რუსეთი აფხაზეთში ინვესტიციებისთვის დამატებით შეღავათებს ითხოვს
რუსული ინვესტიციები აფხაზეთში
მოსკოვი დე ფაქტო აფხაზეთისგან ინვესტიციებისთვის უფრო შეღავათიან რეჟიმს ითხოვს. საუბარია გადასახადებისა და საბაჟო მოსაკრებლისგან გათავისუფლებაზე სიმძლავრეების მიწოდებისას, ასევე საინჟინრო და საკომუნიკაციო ქსელების გამართვისას.
რუსულ-აფხაზური შეთანხმების პროექტი აფხაზეთის ტერიტორიაზე რუსული კომპანიების მიერ საინვესტიციო პროექტების განხორციელების შესახებ განსახილველად წარედგინა აფხაზეთის პარლამენტს. აფხაზეთიწ ე.წ. საკანონმდებლო ორგანო დაამტკიცებს თუ არა პროექტს, მან უკვე გამოიწვია საზოგადოების პროტესტი, რადგან საზოგადოება ვერ ხედავს ამ დოკუმენტით შემოთავაზებული სარგებელს.
- ვის და რატომ არ უხარია აფხაზეთში სოხუმის აეროპორტის რეკონსტრუქცია?
- “კრემლის წინაშე აღებულმა ვალდებულებებმა ასლან ბჟანია ჩიხში შეიყვანა” – მოსაზრება
- „აფხაზეთს არ სჭირდება საკავშირო სახელმწიფო რუსეთთან, მას სჭირდება აღიარება“ – დისკუსია, ვიდეო
აფხაზურ-რუსული შეთანხმების პროექტში, კერძოდ, საუბარია შემდეგზე:
- 2 მილიარდი რუბლის მოცულობის საინვესტიციო პროექტი [დაახლოებით 22 მილიონი დოლარი] უნდა გათავისუფლდეს საბაჟო გადასახადისგან აფხაზეთში იმ სამშენებლო მასალებისა და აღჭურვილობის შემოტანისას, რაც პროექტის განსახორციელებლად იქნება საჭირო;
- ინვესტორი უნდა გათავისუფლდეს კორპორაციული ქონების გადასახადისა და კორპორატიული მოგების გადასახადისაგან სამშენებლო პროექტების ექსპლუატაციაში შესვლის დღიდან 8 წლის განმავლობაში;
- ინვესტორს ეძლევა უფლება დაიბრუნოს დამატებითი ღირებულების გადასახადი აფხაზეთის ბიუჯეტიდან შეღავათიანი რეჟიმის მოქმედების მთელი პერიოდის განმავლობაში, თუ საგადასახადო პერიოდის ბოლოს გადასახადის გამოქვითული ოდენობა აღემატება ოპერაციების საერთო გადასახადს მთლიანად.
- აფხაზეთის მთავრობა ვალდებულია ინვესტორები, რომლებიც ექვემდებარებიან ამ შეთანხმებას და შედიან ცალკე რეესტრში, სხვა იურიდიულ პირებთან შედარებით უპირატესი უფლებით უზრუნველყოს.
- ინვესტორს უფლება აქვს თავად შეიმუშაოს უცხოელი მუშაკების კვოტა და დამოუკიდებლად გაანაწილოს იგი;
- ინვესტორს ეძლევა შესაძლებლობა დაარეგისტრიროს გირავნობა საინვესტიციო ობიექტებზე, როდესაც საინვესტიციო ობიექტი საკუთრებაში გადადის იურიდიული პირიდან მესამე პირზე, ასევე გადაეცემა უფლება იმ მიწის ნაკვეთებით სარგებლობის შესახებ, რომელზეც ხორციელდება საინვესტიციო პროექტი.
თუ აფხაზური მხარე არ გაითვალისწინებს ზემოთ ჩამოთვლილ რომელიმე პუნქტს, ინვესტორს უფლება აქვს მოითხოვოს აფხაზეთის მთავრობისგან მისთვის მიყენებული ფაქტობრივი ზიანის ანაზღაურება.
აფხაზეთის ე.წ. პარლამენტში ხელშეკრულების პროექტის საკომიტეტო მოსმენები ამ კვირაში გაიმართება. ზოგიერთი ოპოზიციონერი დეპუტატი მიიჩნევს, რომ პრეზიდენტი ასლან ბჟანია, რომელიც ამ პროექტს ლობირებს, აჩქარებს პარლამენტს, რათა საკითხი 1 აგვისტომდე გადაწყდეს, სანამ საპარლამენტო შესვენება დაიწყება.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
