სომხეთისა და აზერბაიჯანის საგარეო საქმეთა მინისტრებმა ყარაბაღის პრობლემა განიხილეს
ფოტო: rusarminfo
11 ივლისს სომხეთისა და აზერბაიჯანის საგარეო საქმეთა მინისტრების შეხვედრა შედგა.
მისი დასრულების შემდეგ იუწყებოდნენ, რომ „შეხვედრის დროს მსჯელობა გრძელდებოდა ყარაბაღის პრობლემის დარეგულირებასთან დაკავშირებული მოლაპარაკებათა პროცესის ხელის შესაწყობად შესაბამისი პირობების შექმნის შესახებ“.
ოფიციალური ცნობა შემდეგი სიტყვებით სრულდება: „თანათავმჯდომარეებმა საგარეო საქმეთა მინისტრებს სთხოვეს, რომ წინადადებები გადაეცათ სამიტის წელს ორგანიზაცების შესახებ. მიღწეულია გაეროს გენერალური ასამბლეის სხდომის ფარგლებში, ამ წლის სექტემბერში, ნიუ-იორკში საგარეო საქმეთა სამინისტროების ხელმძღვანელთა მომდევნო შეხვედრის შესახებ შეთანხმება“.
ინფორმაცია აზერბაიჯანიდან
აზერბაიჯანისა და სომხეთის საგარეო საქმეთა მინისტრების შეხვედრა თავდაპირველად ქალაქ მაუერბახში, ვენის მახლობლად უნდა შემდგარიყო, ეუთოს წევრი ქვეყნების საგარეო საქმეთა მინისტრების არაოფიციალური კონფერენციის სივრცეში. თუმცა, ბოლო მომენტში ეს შეხვედრა გაურკვეველი მიზეზით ბრიუსელში გადაიტანეს.
შეხვედრის წინ აზერბაიჯანის საგარეო საქმეთა სამინისტროს პრეს-სამსახურის ხელმძღვანელმა ხიკმეტ გაჯიევმა განაცხადა: „ოფიციალურ ბაქო იმედოვნებს, რომ სამშაბათს, ბრიუსელში აზერბაიჯანისა და სომხეთის საგარეო საქმეთა სამინისტროების ხელმძღვანელთა – ელმარ მამედიაროვსა და ედვარდ ნალბანდიანს შორის მთიანი ყარაბაღის კონფლიქტის დარეგულების საკითხთან დაკავშირებით სერიოზული და შედეგიანი მოლაპარაკებები გაიმართება.
„აზერბაიჯანისა და სომხეთის საგარეო საქმეთა სამინისტროების ხელმძღვანელთა ბრიუსელში შეხვედრის დროს მთავარი თემა იქნება მოლაპარაკებების პროცესის მიმდინარე ვითარება და მისი სერიოზულ და შედეგიან კალაპოტში შეყვანა“, – განუცხადა სააგენტო „ინტერფაქს-აზერბაიჯანს“ აზერბაიჯანის საგარეო საქმეთა სამინისტროს პრეს-მდივანმა ხიკმეტ გაჯიევმა.
მასობრივი საინფორმაციო საშუალებები ბრიუსელის მოლაპარაკებების რაიმე წვრილმანებს არ აქვეყნებენ. ცნობილია მხოლოდ ის, რომ მიღწეულია შეთანხმება გაეროს გენერალური ასამბლეის სხდომის ფარგლებში სექტემბერში ნიუ-იორკში საგარეო საქმეთა მინისტრების მომდევნო შეხვედრის შესახებ.
მინსკის ჯგუფის თანათვმჯდომარეები ასევე გამოვიდნენ ინიციატივით, რომ შედგეს ორი ქვეყნის პრეზიდენტების შეხვედრაც.
ინფორმაცია სომხეთიდან
ბრიუსელის შეხვედრა სომხური მედიის ყურადღების ცენტრში იყო. წინდაწინ იუწყებოდნენ, რომ ის ეუთოს მინსკი ჯგუფის ინიციატივითა და მონაწილეობით გაიმართებოდა.
ვინაიდან ოფიციალური ცნობები მოლაპარაკებების შინაარსის შესახებ, როგორც წესი, დაწვრილებითი ინფორმაციის მინიმუმს გვაწვდის ისღა დაგვრჩენია გამოვიცნოთ, თუ რა ხდებოდა მოლაპარაკებთა მაგიდასთან.
თუ ზუსტად რას ეუბნებოდა შეხვედრის დროს სომეხი მინისტრი აზერბაიჯანელ კოლეგას, შესაძლებელია მისი იმ გამოსვლის ტექსტის მიხედვით ვივარაუდოთ, რომელიც მან ეუთოს წევრი ქვეყნების საგარეო საქმეთა მინისტრების არაოფიცილურ შეხვედრაზე წარმოთქვა. ეს შეხვედრა უშუალოდ მოლაპარაკებების დაწყებამდე რამდენიმე საათით ადრე შედგა.
ნალბანდიანმა აღნიშნა, რომ აზერბაიჯანმა იმ მოლაპარაკებებიდან გადაუხვია, რასაც ყარაბაღში გამყოფ ზოლზე აპრილში მომხდარი მასშტაბური სამხედრო მოქმედებების შემდეგ მიაღწიეს. ვენისა და სანკტ-პეტერბურგის სამიტებზე გამყარდა შეთანხმება ცეცხლის შეწყვეტის რეჟიმისა და 1994-1995 წლებში დადებული ცეცხლის შეწყვეტის შესახებ სამმხრივი შეთანხმების დარღვევის გამოსაძიებელი მექანიზმების დანერგვასთან დაკავშირებით.
სომეხმა მინისტრმა განაცხადა: „ასეთი ქმედებები კითხვის ნიშნის ქვეშ აყენებს ბაქოს მხრიდან მოლაპარაკებების მხრედ ყოფნის უნარს… 4 ივლისს აზერბაიჯანის ხელმძღვანელობამ, ავადსახსენებელი ტერორისტული ორგანიზაციების მაგალითისამებრ, კიდევ ერთხელ გამოიყენა საკუთარი მოსახლეობა ცოცხალ სამიზნედ მთიანი ყარაბაღის მძიმე არტილერიით დასაბომბად, მათ შორის სარაკეტო გამშვები სისტემებიდანაც. საპასუხოდ, მთიანი ყარაბაღის თავდაცვის არმია იძულებული გახდა თავდაცვისთვის მიემართა.
ვიდრე აზერბაიჯანული მხარე აღებული ვალდებულებების შესრულებაზე უარს ამბობს….., აზერბაიჯანის მიერ განხორციელებული პროვოკაციების შედეგებზე მთელი პასუხისმგებლობა სწორედ მის ხელმძღვანელობას ეკისრება“.
ბოლოს ედუარდ ნალბანდიანმა განაცხადა: „ჩვენ მშვიდობის, უსაფრთხოების და ეუთოს ფარგლებში თანამშრომლობის გასამყარებლად მზად ვართ, და აქტიურად გავაგრძელებთ მონაწილეობას ამ მიმართულებით გაწეულ ყველანაირ ძალისხმევაში“.
