24 წელი გავიდა მას შემდეგ, რაც კოკა-კოლას საშობაო ქარავანი საქართველოში პირველად გამოჩნდა
მილიონობით ადამიანისთვის მთელს მსოფლიოში, კოკა-კოლას საშობაო ქარავანი იმის მანიშნებელია, რომ ახალ წლამდე ძალიან ცოტა დროა დარჩენილი.
ბევრს უკვე აღარ ახსოვს, რომ სატვირთო მანქანებისგან შემდგარი ეს ხმაურიანი, ბრჭყვიალა კოლონა პირველად თბილისის და საქართველოს სხვა ქალაქების ქუჩებში მაშინ გამოჩნდა, როდესაც ქვეყანაში არც შუქი იყო და არც საახალწლო განწყობა.
როგორ დაიწყო ეს ყველაფერი და რატომ მოხდა ისე, რომ კოკა-კოლა ახალ წელთან ასოცირდება?
კოკა-კოლას ქარავნის ისტორია
1995 წლის საახალწლო და საშობაო არდადეგებისთვის კოკა-კოლამ გადაწყვიტა, რამე ახალი მოეფიქრებინა. რამე ისეთი, რაც კიდევ უფრო მჭიდროდ დააკავშირებდა ამ ბრენდს ახალი წლის დღესასწაულთან და ისეთივე საახალწლო სიმბოლო გახდებოდა, როგორიც სანტა და პოლარული დათვებია.
ამ იდეის განვითარება კრეატიულ სააგენტოს W.B. Doner-ს დაევალა. ძალიან მალე ეს კომპანია საახალწლო ქარავნის იდეით დაბრუნდა.
დაიწყო მზადება პირველი, ისტორიული ქარავნისთვის, რომელიც 1995 წლის სარეკლამო რგოლში მოხვდებოდა. შეარჩიეს საუკეთესო მოდელის დიდი სატვირთო მანქანები და დაიწყეს მათი მორთვა ნათურებით. პირველი ქარავნის გასანათებლად 30 ათასი სადღესასწაულო ნათურა გამოიყენეს. სატვირთო მანქანების განათება კომპანია Industrial Light and Magic-ს დაევალა, რომელიც მანამდე „ვარსკვლავური ომების“ გადაღებაში მონაწილეობდა.
სარეკლამო კლიპის გადაღება რომ დასრულდა, კოკა-კოლამ იგი ტელევიზიაში მიიტანა ისე, რომ არავინ იცოდა, რა ეფექტს მოახდენდა ახალი რეკლამა.
თუმცა, მაყურებელთა რეაქციამ ყოველგვარ მოლოდინს გადააჭარბა. რეკლამა მყისიერად ჰიტად იქცა, მისი მუსიკალური მოტივი კი დღესაც განუყოფელია სასწაულისა და ზეიმის მოლოდინისგან.
საქართველო და ქარავანი
საქართველომ ძალიან მალე აუბა ფეხი ამ გლობალურ საახალწლო ზეიმს და კოკა-კოლას საახალწლო ქარავნის პირველი სატვირთო მანქანები თბილისში უკვე 1997 წელს გამოჩნდნენ. საგულისხმოა, რომ ყოფილი სსრკ-ს მასშტაბით საქართველო პირველი იყო, სადაც ქარავანმა ჩამოიარა. მაგალითად, რუსეთში ქარავანი მხოლოდ 2000 წლის ბოლოს გამოჩნდა.
კოკა-კოლას ამ საახალწლო რეკლამის საქართველოში გაცოცხლების იდეა Coca-Cola Bottlers Georgia-ს გენერალურ მენეჯერ თემურ ჭყონიას ეკუთვნის.
პირველი ქართული ქარავანი სამი სატვირთო მანქანისგან შედგებოდა და მხოლოდ თბილისის ქუჩებში მოძრაობდა.
90-იანი წლების უშუქო, ღარიბ და სევდიან ქალაქში წითელი, ჩახჩახა ქარავანი ბევრი ბავშვისთვის ლამის ერთადერთ საახალწლო სანახაობად იქცა.
ბავშვები და დიდები ქუჩაში გამოდიოდნენ, რომ ხელი დაექნიათ ამ საახალწლო ზღაპრისთვის, რომელიც მათ ქუჩაზე ჩამოივლიდა.
კოკა-კოლას სარეკლამო სიმღერა ამოჩემებულ საახალწლო მოტივად იქცა: „უნდა დაიჯერო, რომ სასწაული ხდება, ახალი წლის ღამით ნატვრა აგიხდება… ახალი წელია, ახალი წელია…“
მომდევნო წლებში, ქართული ქარავანი არა მხოლოდ საქართველოს სხვა ქალაქებში, არამედ კავკასიის რეგიონის მეზობელ ქვეყნებშიც გამოჩნდა.
პირველი ქარავნის მოგზაურობიდან 24 წელი გავიდა. როგორც ყოველთვის, წელსაც, ახალ წლამდე, დაახლოებით, 2-3 თვით ადრე დაიწყო მზადება ერთ-ერთი მთავარი საახალწლო მოვლენისთვის.
წელს კოკა-კოლას ქარავანი 23 დეკემბერს დაიძრა და 24-ედ ჩამოიარა თბილისის ქუჩები. პანდემიამ თავისი კორექტივები შეიტანა საახალწლო გეგმებში – ქარავანი წელს მხოლოდ დედაქალაქში იმოძრავებს:
