Կորոնավիրուսի համաճարակը Կովկասում․ փաստեր և թվեր տարածաշրջանի վերաբերյալ։ Մարտի 15-16, 2020 է
Մարտի 16-ից հետո հրապարակված հաղորդագրությունները դիտելու համար սեղմեք այստեղ
Մարտի 16, 2020
Հայաստանում արտակարգ դրություն է հայտարարվել տարածաշրջանում կորոնավիրուսի տարածման պատճառով։ Որոշումն ընդունվել է կառավարության մարտի 16–ի արտահերթ նիստին։
Արտակարգ դրությունը կգործի 2020 թ–ի մարտի 16–ից մինչև ապրիլի 14–ը։
• Հայաստանում կորոնավիրուսի պատճառով մեկ ամսով արտակարգ դրություն է հայտարարվել
_____________________________________
Վրաստանում հիվանդանոցից դուրս է գրվել առաջին հիվանդը, որը կորոնավիրուս է տարել և արդեն ապաքինվել է: Այնուամենայնիվ, նա ևս մեկ շաբաթ կպահպանի ինքնամեկուսացման ռեժիմը: Մարտի 16-ի դրությամբ Վրաստանում գրանցվել է կորոնավիրուսի 33 դեպք, 637 մարդ կարանտինի մեջ են, 54 մարդ ՝ ինքնամեկուսացված են:
_____________________________________
Չեխ զբոսաշրջիկների մոտ, որոնք հանգստանում էին Վրաստանի Գուդաուրի լեռնադահուկային հանգստավայրում մարտի 4-9–ը, տուն վերադառնալուց հետո կորոնավիրուս է հայտնաբերվել։
Ընդհանուր առմամբ նրանք յոթ հոգի են, երեքն արդեն հիվանդ են, նրանցից մեկը Սլովակիայի քաղաքացի է։ Մինչ նրանք Վրաստանում էին, հիվանդության ոչ մի ախտանիշ չեն ունեցել։
Հատուկ ծառայությունները հայտնաբերում են այն վայրերը, որտեղ կանգ են առել զբոսաշրջիկները, և նրանց, ում հետ նրանք շփվել են։ Ոմանց համար արդեն ցուցված է ինքնամեկուսացումը։
_____________________________________
Հայաստանում կորոնավիրուսի հաստատված դեպքերի թիվը հասել է 30-ի: 300 մարդ, ով շփում է ունեցել վարակվածների հետ, մեկուսացված են։
Այս մասին իր ֆեյսբուքյան էջում գրել է առողջապահության նախարար Արսեն Թորոսյանը․
«Նրանցից մեկը փոխկապակցված է «Էջմիածնի» դեպքի հետ և ի սկզբանե մեկուսացված է եղել։ Մյուս դեպքը փոխկապակցված է երեկ երեկոյան հաստատված 2 դեպքի հետ։ Հանրագումարով, այս պահին ունենք հաստատված 30 դեպք, որոնցից 1-ը՝ առողջացած»։
Կառավարությունում ժամը 15:00-ին տեղի կունենա արտահերթ նիստ, կքննարկվի Հայաստանում կորոնավիրուսի տարածումը կանխարգելելու նպատակով արտակարգ դրություն մտցնելու հարցը:
«Նիստը կլինի դռնբաց, կհեռարձակվի ուղիղ եթերով»,- հայտնել է վարչապետ Փաշինյանն իր Ֆեյսբուքյան էջում:
_____________________________________
Ադրբեջանում կորոնավիրուսով վարակվել է ևս չորս մարդ, հիվանդների ընդհանուր թիվը հասել է 23–ի։ Նրանցից մեկը մահացել է, վեցն՝ ապաքինվել և դուրս գրվել հիվանդանոցից։
Ենթադրաբար, վարակման դեպքերը կապված են Իրանի և Իտալիայի հետ, սակայն հստակ տեղեկություններ չեն հաղորդվում։
_____________________________________
Մարտի 16–ից կասեցվել է տեղաշարժը Վրաստանի և Ռուսաստանի Դաշնության միջև ցամաքային սահմանով՝ Վերին Լարս հսկիչ անցակետով։ Այն Վրաստան մուտք գործելու վերջին բաց անցակետն էր, այժմ երկիրն ամբողջությամբ փակ է արտասահմանցիների համար, սակայն Վրաստանի քաղաքացիները կարող են տուն վերադառնալ։
Սահմանափակումները չեն տարածվում բեռնափոխադրումների վրա։
Մարտի 15, 2020
Վրաստանում մարտի 15–ին հաստատվել է կորոնավիրուսով վարակման երեք նոր դեպք։ Այսպիսով, երկրում ընդհանուր առմամբ 33 հիվանդ կա։ Նրանցից չորսն անչափահաս է, ինչպես հաղորդվում է, նրանց վիճակը կայուն է։ Կարանտինի մեջ է շուրջ 500 մարդ։
