ქართული ოცნება - 33%; ნაციონალური მოძრაობა - 25%. Edison Research-ის კვლევა

ავტორიტეტულმა საერთაშორისო კვლევითმა კომპანიამ Edison Research-მა წინასაარჩევნოდ ტელეკომპანია “ფორმულას” დაკვეთით საზოგადოებრივი აზრის გამოკითხვა ჩაატარა, რომლის მიხედვით, ხვალ რომ არჩევნები იყოს, მოსახლეობის 33% ხმას მმართველ პარტია “ქართულ ოცნებას” მისცემდა, ხოლო 25% “ერთიან ნაციონალურ მოძრაობას.”

კვლევის ფარგლებში, პირისპირი გამოკითხვის მეთოდით, ქვეყნის მასშტაბით გამოიკითხა შემთხვევითი შერჩევით შერჩეული საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი. კვლევა 13 აგვისტო – 5 სექტემბრის პერიოდში ჩატარდა. შედეგების ცდომილება +/- 3%-ია.

Edison Research-ის გამოკითხვის შედეგებით, ალოკაციით, პარტიული რეიტინგები შემდეგია:

• ქართული ოცნება – 33%;
• ერთიანი ნაციონალური მოძრაობა – 25%;
• საქართველოსთვის – გიორგი გახარია – 10%;
• ლეიბორისტული პარტია – 6%;
• გირჩი – მეტი თავისუფლება (ზურაბ ჯაფარიძე) – 4%;
• ლელო – 3%;
• ხალხისთვის – ანა დოლიძე – 3%;
• პატრიოტთა ალიანსი – 3%;
• მესამე ძალა – სტრატეგია აღმაშენებელი – 2%;
• ევროპული საქართველო – მოძრაობა თავისუფლებისთვის – 2%;
• გირჩი (იაგო ხვიჩია) – 2%;
• ერი – ლევან ვასაძე – 2%;
• დროა – ელენე ხოშტარია – 1%;
• მოქალაქეები – ალეკო ელისაშვილი – 1%;
• სხვა – 2%;

● NDI-ს ახალი კვლევა: მთავარი მიგნებები და ტენდენციები
● უმაღლესი განათლების მქონე ადამიანების თითქმის 38 პროცენტი უმუშევარია
● მელია თბილისის მერად, ხოშტარია – საკრებულოს თავმჯდომარედ. ოპოზიციამ კანდიდატები წარადგინა

საყურადღებოა ისიც, რომ იმ რესპონდენტთა 11%, ვინც ამბობს, რომ 2020 წლის საპარლამენტო არჩევნებზე ხმა “ქართულ ოცნებას” მისცა, ადგილობრივი თვითმმართველობის არჩევნებზე გიორგი გახარიას პარტიის მხარდაჭერას აპირებს. მათი 6% კი – “ერთიანი ნაციონალური მოძრაობის.” 

ამავე კვლევის მიხედვით, მოსახლეობის 72% ფიქრობს, რომ ქვეყანა არასწორი მიმართულებით ვითარდება. გამოკითხულთა 28% კი ამბობს, რომ ქვეყანა სწორი მიმართულებით ვითარდება.

წინა კვლევების ტენდენცია კი ასეთია:

• 2020 წლის 24 ოქტომბრის კვლევა: 39% სწორი, 61% არასწორი.
• 2020 წლის 7 ოქტომბრის კვლევა: 40% სწორი, 60% არასწორი.
• 2020 წლის სექტემბრის კვლევა: 43% სწორი, 57% არასწორი.
• 2020 წლის ივლისის კვლევა: 42% სწორი, 58% არასწორი.
• 2020 წლის თებერვლის კვლევა: 27% სწორი, 73% არასწორი.
• 2019 წლის ოქტომბრის კვლევა: 23% სწორი, 77% არასწორი.

კვლევის შედეგებით, კითხვაზე, ვის მისცემდნენ ხმას მათ ქალაქში, მერის არჩევნები რომ დღეს ჩატარებულიყო (თბილისს გარეთ), მოსახლეობის პასუხები შემდეგნაირად ნაწილდება:

● კანდიდატი ქართული ოცნებიდან  – 35%;
● ოპოზიციის საერთო კანდიდატი – 33%;
● გახარია – საქართველოსთვის კანდიდატი – 15%;
● არცერთი მათგანი – 6%;
● არ ვიცი/უარი პასუხზე – 11%.

