Վրաստանի նոր Սահմանադրությունը հստակ ուրվագծեր է ձեռք բերում

Վրաստանի նոր Սահմանադրության վրա աշխատանքը սկանդալային երանգ է ստանում: Ապրիլի 10-ին հրապարակվել է փոփոխությունների նախագիծը, որը մշակվել է սահմանադրական հանձնաժողովի կողմից, սակայն դրա ոչ բոլոր անդամներն են այն հաստատել: Բացառված չէ, որ սահմանադրական հանձնաժողովը լքեն ոչ կառավարական կազմակերպությունների ներկայացուցիչները, քանի որ, նրանց խոսքով, իրենք չեն ուզում պատասխանատվություն վերցնեն մի փաստաթղթի համար, որում իրենց առաջարկները հաշվի չեն առնվում: Իշխանությունն ի գիտություն չի ընդունում նրանց քննադատական դիտողությունները:

Ապրիլի 10-ին հրապարակված նախագիծը վերջնական չէ: Դրանում փոփոխություներ կարելի է մտցնել մինչև ապրիլի վերջ: Հենց ամսվա վերջին պետք է պատրաստ լինի վերջնական տարբերակը: Որից հետո այն կփոխանցվի խորհրդարանի դիտարկմանը:

Հակիրճ, թե ինչ է գրված Սահմանադրության նախագծում տվյալ պահին.

— Նախագահը չի ընտրվելու համաժողովրդական քվեարկությամբ: 2023թ-ից սկսած նա ընտրվելու է 300 պատվիրակների կողմից: Նրանցից 150-ը ներկայացնելու են խորհրդրանը, 13-ական պատվիրակ՝ Աբխազիայի և Աջարիայի ինքնավար հանրապետությունների Գերագույն խորհուրդները, մնացած 124 հոգին լինելու են Թբիլիսիի և Վրաստանի բոլոր շրջանների տեղական ինքնակառավարման մարմինների ներկայացուցիչները:

— 35-ից 40 տարեկան է բարձրացվում նախագահության թեկնածուի տարիքային ցենցը, նստակեցության ցենզը՝ 5-ից 15 տարի:

— Նախագահի լիազորություններից հանվում են անվտանգության և պաշտպանության հարցերը, լուծարվում է նրան կից անվտանգության խորհուրդը: Միայն պատերազմի դեպքում է հավաքվելու պաշտպանության ազգային խորհուրդը՝ նախագահի ղեկավարության տակ:

— Նախագահը երկրի բարձրագույն ներկայացուցիչը չի լինելու միջազգային հարաբերությունների հարցերում:

— Նախագահը զրկվելու է դատավորների և Վրաստանի Գերագույն դատարանի նախագահի թեկնածություններ ներկայացնել:

— Կփոխվի ներկայիս մեծամասնական-համամասնական ընտրական համակարգը: Ընտրություններն անցկացվելու են միայն համամասնական ընտրակարգով, չնայած որ պատգամավորական մանդատների վերաբաշխման հարցը նախկինի պես բաց է մնում:

— Անփոփոխ է մնում խորհրդարան անցնելու 5% շեմը:

— Խորհրդարանը Քութայիսիում կմնա:

— Հարկեր մտցնելու և դրանք բարձրացնելու համար հանրաքվե անհրաժեշտ կլինի:

— Սահմանադրությունում ամուսնության սահմանում կլինի:

— Սահմանադրությունը չի կարգավորի այլ երկրների քաղաքացիների կողմից հող ձեռք բերելու հարցը (այդ կարգավորումը քննարկվում էր, սակայն նախագծի ներկայիս տարբերակում այն չի ներառվել):

Armenia to help Georgia not lose Russian tourists