Երեք նոր հիվանդները շփվել են արտասահմանցիների հետ, որոնք ժամանել են բարձր ռիսկայնությամբ երկրներից, լրագրողներին ասել է Թբիլիսիի ինֆեկցիոն հիվանդանոցի ղեկավար Թենգիզ Ցերծվաձեն։
«Վրաստանում մի քանի մարդու միջոցով վարակի փոխանցման դեպք դեռևս չի եղել, երբ հիվանդը չգիտի, թե որտեղ կարող է վարակված լինել։ Եթե այդպիսի իրավիճակ լինի, այն ավելի լուրջ կլինի և հատուկ մարտավարություն կպահանջի», — ասել է Ցերծվաձեն։
_____________________________________
Հայաստանում մարտի 15-ի ընթացքում վարակվածների թիվն աճեց ութ նոր դեպքերով և հասավ 28-ի։ Դրանցից յոթը վարակվել են Էջմիածին քաղաքի բնակչուհու հետ շփման ընթավքում, որը Իտալիայում էր եղել։ Վարակվածներից մեկը Մեղրիից է, նա վերջերս է վերադարձել Իտալիայից։
Միաժամանակ հայտարավում է, որ առաջին պացիենտը, ում մոտ կորոնավիրուս էր ախտորոշվել, արդեն առողջ է և կարող է տուն վերդառնալ։
• Կորոնավիրուս․ պանդեմիա է հայտարարվել։ Ի՞նչ է դա նշանակում և ի՞նչ սպասել
• Կորոնավիրուս․ այլևս ոչ մի գրկախառնություն, ողջույնները՝ միայն արմունկներով և կոշիկներով։ ՏԵՍԱՆՅՈՒԹ
• Ամեն ինչ՝ կորոնավիրուսի մասին
Անվտանգության միջոցառումներ, որոնք կիրառվում են Կովկասի տարբեր հատվածներում կորոնավիրուսի համաճարակի առնչությամբ
Հայաստան
Հայաստանում արտակարգ դրություն է հայտարարվել տարածաշրջանում կորոնավիրուսի տարածման պատճառով։ Որոշումն ընդունվել է կառավարության մարտի 16–ի արտահերթ նիստին։ Արտակարգ դրությունը կգործի 2020 թ–ի մարտի 16–ից մինչև ապրիլի 14–ը։
Վարակի հիմնական օջախն Էջմիածին քաղաքն է (Երևանից մոտ 20 կմ հեռավորության վրա)։ Քաղաքը գրեթե ամբողջությամբ մեկուսացված է, խստորեն հսկվում են մուտքերն ու ելքերը։
Հայաստանը փակել է իր բոլոր ցամաքային սահմանները։ Վերջինը՝ Վրաստանի հետ սահմանը, փակվել է մարտի 15–ին։ Սահմանափակումները չեն վերաբերում բեռնափոխադրումներին։
Ավիահաղորդակցությունը դեռ բաց է, թեև շատ ավիաընկերություններ կրճատել են դեպի Հայաստան չվերթների քանակը կամ ամբողջությամբ չեղարկել են դրանք։ Հսկիչ անցակետերում ստուգում են բոլոր ժամանածների ջերմությունը։
Հայաստանի քաղաքացիները կարող են տուն վերադառնալ ցանկացած սահմանով, այդ թվում՝ ցամաքային։
Ադրբեջան
Ադրբեջանում փակ են բոլոր ուսումնական հաստատությունները, մանկապարտեզներն ու առևտրի կենտրոնները։ Ռեստորանների և զվարճանքի կենտրոնների համար սահմանափակումներ են գործում․ դրանք պետք է աշխատանքն ավարտեն ոչ ուշ, քան 21.00–ն։
Փակ են բոլոր ցամաքային սահմանները՝ բացառությամբ Ռուսաստանի հետ սահմանի։ Չեղարկվել են շատ ավիաչվերթներ։
Սահմանափակումները չեն վերաբերում բեռնափոխադրումներին։
Ադրբեջանի քաղաքացիները կարող են տուն վերադառնալ ցանկացած անցակետով։ Այստեղ ստուգում են բոլոր ժամանածների ջերմությունը։
Վրաստան
Վրաստանում փակ են բոլոր ուսումնական հաստատությունները։ Արտակարգ դրություն է գործում սահմանին։ Վրաստան կարող են մուտք գործել միայն Վրաստանի քաղաքացիները, նրանց ջերմությունը ստուգվում է սահմանին, նրանք պարտավոր են ինքնամեկուսանալ 14 օրով։ Այս պահանջի կատարումը վերահսկում է ոստիկանությունը, խախտողները բռնի կերպով կարանտինի մեջ կառնվեն։
Այլևս ոչ ոք չի կարող մոտք գործել երկիր։ Սահմանափակումները չեն վերաբերում բեռնափոխադրումներին, այդ թվում՝ առաքվում են փոստով ուղարկված ծանրոցները։
Սոցցանցերում շատերը պահանջում են արտակարգ դրություն մտցնել և փակել բոլոր առևտրի կենտրոններն ու զվարճանքի վայրերը։
