ბაქოს ზღვისპირა ბულვარზე ინტერნეტი უფასო გახდა

ბაქოს ზღვისპირა ეროვნული პარკის ტერიტორიაზე 18 მარტს ქსელი „საზოგადოებრივი ინტერნეტი“ გაიხსნა. ამიერიდან დედაქალაქის მაცხოვრებლები და სტუმრები ბაქოს ბულვარისა და სახელმწიფო დროშის მოედნის ტერიტორიებზე უფასოდ  შეძლებენ ინტერნეტით სარგებლობას. პროექტი  საწარმოო გაერთიანება „ბაქოს სატელეფონო კავშირის“ მიერ განხორციელდა, – ნათქვამია ტრანსპორტის, კავშირგაბმულობისა და მაღალი ტექნოლოგიების სამინისტროს ვებ-გვერდზე.

მ ტერიტორიაზე უსადენო Wi-Fi-თ სარგებლობის 122  წერტილი განთვსდა, რაც ერთდროულად დაახლოებით რვა ათასი ადამიანის მომსხურების საშუალებას იძლევა. უახლოეს მომავალში ქსელი „საზოგადოებრივი ინტერნეტი“ ეროვნული ზღვისპირა პარკის „თეთრი ქალაქის“ ტერიტორიასაც დაფარავს.

უფასო ინტერნეტით ასევე უზრუნველყოფილია სახელმწიფოს ისტორიულ-არქიტექტურული ნაკრძალის „იჩერიშეხერის“ ტერიტორია, სადაც ამოქმედებულია 33 წვდომის წერტილი, რაც  ორი ათასზე მეტი მომხმარებლის ჩართვის საშუალებას იძლევა.

იმ ტერიტორიების დიზაინი რომ არ დარღვეულიყო, სადაც არქტექტურული ძეგლებია განლაგებული, სამუშაოები განსაკუთრებული სიფრთხილით, სპეციალისტების მეთვალყურეობის ქვეშ ჩატარდა.

წლის ბოლომდე იგეგმება უფასო ინტერნეტით რიგი პარკების უზრუნველყოფა. კერძოდ, შესაბამისი სამუშაოები ჩატარდება ჰეიდარ ალიევის სახელობის ცენტრის პარკის ტერიტორიაზე.