აუტიზმის მქონე ბავშვები და მათი მშობლები კვლავ სისტემურ ცვლილებებს ელოდებიან
ორგანიზაციის “ოჯახები დისკრიმინაციის წინააღმდეგ” (FAD) წარმომადგენელი მარი კორკოტაძე თავადაც აუტიზმის მქონე ბავშვის დედაა. წლების განმავლობაში აქტივიზმის საშუალებით ცდილობს, რომ მის შვილს, დათას, უკეთესი მომავალი შეუქმნას.
ამბობს, რომ აქციების გამართვა ყოველწლიურად უწევთ, რათა მომლოდინეთა სიაში მყოფი ბავშვები მერიამ პროგრამაში ჩასვას. "ეს ბავშვები, რომლებიც დღეებს ითვლიდნენ, უცებ დღეები გახდა სამი წელი. ერთი წელი კიდევ გაიჭირვებ ადამიანი. მაგრამ სამი წელი ბევრია. ეხლაც ვიხდი კრედიტებს, თავის დროზე არავინ რომ არ გვაფინანსებდა და ჩვენით ვიხდიდით თერაპიის ფულს."
გელა ჩივიაშვილი ამბობს, რომ სამი წლის გასვლის შემდეგ ბავშვი ხვდება ჯერ მომლოდინეთა სიაშია. ზოგიერთი ცენტრი იმდენად გადატვირთულია, რომ უკვე თვეებია ახალ ბავშვებს ვეღარ იმატებს. ზოგიერთს კი ისევ აქვს ახალი ბენეფიციარების მიღების შესაძლებლობა.
ჩივიაშვილი განმარტავს, რომ ცენტრებში 12 ადგილი თავისუფალია და მათ აპრილიდან ახალი ბენეფიციარები შეავსებენ. რომ არა მერიის მიერ განხორციელებული ცვლილება, პროგრამაში 4 წლის ნიკოლოზიც ჩაერთვებოდა.
ამბობს, რომ აქციების გამართვა ყოველწლიურად უწევთ, რათა მომლოდინეთა სიაში მყოფი ბავშვები მერიამ პროგრამაში ჩასვას. "ეს ბავშვები, რომლებიც დღეებს ითვლიდნენ, უცებ დღეები გახდა სამი წელი. ერთი წელი კიდევ გაიჭირვებ ადამიანი. მაგრამ სამი წელი ბევრია. ეხლაც ვიხდი კრედიტებს, თავის დროზე არავინ რომ არ გვაფინანსებდა და ჩვენით ვიხდიდით თერაპიის ფულს."
ნეიროფსიქოლოგი თინათინ ჭინჭარაული ამბობს, რომ ძალიან მნიშვნელოვანია თერაპიული მკურნალობის ადრეულ ასაკში დაწყება. იმ ბავშვების გარკვეულ ნაწილს, რომლებიც სამ წლამდე იწყებენ თერაპიულ მკურნალობას, შესაძლოა საბოლოოდ უკეთესი შედეგი ჰქონდეთ.
ჭინჭარაული აღნიშნავს, რომ თითოეულ ასაკს თან ახლავს სხვადასხვა გამოწვევები და საჭიროებები. შესაბამისად, ერთი პროგრამა ყველა ასაკის მოთხოვნებს ვერ პასუხობს. 16-18 წლის ბავშვებისთვის უნდა შეიქმნას ისეთი პროგრამა, რომელიც მათ მოამზადებს დამოუკიდებელი ცხოვრებისთვის. “ეს შეიძლება იყოს ზრდასრულობაში ტრანზიციის პროგრამა… გარკვეული ასაკის შემდეგ სერვისი უნდა გავიდეს ცენტრიდან გარეთ”.
თინათინ ჭინჭარაული ამბობს, რომ სამომავლოდ ჯანდაცვის სამინისტრომ უნდა შექმნას მრავალფეროვანი, მიზნობრივი და ასაკობრივ საჭიროებებზე მორგებული პროგრამები.
ავტორები: ნინო აბდალაძე და მარიამ უგრეხელიძე
ფოტო: გურამ აბდალაძე; მაიკო ძაგანია
რედაქტორი: ელენე ასათიანი
