«Այն, ինչ անում է ՌԴ-ն Աբխազիայում, համակարգային գաղութացում է». կարծիք

«Աիաշարա»-ն ռուս-աբխազական հարաբերությունների մասին

Ռուս-աբխազական համագործակցության նոր փուլը, ըստ էության, Աբխազիայի վերահսկելի ինտեգրացիա է։

Աբխազական «Աիաշարա» լրատվամիջոցը նման կերպ է դիտարկում է Կրեմլի կողմից հանրապետության քաղաքացիների վերաբերյալ վերջերս ընդունված մի շարք որոշումներ։

Մասնավորապես, խոսքը վերաբերում է ՌԴ քաղաքացիություն ստանալու գործընթացի պարզեցմանն ու Ռուսաստանի տարածքում աբխազական վարորդական վկայականների արգելքին, միաժամանակ Աբխազիայի տարածքում ռուսական վարորդական վկայականների տրամադրմանը:

• Երկքաղաքացի հանդիսացող աբխազները կկարողանան ՌԴ մուտք գործել միայն ռուսական անձնագրերով
• «Աբխազիայում հակառուսական տրամադրությունների կանխազգացում կա». կարծիք

Ահա թե ինչպես է «Աիաշարա»-ն մեկնաբանում Կրեմլի այս նախաձեռնությունները։

Ո՞րն է գաղափարը

Վերահսկելի ինտեգրացիա = «կլանում առանց անեքսիայի» ռազմավարություն։

Ռուսաստանը կիրառում է ասիմետրիկ կլանման մարտավարություն։

Նա չի հայտարարում պաշտոնական միաձուլման մասին, բայց ներդնում է ինքնիշխանության հիմնական տարրերը՝ փաստաթղթեր, սահմաններ, իրավունքներ, կառավարում։

Միաժամանակ նա՝

• բարդացնում է սովորական տեղաշարժման ռեժիմը (մուտք),
• հեշտացնում է անցումը նոր ինքնությանը (ՌԴ քաղաքացիությանը)։

Իմաստը. բնակչությանը ստիպել «կամավոր» կերպով ընտրել ռուսական իրավազորությունը՝ որպես միակ հարմար տարբերակ։

Ուզո՞ւմ ես ճանապարհորդել, աշխատել, ապրել: Ապա հրաժարվիր ինքնուրույնությունից։ Ռուսաստանը կտա հարմարավետություն՝ հավատարմության դիմաց։

Սա ենթակառուցվածքային օկուպացիա է՝ առանց տանկերի:

• Վրաստանի քաղաքացիների ժառանգության իրավունքն Աբխազիայում կսահմանափակվի
• Օգոստոսից Աբխազիան կսկսի ՌԴ-ից էլեկտրաէներգիա գնել՝ ձմեռվա ամիսների պակասը ծածկելու համար

Վարորդական իրավունքները մեքենաների մասին չեն, այլ լեգիտիմության

Երբ Ռուսաստանն արգելում է աբխազական վարորդական վկայականները իր տարածքում, այդպիսով ապալեգիտիմացնում է Աբխազիայի պետականությունը։

Քո փաստաթղթերը կեղծ են։ Իրական են միայն այն փաստաթղթերը, որոնք մենք ենք տալիս։

Իսկ Աբխազիայի տարածքում տրամադրելով իր երկրի վարորդական իրավունքները նա՝

• Նախապատրաստում է ՌԴ իրավազորության ուղղակի ազդեցության կետ օտար տարածքում,
• Ձևավորում է զուգահեռ պետություն,
• Աբխազիան վերածում է ՌԴ-ի տարածաշրջանային պրոքսի գոտու։

Այս ամենը փափուկ գաղութացում է՝ առանց դրոշի, բայց մարդկանց կյանքի վրա լիարժեք վերահսկողությամբ։

• «Վրաստանը պետք է սովորի «այո» ասել»․ կարծիք Աբխազիայից
• Սկանդալ Աբխազիայում․ «Դոշիրակ»-ի հիշատակման համար պաշտոնյա է հեռացվել աշխատանքից

