"სახეზეა წამება, მოსახლეობის პოლიტიკური და დისკრიმინაციული ნიშნით დევნა" - საია ჰააგის სასამართლოს მიმართავს

საია ჰააგის სასამართლოს მიმართავს

საქართველოს “ახალგაზრდა იურისტთა ასოციაცია” (საია) ჰააგის სასამართლოსადმი მიმართვას გეგმავს და ამ მიზნით, საკოორდინაციო ფორმატს ქმნის. როგორც ორგანიზაციის თავმჯდომარემ, ნონა ქურდოვანიძემ ბრიფინგზე განაცხადა, საკოორდინაციო ფორმატში ჩართვის შესაძლებლობა ყველა დაინტერესებულ პირს ექნება, მათ შორის, აქციებზე დაშავებულ პირებს.

ქურდოვანიძის განმარტებით, საია ადამიანის უფლებების დარღვევებს ყოველდღიურ რეჟიმის უწევს მონიტორინგს და მიიჩნევს, რომ სამოქალაქო მოსახლეობის წინააღმდეგ სისტემური და ძალადობრივო რეპრესიები ადამიანურობის წინააღმდეგ ჩადენილ დანაშაულად უნდა შეფასდეს, რაც სისხლის სამართლის საერთაშორისო სასამართლოსადმი მიმართვის საფუძველი შეიძლება გახდეს.

ბიძინა ივანიშვილი, ვახტანგ გომელაური, ვაჟა სირაძე, ხარება და სხვები – გამოქვეყნდა ბალტიის ქვეყნების მიერ სანქცირებულთა სია

ამ ქვეყნებში ისინი პერსონა ნონ გრანტად გამოცხადდნენ

საიას განცხადება

“მზარდი რეპრესიების და ადამიანის უფლებათა სისტემური დარღვევების მასშტაბების გათვალისწინებით, მიმდინარე მოვლენებმა შესაძლოა, მიაღწიოს სისხლის სამართლის საერთაშორისო სასამართლოს წესდების მე-7 მუხლით გათვალისწინებულ დანაშაულს ადამიანურობის წინააღმდეგ.

კერძოდ, სახეზეა წამება სამოქალაქო მოსახლეობის წინააღმდეგ მიმართული ფართომასშტაბიანი და სისტემური თავდასხმების სახით, ასევე, ჩადენილია სამოქალაქო მოსახლეობის პოლიტიკური და დისკრიმინაციული ნიშნით დევნა და მსგავსი ხასიათის სხვა არაადამიანური განზრახი ქმედებები, რომლებიც იწვევენ მძიმე ტანჯვას, სხეულის მძიმე დაზიანებას, ანდა მძიმე ზიანს აყენებენ პირის ფსიქიკურ და ფიზიკურ ჯანმრთელობას

ამასთან, ქვეყნის შიგნით არ არის დარჩენილი დამოუკიდებელი მექანიზმი, რომელიც ამ დანაშაულებს სათანადოდ გამოიძიებდა. არსებული რეალობის გათვალისწინებით, „ახალგაზრდა იურისტთა ასოციაცია“ განიხილავს, როგორც სისხლის სამართლის საერთაშორისო სასამართლოსადმი მიმართვის, ასევე სხვა საერთაშორისო მექანიზმების გამოყენების შესაძლებლობას და შექმნის საკოორდინაციო ფორმატს, რომელში ჩართვის შესაძლებლობა ექნება ყველა დაინტერესებულ პირს.

ადამიანურობის წინააღმდეგ ჩადენილი დანაშაული ექვემდებარება სისხლის სამართლის საერთაშორისო სასამართლოს. შესაძლებელია ამ მიმართულებით მიმართვა და საქართველოს სიტუაციის შესწავლა, თუმცა ამას სჭირდება გარკვეული დრო. ჩვენ განვიხილავთ, რომ ეს ნაბიჯი გადავდგათ და ამ განაცხადით გვინდა ამასთან დაკავშირებით დავიწყოთ პროცესები, რომელიც პირველ რიგში გულისხმობს ამ დარღვევების დეტალურ დოკუმენტირებას“, – განაცხადა ქურდოვანიძემ.

"ადამიანის უფლებების დამრღვევებს ჩვენს ქვეყნებში არ მივესალმებით" – ბალტიის ქვეყნები ქართველი ჩინოვნიკების სანქცირებაზე შეთანხმდა

კონკრეტულად ხელისუფლების რომელი წევრების სანქცირებაზეა საუბარი, ამ ეტაპზე მინისტრებს არ დაუკონკრეტებიათ

სახალხო დამცველმა ლევან იოსელიანმა 2 დეკემბერს განაცხადა, რომ უკვე 156 ადამიანი მოინახულეს და აქედან 124 აცხადებს, რომ მის მიმართ განხორციელდა ძალადობა, არაადამიანური მოპყრობა, რაც დაკავებულთა თითქმის 80%-ია.

“ეს ძალიან შემაშფოთებელი მაჩვენებელია. მოვუწოდებ პოლიციას, რომ არ გასცდნენ კანონით დადგენილ ნორმებს.” – აცხადებს იოსელიანი.

იმავე დღეს, შსს-მ განაცხადა, რომ ბოლო დღეების განმავლობაში საქართველოს პარლამენტის მიმდებარედ გამართულ საპროტესტო აქციებზე დაკავებულია ჯამში 224 პირი. გავრცელებული ინფორმაციის მიხედვით, ბოლო პერიოდში მიმდინარე აქციების განმავლობაში ჯანმრთელობის დაზიანება ჯამში შსს-ს 113-მა თანამშრომელმა მიიღო.

ახალგაზრდა იურისტთა ასოციაციის თავმჯდომარის, ნონა ქურდოვანიძის თქმით, საპროტესტო აქციებზე ყოველდღიურად 40-70 ადამიანს აკავებენ, ამ რაოდენობის საქმეებს კი, სასამართლო ვეღარ უმკლავდება.

“ამ რაოდენობით საქმეს ვეღარ უმკლავდება ვეღარც სასამართლო. მართალია, მოსამართლეები ნოტარიუსის ფუნქციას ასრულებენ, თუმცა, ამის მენეჯმენტიც დროს მოითხოვს. ამიტომ, 2 დღის წინ დაკავებულების ნაწილი, რომელთაც ამოეწურათ დაკავების 48-საათიანი ვადა, დღეს ისე გამოუშვეს, სასამართლოში აღარ გადაიყვანეს. როგორც ჩანს, მათი სასამართლო პროცესები უახლოეს პერიოდში არ იქნება.” – წერს ქურდოვანიძე.