«Պետք չէ Գուլագի մասին խոսել»․ Ռուսաստանում բանտարկյալներն աշխատելու են միգրանտների փոխարե՞ն
Ռուսաստանի խոշոր շինհրապարակներ բանտարկյալներին աշխատանքի ուղարկելու և բանվոր միգրանտների ծառայություններից հրաժարվելու պլանի մասին է հայտարարել Ռուսաստանի Պատիժների իրականացման դաշնային ծառայության (ՊԻԴԾ) ղեկավար Ալեքսանդր Կալաշնիկովը։
Գաղափարը հիմնավորվում է Ռուսաստանում աշխատուժի խրոնկական պակասով, քանի որ հետխորհրդային տարածքից միգրանտ բանվորները չեն կարողանում երկիր գալ՝ կորոնավիրուսի համավարակի հետ կապված սահմանափակումների պատճառով։
Կալաշնիկովը հասկանում է 1930-1950 թթ-ին Ստալինի ղեկավարման ժամանակ բանտարկյալների բռնի ծանր աշխատանքն օգտագործող աշխատանքային ճամբարների համակարգի հետ զուգահեռները, որը հայտնի է որպես Գուլագ։ Եվ արդեն հայտարարություններ է արել՝ կանխելով քննադատությունը․
«Սա Գուլագ չէ։ Այնտեղ պայմանները բացարձակ այլ են լինելու։ Մարդիկ աշխատելու են և ապրելու են կոմունալ բնակարաններում կամ բնակարան են վարձելու և ընտանիքով են ապրելու, ով ինչպես ցանկանա։ Նրանց նաև լավ աշխատավարձ են վճարելու»։
Կալաշնիկովն ասում է, որ հատկապես Միջին Ասիայից բանվոր միգրանտների պակասի պայմաններում ողջ Ռուսաստանում շուրջ 188 հազար բանտարկյալ պետք է ազատազրկման ողջ ընթացքում աշխատելու հնարավորւթյուն ստանա։
- Ինչո՞ւ է Ռուսաստանի նախագահ Պուտինը վախենում ընդդիմադիր գործիչ Նավալնուց
- Ալեքսեյ Նավալնին խոսել է իր չկայացած մարդասպանի հետ
Ռուսաստանի արդարադատության նախարար Կոնստանտին Չույչենկոն արդեն հաստատել է նախաձեռնությունը։ Նա հայտարարել է, որ բանտարկյալներն այդպիսով «իրացնում են բանտարկությունն աշխատանքով փոխարինելու իրենց իրավունքը»։
Չույչենկոն ասում է, որ արդարադատության նախարարությունն ու ՊԻԴԾ-ն արդեն բանակցություններ են վարում մի քանի ձեռնարկությունների հետ, որպեսզի մոտ ապագայում Ռուսաստանի տարածքում Ստալինից հետո առաջին աշխատանքային ճամբարները բացվեն։
«Գուլագը մահվան ճամբար չէր, այն կյանքի ուղեգիր էր»
Ի աջակցություն նախաձեռնության է հանդես եկել ՌԻԱ Նովոստի պետական տեղեկատվական գործակալության լրագրող Վիկտորյա Նիկիֆորովան։ «Մեր աշխատանքը պատվի հարց է» հոդվածում նա, այդ թվում, վերանայում է հայացքը Գուլագին, որն, ըստ նրա, «բնավ մահվան ճամբար չէր, ինչպես շատերն այն ներկայացնում են»։
«Էլիտայի համար Գուլագն «Աստորիայի» և «Մետրոպոլի» հետ տհաճ հակադրություն էր, սակայն հարյուր հազարավոր հասարակ մարդկանց համար, որքան էլ պարադոքսալ հնչի, այն սոցիալական վերելակ էր»,- գրում է Նիկիֆորովան։
«Դա «կյանքի իսկական ուղեգիր» էր։ Այն թույլ էր տալիս նախկին քրեական տարրերին՝ ինտեգրվել օրինապահ քաղաքացիների շարքեր․ չմոռանանք նաև, որ հենց հանցագործները, այլ ոչ թե քաղբանտարկյալներն էին Գուլագի կոնտինգենտի ճնշող մեծամասնությունը»։
