რას ნიშნავს რუსეთისთვის SWIFT-ის გათიშვა და ცენტრალურ ბანკზე დაწესებული სანქციები

რას ნიშნავს რუსეთისთვის SWIFT-ის გათიშვა

რუსეთის ცენტრალურმა ბანკმა კვირა დილით გააკეთა განცხადება, რომლითაც ცდილობს დაამშვიდოს ბაზრები მას შემდეგ, რაც დასავლური სანქციების ქვეშ მოხვდა.

რუსეთის ეროვნულმა მარეგულირებელმა განაცხადა, რომ მას აქვს საკმარისი რესურსები, რათა დაეხმაროს ბანკებს შეუფერხებლად ფუნქციონირებაში. ასევე, საჭიროების შემთხვევაში ბანკებს რუბლის ლიკვიდობით უზრუნველყოფას დაჰპირდა.

უკრაინაში რუსეთის წინააღმდეგ ბრძოლა გრძელდება. დღე მეხუთე. 28 თებერვალი.ძირითადი მოვლენები

რუსეთის უკრაინაზე თავთადასხმის მეხუთე დღე. ბრძოლები მთელი ქვეყნის მასშტაბით გრძელდება. რუსეთი გარიცხულია საერთაშორისო ფინანსური და სატრანსპორტო სისტემებიდან.ძირითადი მოვლენები, ფოტოები და ვიდეო.

ცენტრალურმა ბანკმა განაცხადა, რომ SWIFT-ის ნაცვლად რუსეთში გადახდები დამუშავდება SPFS სისტემით, რომელიც SWIFT-ის რუსული ანალოგია. ამ სისტემას ცენტრალური ბანკი 2014 წლიდან ავითარებს, მას შემდეგ, რაც ყირიმის ანექსიის გამო რუსეთის წინააღმდეგ პირველი სანქციები ამოქმედდა.

SPFS-ის მთავარი პრობლემა იმაშია, რომ ის მხოლოდ რუსეთში მუშაობს. ამ სისტემას არ შეუძლია გადახდის დამუშავება საზღვარგარეთ ან უცხოურ ონლაინ მაღაზიებში.

SWIFT-ის გათიშვა დააზარალებს არა მხოლოდ ბანკის მომხმარებლებს, არამედ რუსულ ექსპორტსაც. როცა არ იქნება SWIFT, თითქმის შეუძლებელი გახდება მაგალითად, ნავთობისა და გაზის საერთაშორისო მიწოდების გადახდა იმ საბანკო სისტემაში, რომელიც პარალიზებული იქნება საერთაშორისო ანგარიშსწორებისთვის. ამან შეიძლება მკვეთრად შეამციროს ქვეყანაში უცხოური ვალუტის შემოდინება, კიდევ უფრო შეასუსტოს რუბლი და გამოიწვიოს ფასების ზრდა.

• უკრაინა, აშშ, რუსეთი, ირანი, ტაივანი: მსოფლიო ჯერარნახული კრიზისის წინაშე?
  
• რატომ არის პუტინის ომი დასავლეთის ყველაზე დიდი გამოცდა მეორე მსოფლიო ომის შემდეგ
  
• სანქციები და „დიდი ომის“ მოლოდინი. რა ხდება უკრაინის გარშემო

ცენტრალურ ბანკს არ გაუკეთებია კომენტარი კიდევ ერთ ძალიან მნიშვნელოვან შეზღუდვაზე, რომლის შემოღებას დასავლეთის ქვეყნები აპირებენ. ეს არის შეზღუდვები თავად ცენტრალური ბანკის საერთაშორისო რეზერვებზე.

ცენტრალური ბანკი არა მხოლოდ ეხმარება ბანკებს ლიკვიდურობით, არამედ თავისი რეზერვებით ყიდულობს უცხოურ ვალუტას ბაზარზე, რათა დაიჭიროს რუბლი. მაგალითად, გასული კვირის ბოლოს ამ გზით ცენტრალურმა ბანკმა რუსული ვალუტის ვარდნის შეჩერება მოახერხა, წერს BBC. დასავლეთის ქვეყნებს კი, ახალი სანქციებით სურთ, რომ ცენტრალურ ბანკს ეს ბერკეტი ჩამოართვან – ანუ შეზღუდონ ცენტრალური ბანკის საერთაშორისო რეზერვები ისე, რომ მან ვერ შეძლოს რუსული ვალუტის მხარდაჭერა. დასავლეთის ქვეყნებს საამისოდ მნიშვნელოვანი ბერკეტები აქვთ, წერს BBC.

ცენტრალური ბანკის რეზერვები მაღალ ლიკვიდური აქტივებისგან შედგება. მათი საერთო მოცულობა, პირველი თებერვლის მდგომარეობით, 630 მილიარდ აშშ დოლარს შეადგენდა. აქედან, 132 მილიარდი ოქროა. ყველაზე მეტი, 468 მილიარდზე მეტი, არის ვალუტა. აქ შედის ასევე სხვა ცენტრალურ ბანკების დეპოზიტებზე არსებული ფულიც.

რა რეზერვები და როგორ გაიყინება დასავლეთის ქვეყნების მიერ, ჯერჯერობით უცნობია. მაგრამ ფაქტია, რომ თუ ცენტრალური ბანკი დაკარგავს თავის რეზერვებს, ის ვერ შეძლებს რუბლის მხარდაჭერას.

მასალა მომზადებულია BBC-ის ინფორმაციაზე დაყრდნობით.