ტესტი ერთგულებასა და ალკოჰოლზე - როგორ გრძელდება ტურისტული სეზონი აფხაზეთში
ტურისტული სეზონი აფხაზეთში
სასტუმროებისა და კერძო სახლების მეპატრონეები ყვებიან იმის შესახებ, თუ როგორ იხსენებენ ამ ტურისტულ სეზონს აფხაზეთში. მათი თქმით, ტურისტი მეტია, თუმცა მათთან პრობლემებაც იმატა.
ოქტომბრის პირველ დღეს აფხაზეთში საცურაო სეზონი ოფიციალურად დაიხურა. ტივტივები და შეზლონგები პლაჟებიდან წაიღეს, მაშველებიც აღარ აკონტროლებენ ზღვას, მაგრამ ტურისტული სეზონი მაინც გრძელდება: ხდება ოთახების დაჯავშნა სასტუმროებსა და კერძო სახლებში, გიდები ახალ ჯგუფებს აგროვებენ.
სასტუმროებში დაბინავება გაძვირდა
აფხაზეთში ტურისტული სეზონი სასტუმროებისთვის წარმატებული აღმოჩნდა. ახალი ათონის ერთ-ერთ პატარა სასტუმროში არც აგვისტოში და არც სექტემბერში ერთი თავისუფალი ოთახიც არ იყო დარჩენილი, უფრო მეტიც – ნოემბერის თვეშიც ყველა ნომერი დაჯავშნილია.
”ასეთი რამ არასდროს მომხდარა ჩვენი აქ მუშაობის ხუთი წლის განმავლობაში,” – ამბობს კამა, სასტუმროს თანამფლობელი.
ტურისტული სეზონი აფხაზეთში
ტურისტული სეზონი აფხაზეთში
ეს არის პოზიტიური ცვლილება, მაგრამ არის ისიც, რაც სასტუმროებს ნამდვილად არ მოსწონთ. მაგალითად, შეცვლილი კონტინგენტი.
”როდესაც ჩვენი სასტუმროს დაჯავშნა Booking-ის საშუალებით დაიწყეს, აუდიტორია უფრო ინტელექტუალური იყო. ახლა, როდესაც ეს პლატფორმა დაბლოკილია [რუსეთის ფედერაციის ტერიტორიაზე], ჩვენ დავიწყეთ მუშაობა რუსულ დაჯავშნის საიტებთან, იქიდან კი მოდის უფრო დაბალი კულტურული შეგნების ხალხი,” – ამბობს კამა და დასძენს, რომ ერთხელ მათ ორი სტუმრის გაძევებაც კი მოუწიათ, რომლებიც ნასვამ მდგომარეობაში იყვნენ და სხვა სტუმრებსაც ხელს უშლიდნენ.
ტურისტული სეზონი აფხაზეთში
- “ახლა უნდა მოგკლათ” – აფხაზეთში რუსი ტურისტი აწამეს
- გუდაუთა. მოგზაურობა აფხაზეთში არქიტექტორ ბისლან ბაგათელიასთან ერთად, ეპიზოდი 2
- ვარდავარი – „სველი“ სომხური დღესასწაული
ტურისტული სეზონი აფხაზეთში
რაც შეეხება ფასებს, ათონის ამ სასტუმროში 2021 წელთან შედარებით ფასები 30 პროცენტით გაიზარდა.
”ჯერ ჩვენ გავზარდეთ ფასი 15 პროცენტით ზოგადი ინფლაციის გამო, შემდეგ კი გადავწყვიტეთ მისი გაზრდა კიდევ 15 პროცენტით, რადგან ყველა სასტუმრომ ასე გააკეთა – განმარტავს კამა – და ეს ობიექტური აუცილებლობაა. გაძვირდა ყველაფერი და რაც მთავარია, გაძვირდა ბენზინი და ელექტროენერგია.“
“ზოგი ჯაჭვიდან გათიშულია”
„კერძო მესაკუთრეებმა“ საკუთარ სახლებში პირიქით, ოთახების ფასები არ გაზარდეს. სოხუმში, მაიაკის რაიონში, ამ ზაფხულს შესაძლებელი იყო ოთახის დაქირავება ორ ან თუნდაც სამ ადამიანზე დღეში 1500-2500 რუბლად [25-40$].
ნადეჟდა ჩამაგუა ამბობს, რომ ფასი არ გაუძვირებია, რადგან მისი სტუმრები მუდმივი მომხმარებლები არიან, რომლებიც ყოველწლიურად ისვენებენ მათთან.