Նա խոստովանում է, որ «խորհրդային շրջանի որոշ աշխատանքային ճամբարներ իրոք հայտնի էին ծանր պայմաններով»։ «Սակայն դրանց մեծ մասն օրինակելի էր, մարդկանց առաջարկում էին սնունդ, տաք բնակարան և լավ վարձատրվող մասնագիտություններ, ինչն արդյունքում օգնում էր նախկին հանցագործներին հասարակություն վերադառնալ»։
Նիկիֆորովան կարծում է, որ այս ծրագիրը կարող է «Ռուսաստանում աշխատաշուկայի լրացուցիչ դրայվերներ» ստեղծել և կօգնի բանտարկյալների վերաինտեգրմանը հասարակություն։ Ինչպես նաև կձևավորի «ավելի առողջ վերաբերմունք ֆիզիկական աշխատանքին»։
Որպես այլընտրանքային օրինակ՝ նա գրում է «ԱՄՆ մասնավոր բանտերում հարկադիր աշխատանքի մասին» և եզրակացնում․ «Ռուսական իրականությունում նման դաժանությունը պարզապես աներևակայելի է»։
Սոցցանցերի արձագանքը
Այս հոդվածը վրդովմունքի ալիք է բարձրացրել սոցցանցերի ռուսական տիրույթում։ Թվիթերի հազարավոր օգտատերեր ծաղրում են հոդվածն ու գրում Ռուսաստանի ապագայի վերաբերյալ վախի մասին․
«Մենք ուզում ենք նորմալ սոցիալական վերելակներ, ինչպես զարգացող երկրներում»։
МЫ ХОТИМ НОРМАЛЬНЫЕ СОЦИАЛЬНЫЕ ЛИФТЫ, КАК В РАЗВИВАЮЩИХСЯ СТРАНАХ
НО У НАС УЖЕ ЕСТЬ СОЦИАЛЬНЫЕ ЛИФТЫ ДОМА
СОЦИАЛЬНЫЕ ЛИФТЫ ДОМА: pic.twitter.com/GQoznshPZ5
— автоматизация чесания (@ComradeFox) May 24, 2021
![<script> <script>](https://jam-news.net/app/uploads/2021/05/image.gif)
«Դա ամենազզվելի, տխուր և զազրելի տեքստն է, որը կարդացել եմ։ Ուզում եմ մի 10 ժամ լողանալ, հետո բոլոր ընկերներիս և հարազատներիս հարկադրաբար ինքնաթիռ նստեցնել և դուրս բերել երկրից»։
Это самый мерзкий, грустный и отвратительный текст, который я читала. Хочется в душ сходить часов на 10. А потом насильно посадить на самолёт из страны всех друзей и близких.
— Татьяна Щукина (@tanchaizer) May 23, 2021
Прочитайте. https://t.co/HMlwwteCRq
«Էհ, մի Գուլագ չլիներ՝ բարձրանայինք կարիերայի սանդուղքով, հանցագործից դեպի ՆԿՎԴ աշխատակից»։
Эх щас бы в гулаг, подняться по карьерной лестнице, из грязи в князи, из зека в нквдшника
— Катя Иноагентка (@katintext) May 23, 2021
Արտահայտվել է նաև Հակակոռուպցիոն հիմնադրամը, որը հիմնել է ռուսական ընդդիմության՝ կալանքի տակ գտնվող առաջնորդ Ալեքսեյ Նավալնին։ Ռուսական իշխանությունները մտադիր են մոտ ապագայում հիմնադրամին էքստրեմիստական կազմակերպության կարգավիճակ շնորհել․
«Այսպես ավարտենք բարեփոխումները (դա Գուլագ չի լինելու)»։
Завершим реформы так
— ФБК (@fbkinfo) May 20, 2021
(это будет не ГУЛАГ) pic.twitter.com/EthrdjunPg