Ղարաբաղի բնակչությունը կողմ է քվեարկել նոր Սահմանադրությանը

2017 թ. փետրվարի 20-ին Լեռնային Ղարաբաղի Հանրապետությունում կայացած Սահմանադրության նախագծի վերաբերյալ համաժողովրդական հանրաքվեի քվեարկությանը մասնակցել է գրանցված ընտրողների 76,44 %-ը, որից  87,6 %-ը կողմ է քվեարկել նոր Սահմանադրության ընդունմանը։

Նոր Սահմանադրությամբ ընդլայնվել է հանրապետության քաղաքացիների ուղղակի մասնակցությունը պետական գործերի կառավարմանը, այդ թվում՝ Սահմանադրության փոփոխությանը։

Քվեարկության ընթացքին հետևում էին ավելի քան 100 միջազգային դիտորդներ 30 երկրներից, ովքեր դրական են գնահատել հանրաքվեի կազմակերպումն ու անցկացումը՝ ընդգծելով ընտրությունների թափանցիկությունը և համապատասխանությունը միջազգային չափանիշներին։

ԼՂՀ ԱԳՆ-ի հաղորդմամբ, Սահմանադրության հանրաքվեն դարձել է կամարտահայտության հերթական ակտ Արցախի ժողովրդի համար, որի շնորհիվ ժողովուրդը ինքնուրույն որոշել է իր ապագան։