային Կովկասը նախկին Խորհրդային Միության տարածքի ամենաանկայուն տարածաշրջանն են դարձնում։

Հարավային Կովկասում իրադարձություններին ակտիվ մասնակցությունը պետք է ամերիկյան դիվանագիտության առաջնահերթությունը լինել։ Պետքարտուղար Պոմպեոյի փորձը՝ հաշտեցնելու հակամարտ կողմերին, արժանի է գովասանքի, սակայն դա բավական չէ։

Վերջին 25 տարում ԱՄՆ-ն ակտիվորեն նպաստել է Հայաստանում, Վրաստանում և Ադրբեջանում ժողովրդավարական ինստիտուտների զարգացմանն ու էներգետիկ նախագծերին։ Եվ դա տվել է իր պտուղները։

Այժմ անհրաժեշտ է վերադառնալ Մինսկի գործընթացի շրջանակում ակտիվ գործողություններին և բոլոր կողմերի միջև համագործակցությանը։ Առանցքային կարող է լինել այնպիսի ստուգված և հուսալի դաշնակիցների աջակցությունն ու հենարան լինելն, ինչպիսին է Վրաստանը։