მუსიკალური ფესტივალი -Tbilisi Open Air 2025, როგორც საპროტესტო მანიფესტი
Tbilisi Open Air 2025
ანტისაოკუპაციო პერფორმანსი რუსეთის დროშის გამოყენებით, საპროტესტო შეძახილები და სოლიდარობის გზავნილები სცენიდან – მასშტაბური მუსიკალური ფესტივალი კავკასიაში – Tbilisi Open Air 2025, რომელიც უკვე მე-16 წელია, ყოველ ზაფხულს იმართება საქართველოში, წელს განსხვავებული ფორმატით ჩატარდა.
წლევანდელი ფესტივალი ქვეყანაში მიმდინარე პროცესებს ეხმაურებოდა და საქართველოს დამოუკიდებლობის დღეს ეძღვნებოდა.
26 მაისი საქართველოს დამოუკიდებლობის დღეა. საქართველომ დამოუკიდებლობა 107 წლის წინ 1918 წლის 26 მაისს გამოაცხადა. საქართველოს პირველმა რესპუბლიკამ სულ სამი წელი იარსება – 1921 წლის 25 თებერვალს თბილისი მე-11 წითელმა არმიამ დაიკავა. ასე დასრულდა საქართველოს ხანმოკლე დამოუკიდებლობა და ქვეყანა 70 წლის განმავლობაში საბჭოთა იმპერიის ნაწილად იქცა. დამოუკიდებლობა ქვეყანამ 34 წლის წინ, 1991 წლის 9 აპრილის რეფერენდიმის საფუძველზე აღიდგინა. თუმცა, ეროვნულ დღესასწაულად და დამოუკიდებლობის დღედ 26 მაისი გამოცხადდა.
შეიცვალა თარიღებიც, ორდღიანი ფესტივალი ზუსტად საქართველოს დამოუკიდებლობის დღეს, 26 მაისის ღამეს დასრულდა – ქართული ეროვნული ანსამბლის “სუხიშვილების” პერფორმანსითა და საქართველოს ჰიმნით.
ანსამბლ სუხიშვილების და მომღერალ ნიკა კოჩაროვის მიერ შესრულებული საქართველოს ჰიმნი. ვიდეო: TV მთავარი
ანსამბლ სუხიშვილების პერფორმანსი. ვიდეო: Tbilisi Open Air
მრავალფეროვანი იყო დღის განმავლობაში დაგეგმილი ღონისძიებებიც. ფესტივალს მასპინძლობდნენ ქართული თეატრი, ნაციონალური ბალეტი, ქართველი მეღვინეები, თბილისის წიგნის ასოციაცია და სხვები – ყველა ის ჯგუფი, რომელიც ბოლო წლებია საქართველოს ხელისუფლებისგან სხვადასხვა სახის რეპრესიებს განიცდის.
მთავარი სცენა წელს მხოლოდ ქართველ შემსრულებლებს მასპინძლობდა.
გასული წლების ტრადიციულ მასპინძლებთან ერთად, სცენაზე იდგნენ ისეთი შემსრულებლებიც, როგორებიც არიან, ლეგენდარული მომღერლები ნანი ბრეგვაძე და გიული ჩოხელი. ფესტივალმა სხვადასხვა ეპოქისა და ჟანრის ქართველი შემსრულებლები გააერთიანა.
ანტისაოკუპაციო პერფორმანსი რუსეთის დროშის გამოყენებით
საპროტესტო მუხტი ფესტივალს სრულად გასდევდა ორი დღის განმავლობაში. იყო ანტისაოკუპაციო, საპროტესტო პერფორმანსიც.
ქართველმა მომღერალმა ერეკლე გეწაძემ Tbilisi Open Air-ის მთავარ სცენაზე მოაწყო პერფორმანსი რუსეთის დროშის გამოყენებით, – მან დროშა ჯერ იატაკზე დააგდო, შემდეგ კი გააკეთა იმიტაცია, თითქოს მასზე ბუნებრივი მოთხოვნილება დაიკმაყოფილა.
