Ադրբեջանում կտրուկ աճել է մահացությունը, սակայն իշխանությունները չեն խոսում կորոնավիրուսի հետ կապի մասին

Ադրբեջանում կտրուկ՝ մոտ 50 տոկոսով, աճել է մահացությունը 2019 թ–ի համեմատ։ Թեև երկրում կորոնավիրուսով վարակվածների թիվը բարձր է, իշխանությունները չեն հայտարարել համավարակի հետ մահացության կապի մասին։

Ըստ պաշտոնական տվյալների՝ 2020 թ–ի հունիսին մահացել է 6 203 մարդ։

• Բաքվի լողափերը կորոնավիրուսի շրջանում բաժանվել են «օրինականների» և ոչ այնքան

• Ռուսաստանի նախագահը հայտարարել է կորոնավիրուսի դեմ պատվաստանյութի ստեղծման մասին․ արդյո՞ք արժե հավատալ

• Վրաստան և Իրան․ կյանքը՝ վարակի օջախի կողքին 

Համեմատության համար՝ 2019 թ–ի նույն ժամանակահատվածի ցուցանիշը կազմել է 4 055 դեպք։

Մահացության միջին ցուցանիշը 2014-2019 թ–ին հունիսին կազմում է 4 040։

«Այլ կերպ ասած՝ 2020 թ–ի հունիսին Ադրբեջանում գրանցվել է մահվան 2 163 «ավելորդ» դեպք։ Սակայն, ըստ պաշտոնական տվյալների, հունիսին կորոնավիրուսից մահացել է ընդամենը 150 մարդ», — ֆեյսբուքյան իր էջում գրում է JAMnews–ի տնտեսական հարցերով փորձագետ Թոգրուլ Մաշալին։

Ադրբեջանի Վիճակագրության պետական կոմիտեն նույնպես հիվանդությունների վերաբերյալ տվյալներ է հրապարակել, մասնավորապես․ որոնցից են առավել հաճախ մահանում երկրի բնակիչները։

Այսպես, 2019 թ–ին երկրում ընդհանուր առմամբ գրանցվել է մահվան 55 916 դեպք։ Նրանց 58%–ի մահվան պատճառը սրտանոթային համակարգի հիվանդություններն են եղել։

Երկրորդ տեղում են օնկոլոգիական հիվանդությունները (15,8%), երրորդ տեղում՝ վնասվածքները, թունավորումն ու մահն արտաքին գործոններից (5%)։

Կորոնավիրուսի համավարակը խլել է Ադրբեջանի 509 բնակչի կյանք։ Ընդհանուր առմամբ, կորոնավիրուսով վարակվել է 34 744 մարդ, 32 201–ն ապաքինվել է։