არესტოვიჩი ყარაბაღის ომზე: კლიენტ-პატრონის 30 წლიანი ურთიერთობის შემდეგ რუსეთმა უღალატა სომხეთს

არესტოვიჩი ყარაბაღის ომის შესახებ

უკრაინის პრეზიდენტის ოფისის ყოფილი მრჩეველი ოლექსი არესტოვიჩი ტვიტერზე ყარაბაღის ომის შესახებ პოსტს აქვეყნებს. მისი თქმით, სომხეთს აქვს შანსი, დაასრულოს რუსეთი და დაამყაროს ნორმალური ურთიერთობა მეზობლებთან.

ოლექსი არესტოვიჩი:

„აზერბაიჯანმა მთიან ყარაბაღში „…კონტრტერორისტული ოპერაცია“ დაიწყო. ოფიციალური მიზეზი ნაღმის აფეთქების შედეგად შვიდი აზერბაიჯანელი პოლიციელის დაღუპვა გახდა.

ოპერაციის სიღრმე, მოცულობა და მიზნები ჯერჯერობით უცნობია: შესაძლოა, ეს არის ზეწოლა, რათა აიძულონ სომხეთი ხელი მოაწეროს ახალ შეთანხმებას, სადაც მთიანი ყარაბაღის ტერიტორია საბოლოოდ აზერბაიჯანის კონტროლის ქვეშ მოხვდება და, შესაძლოა, ამ საკითხის პირდაპირ სამხედრო გზით გადაწყვეტაც.

მეორე ვარიანტზე მიუთითებს სომხეთის პრემიერმინისტრის, ნიკოლ ფაშინიანის განცხადება, რომ „სომხეთი არ ჩაერევა სამხედრო ოპერაციაში“. ფაშინიანი შეგნებულად ტოვებს რუსეთის ფედერაციასთან დაკავშირებულ ყარაბაღის კლანს მათ მიერ შექმნილ პრობლემებთან ერთად.

ყარაბაღის კლანმა, რომელიც სომხეთში 90-იან წლებში ყარაბაღის პირველი ომის შედეგად მოვიდა ხელისუფლებაში, შექმნა თითქმის მაფიოზური სახელმწიფო სომხეთიდან რუსეთთან მჭიდრო კლიენტური კავშირებით.

რუსეთმა, რომელიც დაინტერესებულია კასპიის რეგიონიდან ხმელთაშუა ზღვის აუზამდე სატრანსპორტო დერეფნებით (თურქეთისა და აზერბაიჯანის მთავარი მიზანი), უღალატა სომხეთს, კლიენტ-პატრონის 30 წლიანი ურთიერთობის შემდეგ.

▇ ყარაბაღის კლანზე გამარჯვების ლოგიკა ფაშინიანს განუწყვეტლივ კარნახობს არა მხოლოდ რუსეთის ფედერაციასთან ურთიერთობის გაწყვეტის აუცილებლობას, არამედ მეზობლებთან (საბოლოოდ!) ნორმალური შეთანხმების დადებას – რადგან მეზობლების მიერ იზოლირებული ქვეყანა ნორმალური ურთიერთობის გარეშე განწირულია.

შეიძლებოდა საერთოდ არ ყოფილიყო ყარაბაღის მეორე ომი. მრავალი წლის განმავლობაში აზერბაიჯანი მუდმივად სთავაზობდა სომხეთს ძალიან მომგებიან სავაჭრო-ეკონომიკურ ხელშეკრულებებს, იგივე ბაქო-თბილისი-ჯეიჰანის ნავთობსადენი საქართველოს ტერიტორიაზე “კარგი ცხოვრების” გამო არ გასულა. სომხეთსაც შეეძლო ნავთობისა და ფულის მიღება მსგავსი ტრანზიტით.

▇ ყარაბაღის კლანის ისტორია არის ისტორია იმისა, თუ როგორ შეძლო ერთმა მაფიოზურმა ჯგუფმა მძევლად აეყვანა მთელი ქვეყანა. მათ შეანელეს მთელი ქვეყნის განვითარება ოცდაათი წლის განმავლობაში.

ახლა აზერბაიჯანი გარედან ამთავრებს ამ კლანს და რეალურად მუშაობს სომეხი ხალხისთვის.

ფაშინიანის ამოცანა, როგორც მე ვხედავ, არის ამ კლანის დასრულება შიგნით. სომხეთი “განწირულია” მეზობლებთან ნორმალური ურთიერთობისთვის და რაც უფრო ნაკლები სისხლი დაიღვრება, და რაც უფრო მალე გაიგებს სომეხი ხალხი და სახელმწიფო, რა არის მათი რეალური ინტერესები, მით უკეთესი.”