Ռուսաստանի նպատակները՝ ոչ ակնհայտ, բայց իրական

1. Ժողովրդագրական կլանում

Որքան շատ ՌԴ քաղաքացիներ են բնակվում տարածաշրջանում, այնքան հեշտ է այն վերահսկել՝ մինչև անգամ «ՌԴ քաղաքացիների» ռազմական պաշտպանության անվան տակ։

2. Աբխազիայի ինքնիշխանության մաշեցում մինչև դեկորատիվ մակարդակ

Անել այնպես, որ Աբխազիան փաստացի դառնա դաշնային պրոտեկտորատ՝ առանց ֆորմալ կերպով ՌԴ կազմ մտնելու։

3. Ազդեցության այլընտրանքային վեկտորների արգելափակում

Ռուսաստանը գրավում է լեգիտիմության և փաստաթղթաշրջանառության հոսքերը՝ բացառելու համար ցանկացած մրցակցություն։

Ինչպե՞ս պայքարել դրա դեմ

1. Տեղեկատվությամբ բացահայտել փափուկ օկուպացիայի տրամաբանությունը

Այսինքն՝ բացատրել մարդկանց, որ՝

• ՌԴ քաղաքացիություն = ազգային անկախությունից աստիճանական հրաժարում,
• Ռուսական փաստաթղթեր = կառավարման մեխանիզմ, ոչ թե նվեր,
• Փաստաթղթեր ստանալու պարզեցում = թակարդ, ոչ թե բարիք:

Անհրաժեշտ է ոչնչացնել պատրանքը, թե ՌԴ-ն «օգնում է» աբխազներին։

2. Ստեղծել լեգիտիմության զուգահեռ ենթակառուցվածք

Եթե չի հաջողվում հասնել գլոբալ մակարդակով, միջազգային ասպարեզում Աբխազիայի անկախության ճանաչման, ապա պետք է ստեղծել գոնե ներքին մակարդակում վստահության աշխատունակ համակարգ։

Դրա համար անհրաժեշտ են՝

• Էլեկտրոնային փաստաթղթեր,
• Երրորդ երկրների մակարդակով միջազգային համաձայնագրեր,
• Վստահելի հարթակներ, որոնք կապված չեն ՌԴ-ի հետ։

Առանց սեփական ենթակառուցվածքի չկա ինքնիշխանություն, նույնիսկ եթե կա դրոշ։

3. Զարգացնել ներքին տնտեսությունն ու ծառայությունները՝ որպես «ռուսական հովանավորության» այլընտրանք

Քանի դեռ Ռուսաստանը տալիս է ավելին, ժողովուրդը նրան կընտրի։

Բայց հենց որ ներքին համակարգը սկսի աշխատել, կերակրել, բուժել և տեղափոխել, օտար իրավազորության տակ մտնելու խթանը կթուլանա։

• Աբխազիայում ՌԴ քաղաքացուն մեղադրում են օդանավակայանում ահաբեկչություն ծրագրելու մեջ
• Աբխազիայում առանց վերնաշապիկի սրճարան գալու համար կրակել են ռուս զբոսաշրջիկի վրա

Ամփոփում

Ռուսաստանի գործողությունները համակարգային «գաղութացում են փաստաթղթերի միջոցով»։

Ոչ թե ատրճանակներ, այլ անձնագրեր։

Ոչ թե անեքսիա, այլ «օգնություն»։

Ոչ թե հրաման, այլ «կամավոր հարմարություն»։

Ռուսաստանը խաղում է երկարաժամկետ հեռանկարով, մասնավորապես՝

• խարխլում է Աբխազիայի ներքին օրինականությունը,
• քաղաքացիության միջոցով կառուցում է ազդեցության ուղիղ գիծ,
• ներդնում է իր իրավազորության իրավական ցանցը։

Պայքարել կարելի է։ Բայց միայն այն դեպքում, եթե հրաժարվենք պատրանքներից և սկսենք խաղալ նույն խաղը՝ համակարգերի խաղ, այլ ոչ թե կարգախոսների։

Հետևեք մեզ — Facebook | Youtube | Telegram

«Աիաշարա»-ն ռուս-աբխազական հարաբերությունների մասին