Ադրբեջանցին, հայն ու վրացին կրկին կհանդիպեն Բեռլինում. «Տոլմայի օրագրեր» սերիալը շարունակվում է
«Տոլմայի օրագրեր» սերիալի նոր էպիզոդներ
Մեկնարկել են իր տեսակի մեջ միակ՝ «Տոլմայի օրագրեր» (Dolma Diaries) կատակերգական վեբ-սերիալի նոր էպիզոդների աշխատանքները։
Այն պատմում է երեք երիտասարդ տղաների մասին՝ հայ, ադրբեջանցի և վրացի, որոնք ապրում են Բեռլինում համատեղ վարձակալած բնակարանում։ Նրանք Գերմանիա են եկել սովորելու՝ ստանալով կրթաթոշակ, որի պարտադիր պայմաններից մեկը «հակառակորդի հետ համակեցությունն է»։
Սերիալը նկարահանվում է հարավկովկասյան և գերմանացի մի խումբ քաղաքացիական ակտիվիստների և մեդիա պրոդյուսերների կողմից, ովքեր իրենց խնդիրն են համարում ծաղրել կարծրատիպերը։
Առաջին փորձնական սերիան թողարկվել է Friedrich Ebert Stiftung հիմնադրամի աջակցությամբ 2022 թվականի աշնանը, այն կարող եք դիտել այստեղ։ Իսկ նրանք նկարահանումների գլխավոր հերոսներն են՝
![Новые эпизоды сериала Dolma Diaries. Он рассказывает о трех молодых парнях – армянине, азербайджанце и грузине, живущих в совместно арендованной квартире в Берлине. Они приехали в Германию на учебу, получив стипендию, одним из обязательных условий которой является «сосуществование с оппонентом».](https://jam-news.net/app/uploads/2023/06/Screenshot-2023-06-01-at-17.02.58-1024x677.png)
«Օնլայն ժամանցային սերիալը երիտասարդների սրտերին ու մտքերին հասնելու ավելի մեծ շանսեր ունի: Այդպես առաջացավ գաղափարը՝ ստեղծել հայ-ադրբեջանա-վրացական համատեղ կատակերգական սերիալ, որը կհակադրվեր թշնամու կերպարներին և մարդկանց ցույց կտար միասին։ Ինչո՞ւ չծաղրել այն մտածելակերպը, որը թույլ է տալիս պատերազմ` որպես խնդիրների լուծման հնարավոր տարբերակ»,- ասում է վեբ-սերիալի պրոդյուսեր Օլիվեր Մյուզերը։
«Գաղափարը դուր եկավ Գերմանիայի ԱԳՆ-ին։ Նրանք ֆինանսավորեցին սցենարի մշակումը, որի վրա աշխատում ենք վրացի, հայ և ադրբեջանցի հեղինակների՝ Գեորգի Ջավախաձեի, Արտեմ Պետրոսյանի և Ֆազիլ Ալիևի հետ»։
- «Ծիծաղելի կլիներ, եթե պատերազմն ավարտված լիներ»․ հայաստանցիները «Տոլմայի օրագրեր» կատակերգական սերիալի մասին
- «Մարդիկ ուզում են ճանաչել միմյանց»․ ի՞նչ են խոսում հայերն ու ադրբեջանցիները
- «Նրանք պետք է իմանան, որ մենք թշնամի ունենք»․ երեխաներն ու արցախյան հակամարտությունը
Սցենարիստները շարունակել են աշխատանքը, «Տոլմայի օրագրեր»-ի միանգամից մի քանի նոր էպիզոդներ կթողարկվեն մինչև 2023 թվականի ավարտը։ Բոլոր նորությունները կտեղադրվեն Instagram-ում։
Թիմը, որն աշխատում է սերիալի վրա, խնդրեց տեղեկացնել, որ ուրախ կլինի ստանան ցանկացած խորհուրդ, առաջարկ և գաղափար յուրաքանչյուրից, ով հետաքրքրված է։ «Մենք գործընկերության ծարավ ենք»,- ասում են նրանք։ Դուք կարող եք ուղարկել ձեր հաղորդագրությունները Instagram-ով կամ այս էլ.փոստի՝ [email protected] հասցեին։
«Տոլմայի օրագրեր» սերիալի նոր էպիզոդներ