ამ ამბავს დიდი გამოხმაურება მოჰყვა. რუსულმა მედიამ და Telegram-ის არხებმა ეს აქტი შეაფასეს, როგორც „რუსული სამფეროვანი დროშის შეურაცხყოფა”.
„რუსი სამართალდამცველები შეფასებას მისცემენ საქართველოში რუსული სამფეროვანი დროშით „შესრულებულ“ პერფორმანსს“, – დაწერა Telegram-ის არხზე რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.
„როდესაც ღმერთმა კაცს ტვინი არ მისცა, მას სხვა ორგანოებით უწევს მუშაობა“, – დაწერა ზახაროვამ. მანვე თქვა, რომ “დროშა დროშად დარჩება, „მიუხედავად იმისა, თუ როგორი ფსიქოპატი რანაირად მოეპყრობა მას“ და გაიხსენა „რუსული დროშის ქვეშ მებრძოლი და მოღვაწე ღირსეული ქართველები“: “შეგახსენებთ, რომ სწორედ ქართველმა მელიტონ ქანთარიამ და სერჟანტმა მიხაილ ეგოროვმა აღმართეს ჩვენი საერთო ქვეყნის დროშა, რომლის მემკვიდრეც რუსეთია, დამარცხებულ რაიხსტაგზე“.
რუსეთის საგამოძიებო კომიტეტმა ამ პერფორმანსის შემდეგ, სისხლის სამართლის გამოძიება დაიწყო. უწყების პრესსამსახურის მიერ გავრცელებული განცხადების მიხედვით, სისხლის სამართლის საქმის აღძვრისა და გამოძიების ბრძანება უწყების ხელმძღვანელმა, ალექსანდრ ბასტრიკინმა გასცა:
„გაიცა განკარგულება, ჩატარდეს გამოძიება რუსეთის სახელმწიფო დროშის შეურაცხყოფის ფაქტთან დაკავშირებით”, – ნათქვამია განცხადებაში.
“თავისუფლება რეჟიმის ტყვეებს”, “ცეცხლი ოლიგარქიას” – საპროტესტო გზავნილები მთავარი სცენიდან
“თავისუფლება რეჟიმის ტყვეებს”, “ცეცხლი ოლიგარქიას” – ისმოდა შიგადაშიგ ფესტივალის მთავარი სცენიდან.
უკვე 180 დღეა საქართველოს დედაქალაქში თბილისში იმართება უწყვეტი საპროტესტო აქცია. დედაქალაქის მთავარი გამზირი, ქვეყნის პარლამენტის მიმდებარედ, ყოველ ღამე იკეტება. მრავალათასიანი საპროტესტო გამოსვლები საქართველოს დედაქალაქსა და რამდენიმე ქალაქში 2024 წლის 28 ნოემბრიდან დაიწყო, მას შემდეგ, რაც ქვეყნის პრემიერ-მინისტრმა თქვა, რომ საქართველო აჩერებს ევროკავშირთან მოლაპარაკებებს.
აქციების პირველ დღეებში, საპოლიციო ძალები სასტიკად უსწორდებოდნენ დემონსტრანტებს. 500-ზე მეტი ადამიანი ადმინისტრაციული წესით დააკავეს, მათი უმეტესობა სასტიკად იყო ნაცემი. ციხეში კვლავ რჩება 50-ზე მეტი უკანონო პატიმარი, რომელიც “ქართული ოცნების” ხელისუფლებამ სხვადასხვა დროს პროევროპულ აქციებზე დააკავა. ქვეყანას ჰყავს პირველი პოლიტპატიმარი ჟურნალისტი ქალიც – მზია ამაღლობელი. ის უკვე ხუთი თვეა ციხეშია.
ასიათასობით ადამიანმა, მსოფლიო ბან პაატა ბურჭულაძესთან ერთად იმღერა სიმღერა – ‘მე ვარ საქართველო”, რომელიცპროტესტის სიმბოლოდ არის ქცეული.
