აფხაზეთის საგარეო საქმეთა მინისტრი რუსეთთან დაახლოების კამპანიას ეწევა
აფხაზეთისა და რუსეთის დაახლოება
აფხაზეთის ე.წ. საგარეო საქმეთა მინისტრი ინალ არძინბა რუსეთთან მჭიდრო ურთიერთობისთვის კამპანიას აწარმოებს და ამის არგუმენტებად პირველი ე.წ. პრეზიდენტის, ვლადისლავ არძინბას სიტყვები მოჰყავს.
უკვე მესამე კვირაა ინალ არძინბა აფხაზეთის რეგიონებში დადის და ადგილობრივ მოსახლეობასთან შეხვედრებს მართავს, სადაც რუსეთის როლზე საუბრობს.
ზოგიერთი საგარეო საქმეთა მინისტრისთვის რეგიონებში ამ უჩვეულო ტურს ინალ არძინბას საპრეზიდენტო ამბიციებით ხსნის, სხვები კი მიზეზს მოსკოვის უკმაყოფილებაში ხედავენ, რომელიც აფხაზეთ-რუსეთის ურთიერთობების ბოლო დროინდელი ხარისხითაა განპირობებული.
„აქედან გამომდინარე, კრემლმა მოითხოვა, ჩავატაროთ „ახსნა-განმარტებითი სამუშაოები“ მოსახლეობასთან და მივაწოდოთ მათ ინფორმაცია რუსეთის ფედერაციასთან მჭიდრო ინტეგრაციის სარგებლის შესახებ“, – ნათქვამია აფხაზეთის ცენტრის ტელეგრამის არხზე.
- რა შუაშია კრემლი? რატომ გადადგა აფხაზეთის საგარეო საქმეთა მინისტრი და რატომ გადაიფიქრა შემდეგ
- “საფრთხე ხალხისთვის და სტალინიზმის პროპაგანდა“ – მოსაზრება აფხაზეთის საგარეო უწყებაზე
„მე და შენ გვაქვს რუსული პასპორტები, ვიყენებთ რუსულ ვალუტას, ჩვენს საზღვრებს რუსი მესაზღვრეები იცავენ. ვისი სამხედრო ბაზა უზრუნველყოფს ჩვენს უსაფრთხოებას? რუსული. ესეც დიდი მხარდაჭერაა“, – განაცხადა მინისტრმა სოხუმის რეგიონის აქტივისტებთან შეხვედრისას.
უფრო დამაჯერებელი რომ ყოფილიყო მისი არგუმენტები, არძინბა ციტირებდა აფხაზეთის პირველი პრეზიდენტის, მისი თანამოძმე ვლადისლავ არძინბას სიტყვებს, რომელიც, სავარაუდოდ, მის მიერ 2002 წელს თქვა:
„ცნობილია, რომ აფხაზეთის რესპუბლიკის ხალხმა და ხელმძღვანელობამ არაერთხელ გამოთქვა სურვილი დაამყაროს ყველაზე მჭიდრო ურთიერთობა რუსეთის ფედერაციასთან, რადგან მიაჩნია, რომ ასეთი ინტეგრაცია შეესაბამება აფხაზეთის ეროვნულ ინტერესებს. რუსეთთან შესაძლო ურთიერთობის ყველაზე მოსახერხებელი ფორმა შეიძლება იყოს ასოცირებული სახელმწიფოს მოდელი. დამოუკიდებლობის შენარჩუნებისთვის აფხაზეთი მზადაა რუსეთთან ერთად ააგოს თავისი საგარეო და თავდაცვითი პოლიტიკა, მათ შორის საზღვრის უსაფრთხოება.”
ინალ არძინბამ ხაზგასმით აღნიშნა, რომ 1990-იან წლებში აფხაზურ-რუსულ დიალოგში დაძაბულობის მიუხედავად, პირველმა პრეზიდენტმა აღნიშნა რუსეთის ფედერაციასთან მჭიდრო ურთიერთობის მნიშვნელობა.
თუმცა ცნობილი აფხაზი პოლიტიკოსი და ბლოგერი ახრა ბჟანია ამ ყველაფერს დღევანდელ სიტუაციასთან შეუსაბამოდ მიიჩნევს:
„მჯერა, რომ 2002 წელს ვლადისლავ არძინბას სჭირდებოდა ჩვენი სამართლებრივი ლეგიტიმაციის სახე, თუნდაც ორმხრივი დიალოგის… სწორედ აქ გაჩნდა მითი „ასოცირებული სახელმწიფოს“ შესახებ.
ახლა რა? იქნებ გავიხსენოთ 1978 წელი, როცა იძულებული გავხდით გვეთხოვა კრასნოდარის მხარეში შეერთება?
ისტორია დინამიური პროცესია! ჩვენი დღევანდელი სტატუსი სუვერენული, საერთაშორისოდ აღიარებული სახელმწიფოა. საგარეო საქმეთა სამინისტროს გუნდმა უნდა იმუშაოს ამ სტატუსის გაფართოებაზე და ახალი შინაარსით შევსებაზე, და არ იმოგზაუროს ქალაქებსა და სოფლებში, რათა გაავრცელოს აზრი ქვეყნის მოქალაქეებში, რომ დამოუკიდებლობა მათთვის ძალიან მძიმე ტვირთია.”
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