„მსოფლიოში არასტაბილური ვითარების და ფასების ფართოდ ზრდის ფონზე, გადავწყვიტეთ, რომ ჩვენთან ფასები იგივე დარჩეს – ეს არის ჩვენი მადლიერება ერთგულებისთვის. ჩვენთან მოდის ის ხალხი, ვინც ხუთი და ზოგი ზედიზედ ათი წელია აქ დადის.“
ტურისტული სეზონი აფხაზეთში
ტურისტული სეზონი აფხაზეთში
მაგრამ, ნადეჟდას თქმით, აფხაზეთში ამ ტურისტულ სეზონზე კერძო სექტორში დასვენებაზე დიდი მოთხოვნა არც იყო. მისი აზრით, 2020 წლის ზაფხულის მეორე ნახევარში და 2021 წელს მოთხოვნა უფრო დიდი იყო.
„ზაფხულის დასაწყისში ჩვეულებრივზე ნაკლები დამსვენებელიც იყო. შემდეგ, როგორც ჩანს, დაიწყეს დაჯავშნა, მაგრამ ცოტა მოგვიანებით დაიწყეს ჯავშნების გაუქმებაც. მსოფლიოში ისეთი ვითარებაა, რომ ზოგიერთს უბრალოდ არ სურდა სახლიდან შორს წასვლა. ასე ვფიქრობ.”
ამ სეზონის კიდევ ერთი თავისებურება, რომელიც „კერძო მეპატრონეებმა“ შენიშნეს, არის ის, რომ დამსვენებლებმა ალკოჰოლის დალევას საგრძნობლად უმატეს.
„ზოგიერთი მათგანი დილიდან საღამომდე ჭიქით დადიოდა. ჩემს წინა ვიზიტებზე მსგავსი არაფერი მინახავს. ერთს გულის შეტევაც კი დაემართა. ის საავადმყოფოში გადაიყვანეს. ალბათ, ადამიანებს აქვთ სტრესი და ცდილობენ ალკოჰოლით გაუმკლავდნენ მას, მაგრამ ზედმეტი მოსდით,” – ამბობს ნადეჟდა.
ჯიპი ექსკურსიების ნაცვლად
ექსკურსიამძღოლი ილონა ადლეიბა, თავის მხრივ, ვერ ამჩნევს სოხუმის ქალაქის ღირსშესანიშნაობების სანახავ ტურებზე მოთხოვნის ზრდას, მაგრამ, მისი თქმით, ეს შესაძლოა რეკლამის ნაკლებობითაც იყოს გამოწვეული.
ზოგადად, ილონას დაკვირვებით, საქალაქო ტურებს უპირატესობას ტურისტების განსაკუთრებული კატეგორია ანიჭებს – ყველაზე ხშირად ეს ის ხალხია, ვინც თავად ასოცირდება კულტურასთან, არქიტექტურასთან ან განათლებასთან:
„დამსვენებლები ძირითადად ძვირადღირებული სასტუმროებიდან მყავდა. მათი შემოსავალი და განათლება საშუალოზე მაღალია, ამიტომ გართობის მოთხოვნა განსხვავებულია. რიგითი ტურისტი ძირითადად ფულს ხარჯავს საცხოვრებელში, საკვებში და უკიდურეს შემთხვევაში ჯიპში [ექსტრემალური მოგზაურობისთვის]. და ეს ძალიან გულდასაწყვეტია, რადგან ჩვენ გვაქვს მდიდარი არა მხოლოდ ბუნება, არამედ ისტორიაც.“
ტურისტული სეზონი აფხაზეთში
ტურისტული სეზონი აფხაზეთში
პირველად ზღვაზე
თავად ტურისტები ამბობენ, რომ ამ ზაფხულს მათი მიდგომა დასვენებისადმი გარკვეულწილად შეიცვალა. მაგალითად, პეტერბურგელი ევგენი და ირინა უკვე 11 წელია აფხაზეთში ისვენებენ, და მხოლოდ წელს სრულად გააცნობიერეს, თუ რატომ მოდიან ყოველ წელს ერთსა და იმავე ადგილას.
„წელს შვებულების ნაწილი ახალ ათონში გავატარეთ, მაგრამ სასტუმროში მთელი დაგეგმილი პერიოდი ვერ გავჩერდით.
ტურისტული სეზონი აფხაზეთში
მივხვდით, რომ ვისვენებთ იქ, სადაც კომფორტულია არა მხოლოდ ყოფნა, არამედ კომუნიკაციაც. სახლის მეპატრონეები, სადაც ვცხოვრობთ, ჩვენთვის ოჯახივით გახდნენ, გვენატრება არა მარტო ზღვა და მზე, არამედ ისინიც.“ – გვიზიარებს აღმოჩენას ირინა.
ტურისტული სეზონი აფხაზეთში
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