ემოციური იყო კიდევ ერთი სიმღერა, “სამშობლო”, რომელიც ასევე პროტესტის ხმად არის ქცეული. ეს სიმღერაც ათასობით ადამიანმა მომღერალ მერაბ სეფაშვილსა და ჯგუფ “არა”-სთან ერთად იმღერა.
ფესტივალის მთავარ სცენაზე იდგა ქართული ჯაზის ლეგენდა, 90 წლის გიული ჩოხელი.
“გავიმარჯვებთ იცოდეთ, ისეთი დღეა. ვინ აჯობებს ამ ახალგაზრდებს. გეშინოდეთ ჩვენი, გეშინოდეთ.
გილოცავთ დღევანდელ დღეს. არ შემიძლია რომ ყველას ერთად გაკოცოთ, ძალიან მიყვარხართ. თქვენი იმედი მაქვს მე ყველაფერში, იცოდეთ!
მე ცოტა დამრჩა, 90 წლის ვარ, მაგრამ ველოდები გამარჯვებას. აბა თქვენ იცით”, – მიმართა მან ფესტივალზე შეკრებით ათასობით ადამიანს.
გიული ჩოხელის მიმართვა სცენიდან. ვიდეო: TV ფორმულა
ემოციური იყო ქართველი მომღერლის, ნანი ბრეგვაძის და Kordz-ის ახალი დუეტი. მუსიკოსებმა ახალი სიცოცხლე შთაბერეს 1973 წლის ლეგენდარულ სიმღერას „მთვარეო“. გოგი ცაბაძის ეს სიმღერა, ნანი ბრეგვაძემ პირველად ფილმ „ვერის უბნის მელოდიებში“ შეასრულა. სიმღერა მაშინვე ქართული მუსიკის კლასიკად იქცა.
52 წლის შემდეგ, ეს მელოდია, სცენაზე სრულიად ახალი ფორმით დაბრუნდა.
ყოველწლიური მუსიკალური ფესტივალი, რომელსაც ასიათასობით ადამიანი ესწრებოდა, გვიან ღამით დასრულდა და მსმენელს მომავლ ზაფხულამდე დაემშვიდობა.
Tbilisi Open Air 2025
Tbilisi Open Air 2025
ანტისაოკუპაციო პერფორმანსი რუსეთის დროშის გამოყენებით, საპროტესტო შეძახილები და სოლიდარობის გზავნილები სცენიდან – მასშტაბური მუსიკალური ფესტივალი კავკასიაში – Tbilisi Open Air 2025, რომელიც უკვე მე-16 წელია, ყოველ ზაფხულს იმართება საქართველოში, წელს განსხვავებული ფორმატით ჩატარდა.
წლევანდელი ფესტივალი ქვეყანაში მიმდინარე პროცესებს ეხმაურებოდა და საქართველოს დამოუკიდებლობის დღეს ეძღვნებოდა.
26 მაისი საქართველოს დამოუკიდებლობის დღეა. საქართველომ დამოუკიდებლობა 107 წლის წინ 1918 წლის 26 მაისს გამოაცხადა. საქართველოს პირველმა რესპუბლიკამ სულ სამი წელი იარსება – 1921 წლის 25 თებერვალს თბილისი მე-11 წითელმა არმიამ დაიკავა. ასე დასრულდა საქართველოს ხანმოკლე დამოუკიდებლობა და ქვეყანა 70 წლის განმავლობაში საბჭოთა იმპერიის ნაწილად იქცა. დამოუკიდებლობა ქვეყანამ 34 წლის წინ, 1991 წლის 9 აპრილის რეფერენდიმის საფუძველზე აღიდგინა. თუმცა, ეროვნულ დღესასწაულად და დამოუკიდებლობის დღედ 26 მაისი გამოცხადდა.
შეიცვალა თარიღებიც, ორდღიანი ფესტივალი ზუსტად საქართველოს დამოუკიდებლობის დღეს, 26 მაისის ღამეს დასრულდა – ქართული ეროვნული ანსამბლის “სუხიშვილების” პერფორმანსითა და საქართველოს ჰიმნით.
