Կորոնավիրուսն աշխարհում

Թագավորական աղբյուրները հաղորդում են, որ 71–ամյա արքայազն Չարլզն իրեն լավ է զգում և «լավ տրամադրություն ունի»։ Նա Շոտլանդիայում ինքնամեկուսացման մեջ է, նրա կինը՝ Քորնուոլի դքսուհի Կամիլան առանձին մեկուսացման մեջ է։

Իսպանիայում կորոնավիրուսից 3,434 մարդ է մահացել։ Դա 27 տոկոսով ավելին է, քան նախօրեին։

Չինաստանում, որտեղ բռնկում էր տեղի ունեցել, մահացել է 3,281 մարդ։

Երկրում 47, 610 հիվանդ կա։

Աշխարհում կորոնավիրուսից մահացության ամենաբարձր ցուցանիշն Իտալիայում է՝ 6,820 մարդ։

Իսպանիայի առողջապահության նախարարությունն ակնկալում է, որ Covid-19–ի դեպքերը մոտակա օրերին շարունակելու են ավելանալ։

Աշխարհում 422,911 վարակված կա։

Մահացածների թիվը 18,905 է։

Ապաքինվածներինը՝ 109,143։

Պանդեմիան մեծ արագություն է հավաքում։ Covid-19–ի մասին առաջին հաղորդագրությունից հետո 67 օր է պահանջվել 100 հազար դեպքի հասնելու համար, 11 օր՝ հաջորդ 100 հազարին հասնելու, և ընդամենը չորս օր՝ երրորդ 100 հազարին հասնելու համար։

Աշխարհի բնակչության գրեթե մեկ երրորդը՝ 2,5 մլրդ մարդ, պանդեմիայի պատճառով գտնվում է տեղաշարժի սահմանափակման մեջ։

Աղյուսակում կորոնավիրուսի տարածման վիճակագրությունն է, երկրների առաջին տասնյակը։

Չինաստանն առաջին տեղում է վարակման դեպքերի քանակով, սակայն այնտեղ արդեն մեկ շաբաթ է, ինչ օրական երկու–երեք դեպք է գրանցվում։ Չինաստանի իշխանությունները պնդում են, որ այդ դեպքերը կապված են այլ երկրներից ժամանողների հետ։

Իտալիայում մեկ օրում մահվան 743 դեպք է գրանցվել։ Ընդհանուր առմամբ, կորոնավիրուսից 6,820 մարդ է մահացել։

Հիվանդների թիվը հասել է 69,176–ի։

Սակայն վարակման և մահացության նոր դեպքերի տեմպերն Իտալիայում կարող են դանդաղել, քանի որ արդեն լրանում է երկու շաբաթ ժամկետն այն պահից, երբ երկիրը փակվել է։ Փորձագետների խոսքով, քանի որ համարվում է, որ Covid-19–ի ինկուբացիոն ժամանակահատվածը մինչև 14 օր է, այդ երկու շաբաթն անհրաժեշտ է՝ տեսնելու համար ցանկացած միջոցների առավելությունները։ Այդ ժամկետով էլ հենց մարդկանց խորհուրդ են տալիս կամ պարտավորեցնում տանը մնալ։

Իտալիան ամբողջությամբ փակ է մարտի 13–ից։

ԱՄՆ–ում վարակից մահացածների թիվը 764 է։

Հիվանդներինը՝ 54,914։

Նյու Յորքում գրանցվել է վարակման ավելի քան 25 000, մահացության ավելի քան 200 դեպք, ընդ որում, նոր դեպքերի քանակը կրկնապատկվում է երեք օրը մեկ։

Առողջապահության համաշխարհային կազմակերպությունը զգուշացրել է, որ ԱՄՆ–ն կարող է դառնալ վարակի հաջորդ էպիկենտրոնը։

Իսպանիայում շարունակվում է արագորեն ավելանալ հիվանդների և մահացածների թիվը։ Մարտի 8–ի երթը կարող է բռնկման պատճառ լինել։

Իսպանիայում մեկ օրում մահացության 514 դեպքն ամենամեծ թիվն է համաճարակի մեկնարկից ի վեր։ Ընդհանուր առմամբ, երկրում գրանցվել է 2,991 մահ։ Հիվանդների թիվը 42,058 է։

Մասնագետներն ասում են, որ իրավիճակը կտրուկ սրվել է մարտի ութին՝ Կանանց իրավունքների միջազգային օրն անցկացված երթի պատճառով։

Չորս օր անց երթին մասնակցած երկու նախարարների մոտ կորոնավիրուս է ախտորոշվել։ Վարակվել է նաև վարչապետ Պեդրո Սանչեսի կինը, որը մասնակցել է երթին։

Մի քանի օրում վարակվածների թիվն ավելացել է գրեթե եռակի՝ հասնելով 3,000–ի։

Ընդհանուր առմամբ, 1,100 մահվան դեպք կա Ֆրանսիայում։

Մեկ օրում գրանցվել է վարակման 2,444 հաստատված դեպք, արդյունքում՝ հիվանդների ընդհանուր թիվը հասել է 22,304–ի։

Ֆրանսիան փակ է մարտի 17–ից, մարդկանցից պահանջվում է տանը մնալ։

Այն կազմված է լինելու երկու պալատներից և տեղավորելու է մինչև 4,000 հիվանդ։