რაც შეეხება პოლიტიკოსების მოწონების რეიტინგს – პირველ 3 ადგილს ყოფილი პრემიერმინისტრი გიორგი გახარია, თბილისის მოქმედი მერი კახა კალაძე და ნაციონალური მოძრაობის ლიდერი ნიკა მელია იკავებენ. 

გიორგი გახარიას და კახა კალაძეს “პოზიტიურად” მოსახლეობის 55% აფასებს, ნიკა მელიას – 46%. ამავე პოლიტიკოსებს “ნეგატიურად” აფასებენ: გახარიას – 45%, კალაძეს 45%, მელიას – 54%.

დანარჩენი პოლიტიკოსების მაჩვენებლები შემდეგნაირად გადანაწილდა: 

● დავით ბაქრაძე – 46% (ნეგატიურად – 54%)
● ანა დოლიძე – 45% (ნეგატიურად – 55%)
● ირაკლი ღარიბაშვილი – 42% (ნეგატიურად – 58%)
● მიხეილ სააკაშვილი – 39% (ნეგატიურად – 61%)
● ბიძინა ივანიშვილი – 39% (ნეგატიურად – 61%)
● გიორგი ვაშაძე – 37% (ნეგატიურად – 63%)
● ელენე ხოშტარია – 36% (ნეგატიურად – 64%)
● შალვა ნათელაშვილი – 36% (ნეგატიურად – 64%)
● ირაკლი კობახიძე – 34% (ნეგატიურად – 66%)
● ხატია დეკანოიძე – 33% (ნეგატიურად – 67%)

Edison Research-ის კვლევის თანახმად, მოსახლეობა ყველაზე მეტად ჯარს (92%), ეკლესიას (84%) და ექიმებს (83%) ენდობა. 

ყველაზე ნაკლები ნდობით საქართველოს პრეზიდენტი (39%), ბანკები (40%), საქართველოს პარლამენტი (42%) და პოლიტიკური პარტიები (43%) სარგებლობენ. 

Edison Research-ის კვლევის მიხედვით, საქართველოს მოსახლეობას ყველაზე მაღალი პოზიტიური გაწყობა ევროკავშირს აქვს.

ევროკავშირს პოზიტიურად 91% აფასებს, უკრაინას – 90%, ნატოს – 89%, ხოლო აშშ-ს – 86%. 

სხვა ქვეყნების მიმართ საქართველოს მოსახლეობის განწყობა შემდეგნაირად გამოიყურება:

● დიდი ბრიტანეთი – 86% (ნეგატიური განწყობა – 14%)
● ისრაელი – 83% (ნეგატიური განწყობა – 17%)
● აზერბაიჯანი – 71% (ნეგატიური განწყობა – 29%)
● სომხეთი – 65% (ნეგატიური განწყობა – 35%)
● თურქეთი – 63% (ნეგატიური განწყობა – 37%)
● ჩინეთი – 49% (ნეგატიური განწყობა – 51%)
● ირანი – 42% (ნეგატიური განწყობა – 58%)
● რუსეთი – 34% (ნეგატიური განწყობა – 66%)

Edison Research-ის კვლევა აჩვენებს იმასაც, რომ მოსახლეობის 92% 2021 წლის თვითმმართველობის არჩევნებში მონაწილეობას “ნამდვილად” ან “ალბათ მიიღებს”. 

73% არჩევნებში მონაწილეობას “ნამდვილად აპირებს”, 19% ამბობს, რომ “ალბათ მიიღებს”, 4% აცხადებს, რომ მონაწილეობის მიღებას არჩევნებში “ნამდვილად არ აპირებს”, ხოლო 4% ამბობს, რომ “ალბათ არ მიიღებს”. 

კვლევის თანახმად, მოსახლეობის ყველაზე დიდი ნაწილი მომდევნო წლებზე ფიქრისას შფოთვას განიცდის.

40% ამბობს, რომ შფოთვას, 25% – გულგრილობას, ხოლო 35% ოპტიმიზმს.