ანსამბლ სუხიშვილების და მომღერალ ნიკა კოჩაროვის მიერ შესრულებული საქართველოს ჰიმნი. ვიდეო: TV მთავარი
ანსამბლ სუხიშვილების პერფორმანსი. ვიდეო: Tbilisi Open Air
მრავალფეროვანი იყო დღის განმავლობაში დაგეგმილი ღონისძიებებიც. ფესტივალს მასპინძლობდნენ ქართული თეატრი, ნაციონალური ბალეტი, ქართველი მეღვინეები, თბილისის წიგნის ასოციაცია და სხვები – ყველა ის ჯგუფი, რომელიც ბოლო წლებია საქართველოს ხელისუფლებისგან სხვადასხვა სახის რეპრესიებს განიცდის.
მთავარი სცენა წელს მხოლოდ ქართველ შემსრულებლებს მასპინძლობდა.
გასული წლების ტრადიციულ მასპინძლებთან ერთად, სცენაზე იდგნენ ისეთი შემსრულებლებიც, როგორებიც არიან, ლეგენდარული მომღერლები ნანი ბრეგვაძე და გიული ჩოხელი. ფესტივალმა სხვადასხვა ეპოქისა და ჟანრის ქართველი შემსრულებლები
ანტისაოკუპაციო პერფორმანსი რუსეთის დროშის გამოყენებით
საპროტესტო მუხტი ფესტივალს სრულად გასდევდა ორი დღის განმავლობაში. იყო ანტისაოკუპაციო, საპროტესტო პერფორმანსიც.
ქართველმა მომღერალმა ერეკლე გეწაძემ Tbilisi Open Air-ის მთავარ სცენაზე მოაწყო პერფორმანსი რუსეთის დროშის გამოყენებით, – მან დროშა ჯერ იატაკზე დააგდო, შემდეგ კი გააკეთა იმიტაცია, თითქოს მასზე ბუნებრივი მოთხოვნილება დაიკმაყოფილა.
ამ ამბავს დიდი გამოხმაურება მოჰყვა. რუსულმა მედიამ და Telegram-ის არხებმა ეს აქტი შეაფასეს, როგორც „რუსული სამფეროვანი დროშის შეურაცხყოფა”.
„რუსი სამართალდამცველები შეფასებას მისცემენ საქართველოში რუსული სამფეროვანი დროშით „შესრულებულ“ პერფორმანსს“, – დაწერა Telegram-ის არხზე რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.
„როდესაც ღმერთმა კაცს ტვინი არ მისცა, მას სხვა ორგანოებით უწევს მუშაობა“, – დაწერა ზახაროვამ. მანვე თქვა, რომ “დროშა დროშად დარჩება, „მიუხედავად იმისა, თუ როგორი ფსიქოპატი რანაირად მოეპყრობა მას“ და გაიხსენა „რუსული დროშის ქვეშ მებრძოლი და მოღვაწე ღირსეული ქართველები“: “შეგახსენებთ, რომ სწორედ ქართველმა მელიტონ ქანთარიამ და სერჟანტმა მიხაილ ეგოროვმა აღმართეს ჩვენი საერთო ქვეყნის დროშა, რომლის მემკვიდრეც რუსეთია, დამარცხებულ რაიხსტაგზე“.
რუსეთის საგამოძიებო კომიტეტმა ამ პერფორმანსის შემდეგ, სისხლის სამართლის გამოძიება დაიწყო. უწყების პრესსამსახურის მიერ გავრცელებული განცხადების მიხედვით, სისხლის სამართლის საქმის აღძვრისა და გამოძიების ბრძანება უწყების ხელმძღვანელმა, ალექსანდრ ბასტრიკინმა გასცა:
„გაიცა განკარგულება, ჩატარდეს გამოძიება რუსეთის სახელმწიფო დროშის შეურაცხყოფის ფაქტთან დაკავშირებით”, – ნათქვამია განცხადებაში.
