Ադրբեջանցի պաշտոնյաները լրագրողներին խորհուրդ են տալիս չռոմանտիզացնել ինքնասպանությունը

Ադրբեջանի աշխատանքի և սոցիալական ապահովության նախարարությունը ՄԱԿ-ի հետ համատեղ ինքնասպանությունների կանխարգելման պլան է մշակում։ Երկրում առաջին անգամ են պատրաստվում ինքնասպանությունների դեմ պայքարել պետական մակարդակով։   

• Թե ինչպես են ինքնասպանություն գործող դառնում Ադրբեջանում

• Կյանք բռնաբարությունից հետո։ Վրացի Սալոմե Զանդուկելիի պատմությունը

Որքանո՞վ է լուրջ խնդիրը

Ադրբեջանն «ինքնասպանությունների համաշխարհային վարկանիշում» վերջին տեղերից մեկն է զբաղեցնում։ Ինքնասպանություններն այստեղ համեմատաբար հազվադեպ երևույթ են, համենայնդեպս, այդպես է պնդում պաշտոնական վիճակագրությունը, որը վարում է ներքին գործերի նախարարությունը։ Վիճակագրությունը չի հրապարակվում բաց աղբյուրներում, հայտնի չէ դրա մեթոդաբանությունն ու վստահելիության աստիճանը։ Նախորդ տարիների ցուցանիշների համեմատ, ըստ Առողջապահության համաշխարհային կազմակերպության, Ադրբեջանում ինքնասպանությունների քանակը 100 հազար մարդու հաշվարկով աճել է գրեթե մեկուկես անգամ՝ 1,7-ից մինչև 2,7 2012- 2016 թվականներին։

Այդ աճը բաժին է ընկնում մանաթի փոխարժեքի կտրուկ անկման և սոցիալական իրավիճակի վատթարացման փուլին։ Բացի այդ, վերջին տարիներին մի քանի աղմկահարույց ինքնասպանություն է տեղի ունեցել, որոնք հասարակության և մամուլի ուշադրության կենտրոնում են հայտնվել։

• Ինչո՞ւ մահացավ Էլինա Հաջիևանն, և ո՞վ պատասխան տվեց դրա համար

Չռոմանտիզացնել և միավորել ջանքերը

Աշխատանքի և սոցիալական ապահովության փոխնախարար Անար Քերիմովը կլոր սեղանի ժամանակ, որը նվիրված էր կանխարգելման պլանի մշակմանը, լրագրողներին խնդրել է «չտարվել» ինքնասպանությունների նկարագրությամբ, չռոմանտիզացնել և չհերոսացնել դրանք։

Նախարարության ներկայացուցիչը նաև համարում է, որ ինքնասպանությունների կանխարգելման համար անհրաժեշտ է միավորել բոլոր հատվածների ջանքերը՝ կրթությունից մինչև արդարադատություն, քաղաքականությունից մինչև գյուղատնտեսություն։ Թե հստակ ինչպես դա կարելի է անել, դեռ քննարկվում է։ Ենթադրվում է թեժ գծերի ստեղծում, երիտասարդության աջակցություն և ռիսկի խմբերին ու հասարակության զարգացմանն ուղղված ծրագրերի իրականացում։