Ֆոսֆորային ռումբեր և անտառային հրդեհներ․ Արցախ, մարտեր, նորություններ 2020 թ-ի նոյեմբերի 3-ի առավոտվա դրությամբ

Տեղեկություններ Բաքվից

• Նոյեմբերի 2-ին և 3-ին մարտերը շարունակվում են հիմնականում Մարտակերտի, Մարտունու, Զանգելանի և Կուբաթլուի ուղղությամբ։

• Հայաստանի տարածքից հրետակոծվում են Ադրբեջանի սահմանամերձ բնակավայրերը․ Հայաստանի Բերդի, Ճամբարակի և Վարդենիսի շրջաններից՝ Ադրբեջանի Թովուզի, Գետաբեկի և Դաշքեսանի ուղղությամբ։

• Եվս ութ բնակավայր է անցել ադրբեջանական բանակի վերահսկողության տակ․ Իլհամ Ալիև։

• Ըստ Բաքվի տեղեկությունների՝ ընդհանուր առմամբ, վերահսկողության տակ է առնվել 201 բնակավայր։ Ամբողջությամբ ազատագրվել է Ֆիզուլիի շրջանը (Արցախի հարակից տարածք, հայկական ուժերի վերահսկողության տակ էր գտնվում 1990-ականների արցախյան պատերազմից հետո)։

• Ադրբեջանի նախագահի օգնականը Հայաստանին մեղադրել է ֆոսֆորային արկերի կիրառման համար դեռևս հոկտեմբերի 8-ին Ֆիզուլիի շրջանում ընթացող մարտերում․ «Ադրբեջանին այդ արկերի կիրառման համար մեղադրելով՝ Հայաստանն ուզում է մեղքն ուրիշի վրա գցել և ազատվել պատասխանատվությունից»։

Տեղեկություններ Երևանից

• Նոյեմբերի լույս 3-ի գիշերը մարտեր են ընթացել մի քանի ուղղություններով, Արցախի Պաշտպանության բանակը ոչ մեծ հատվածում նահանջել է մարտավարական նկատառումներով։

• Կասեցվել է ադրբեջանական բանակի առաջխաղացման փորձը հարավային ուղղությամբ (Իրանի հետ սահմանի ուղղությամբ), շարունակվում է հարձակումը հյուսիսային ուղղությամբ։

• Նոյեմբերի 2-ին ողջ օրը մարտեր են ընթացել Արցախի Մարտակերտ և Մարտունի քաղաքների և հարավային ուղղությամբ։ Ադրբեջանական ուժերը մեծացրել են ճնշումը։

• Արցախի Պաշտպանության բանակը հաջողությամբ հակահարձակում է իրականացրել հարավում, սակայն մի քանի դիրք է կորցրել Մարտունու ուղղությամբ։

• Արցախում ահագնանում են անտառային հրդեհները, անտառները միտումնավոր հրդեհում են ադրբեջանցի զինվորականներն օդից՝ կիրառելով սպիտակ ֆոսֆոր։

• Արցախի օմբուդսմենը հաղորդում է, որ այրվել է ոչ պակաս, քան 1 815 հեկտար անտառ, բնապահպանական աղետ է տեղի ունենում։

• Արցախի օմբուդսմենը հայտարարել է, որ «Ադրբեջանի բանակը ռազմական հանցագործություն է կատարում, հրդեհներն ուղղված են քաղաքացիական բնակչության դեմ, որը փորձում է հրետակոծությունից թաքնվել անտառներում»։

• Հայաստանի ԱԳՆ-ն կրկին հայտարարել է, որ Թուրքիան ու Ադրբեջանն օտարերկրյա ահաբեկիչ-վարձկաններ են ներգրավում։

• Մի քանի հարյուր կին և երեխա նոյեմբերի 2-ին Երևանում ԱՄՆ դեսպանատան մոտ ակցիա են անցկացրել՝ պահանջելով կանգնեցնել պատերազմն ու ճանաչել Արցախի անկախությունը։