“თავისუფლება რეჟიმის ტყვეებს”, “ცეცხლი ოლიგარქიას” – საპროტესტო გზავნილები მთავარი სცენიდან
“თავისუფლება რეჟიმის ტყვეებს”, “ცეცხლი ოლიგარქიას” – ისმოდა შიგადაშიგ ფესტივალის მთავარი სცენიდან.
უკვე 180 დღეა საქართველოს დედაქალაქში თბილისში იმართება უწყვეტი საპროტესტო აქცია. დედაქალაქის მთავარი გამზირი, ქვეყნის პარლამენტის მიმდებარედ, ყოველ ღამე იკეტება. მრავალათასიანი საპროტესტო გამოსვლები საქართველოს დედაქალაქსა და რამდენიმე ქალაქში 2024 წლის 28 ნოემბრიდან დაიწყო, მას შემდეგ, რაც ქვეყნის პრემიერ-მინისტრმა თქვა, რომ საქართველო აჩერებს ევროკავშირთან მოლაპარაკებებს.
აქციების პირველ დღეებში, საპოლიციო ძალები სასტიკად უსწორდებოდნენ დემონსტრანტებს. 500-ზე მეტი ადამიანი ადმინისტრაციული წესით დააკავეს, მათი უმეტესობა სასტიკად იყო ნაცემი. ციხეში კვლავ რჩება 50-ზე მეტი უკანონო პატიმარი, რომელიც “ქართული ოცნების” ხელისუფლებამ სხვადასხვა დროს პროევროპულ აქციებზე დააკავა. ქვეყანას ჰყავს პირველი პოლიტპატიმარი ჟურნალისტი ქალიც – მზია ამაღლობელი. ის უკვე ხუთი თვეა ციხეშია.
ასიათასობით ადამიანმა, მსოფლიო ბან პაატა ბურჭულაძესთან ერთად იმღერა სიმღერა – ‘მე ვარ საქართველო”, რომელიცპროტესტის სიმბოლოდ არის ქცეული.
ემოციური იყო კიდევ ერთი სიმღერა, “სამშობლო”, რომელიც ასევე პროტესტის ხმად არის ქცეული. ეს სიმღერაც ათასობით ადამიანმა მომღერალ მერაბ სეფაშვილსა და ჯგუფ “არა”-სთან ერთად იმღერა.
ფესტივალის მთავარ სცენაზე იდგა ქართული ჯაზის ლეგენდა, 90 წლის გიული ჩოხელი.
“გავიმარჯვებთ იცოდეთ, ისეთი დღეა. ვინ აჯობებს ამ ახალგაზრდებს. გეშინოდეთ ჩვენი, გეშინოდეთ.
გილოცავთ დღევანდელ დღეს. არ შემიძლია რომ ყველას ერთად გაკოცოთ, ძალიან მიყვარხართ. თქვენი იმედი მაქვს მე ყველაფერში, იცოდეთ!
მე ცოტა დამრჩა, 90 წლის ვარ, მაგრამ ველოდები გამარჯვებას. აბა თქვენ იცით”, – მიმართა მან ფესტივალზე შეკრებით ათასობით ადამიანს.
გიული ჩოხელის მიმართვა სცენიდან. ვიდეო: TV ფორმულა
ფესტივალზე შესრულდა ქართველი მომღერლის, ნანი ბრეგვაძის და Kordz-ის ახალი დუეტი. მუსიკოსებმა ახალი სიცოცხლე შთაბერეს 1973 წლის ლეგენდარულ სიმღერას „მთვარეო“. გოგი ცაბაძის ეს სიმღერა, ნანი ბრეგვაძემ პირველად ფილმ „ვერის უბნის მელოდიებში“ შეასრულა. სიმღერა მაშინვე ქართული მუსიკის კლასიკად იქცა.
52 წლის შემდეგ, ეს მელოდია, სცენაზე სრულიად ახალი ფორმით დაბრუნდა.
ყოველწლიური მუსიკალური ფესტივალი, რომელსაც ასიათასობით ადამიანი ესწრებოდა, გვიან ღამით დასრულდა და მსმენელს მომავლ ზაფხულამდე დაემშვიდობა.
Tbilisi Open Air 2025
