გასულ წელთან შედარებით, რუსეთიდან იმპორტი 27 პროცენტით გაიზარდა
რუსეთიდან იმპორტი 27 პროცენტით გაიზარდა
საქართველოს სტატისტიკის ეროვნული სამსახურის მონაცემებით, გასულ წელთან შედარებით, რუსეთიდან იმპორტი 27 პროცენტით გაიზარდა, ხოლო ექსპორტი 0.4 პროცენტით შემცირდა. 2022 წლის იანვარ-აპრილში საქართველოდან რუსეთში ექსპორტზე 156 443 400 აშშ დოლარის საქონელი გავიდა. გასული წლის ანალოგიურ პერიოდში კი – 157 008 700 აშშ დოლარის.
2022 წლის იანვარ-აპრილში საქართველომ უცხოეთში 1.58 მილიარდი დოლარის ღირებულების საქონელი გაიტანა ექსპორტზე, რაც წინა წელთან შედარებით 33 პროცენტით მეტია. სტატისტიკის მიხედვით, ევროკავშირში საქართველომ 275 მილიონი დოლარის ღირებულების საქონელი გაიტანა ექსპორტზე, რაც მთლიანი ექსპორტის 17.3 პროცენტი იყო. წინა წელთან შედარებით, ევროკავშირში ექსპორტი 64 მილიონი დოლარით არის გაზრდილი.
სტატისტიკიდან ვიგებთ იმასაც, რომ ევროკავშირში საქართველოს უმსხვილესი სავაჭრო საქონელი სპილენძის მადნები და კონცენტრატებია, რაც ევროკავშირში მთლიანი ექსპორტის 43 პროცენტს შეადგენს. მეორე პოზიციას იკავებს თხილი, რომლის ექსპორტიც წინა წელთან შედარებით 14 პროცენტით არის გაზრდილი.
რა პროდუქტები გაგვაქვს ექსპორტზე:
1. მადნები და კონცენტრატები სპილენძის – $119.5 მილიონი, 44,907 ტონა, ზრდა წინა წელთან 22%;
2. თხილი და სხვა კაკალი – $21.1 მილიონი, 4,229 ტონა, ზრდა წინა წელთან 14%;
3. ფეროშენადნობები – $16.5 მილიონი, 9,574 ტონა, ზრდა წინა წელთან 352%;
4. აზოტოვანი სასუქები – $14.5 მილიონი, 27,374 ტონა, ზრდა წინა წელთან 6%;
5. მსუბუქი ავტომობილები – $13.0 მილიონი, 0 ტონა, ზრდა წინა წელთან 172%;
6. ღვინოები – $11.0 მილიონი, 3,555 ტონა, ზრდა წინა წელთან 36%;
7. ნაწარმი ტანსაცმლის – $7.6 მილიონი, 2,171 ტონა, ზრდა წინა წელთან 670%;
8. სპირტიანი სასმელები – $7.3 მილიონი, 2,944 ტონა, ზრდა წინა წელთან -7%;
9. ჯართი ძვირფასი ლითონების – $5.0 მილიონი, 32 ტონა, ზრდა წინა წელთან 661%;
10. ნარჩენები და ჯართი სპილენძის – $3.5 მილიონი, 394 ტონა, ზრდა წინა წელთან 460%.
წელს საექსპორტო ქვეყნების ათეულში პირველად მოხვდა პერუ, რომელიც მერვე პოზიციას იკავებს.
საერთო ჯამში, საქართველოს მთავარი საექსპორტო ქვეყნების ათეული ასე გამოიყურება:
1. ჩინეთი – $290 მილიონი დოლარი, მატება წინა წელთან 46%;
2. აზერბაიჯანი – $168 მილიონი დოლარი, მატება წინა წელთან 11%;
3. რუსეთი – $156 მილიონი დოლარი, კლება წინა წელთან -0.4%;
4. ბულგარეთი – $129 მილიონი დოლარი, მატება წინა წელთან 51%;
5. თურქეთი – $128 მილიონი დოლარი, მატება წინა წელთან 23%;
6. სომხეთი – $109 მილიონი დოლარი, მატება წინა წელთან 102%;
7. აშშ – $88 მილიონი დოლარი, მატება წინა წელთან 130%;
8. პერუ – $62 მილიონი დოლარი, მატება წინა წელთან 1842%;
9. უკრაინა – $53 მილიონი დოლარი, კლება წინა წელთან -46%;
10. ყაზახეთი – $42 მილიონი დოლარი, მატება წინა წელთან 198%.
აღსანიშნავია ისიც, რომ საქსტატის მონაცემებით, 2022 წლის პირველ კვარტალში საქართველოს ეკონომიკის საშუალო ზრდამ 14.4 პროცენტი შეადგინა, რაც საბაზისო 2019 წელთან შედარებით ქვეყნის ეკონომიკის ზრდის 11.9 პროცენტიანი მაჩვენებელია. ამ შედეგით საქართველო სამხრეთ კავკასიაში ეკონომიკური ზრდის ტემპით ლიდერია.
რაც შეეხება სამეზობლოს სხვა ქვეყნებს: აზერბაიჯანის ეკონომიკა მიმდინარე წლის პირველ კვარტალში 2021 წლის ანალოგიურ პერიოდთან შედარებით 6.8 პროცენტით გაიზარდა, პანდემიამდელ პერიოდთან შედარებით კი ზრდა 7.7 პროცენტია. რაც შეეხება სომხეთს, ქვეყნის ეკონომიკა იანვარ-მარტში 9.6 პროცენტით გაიზარდა.
