Yoxa çıxmış dəmiryolu – Gürcüstandan qiyamət fotoları və hekayəsi
Gürcüstanın Rustavi şəhərində yerli sakinlərin məmnunluqla xatırladığı keçmiş uşaq dəmiryolu
Bu qeyri-adi layihə 1986-cı ildə açılıb. Yolun ümumi uzunluğu düz beş kilometr idi
Qatar platformalı əsl stansiyadan yola düşürdü. Sonra bir müddət düzəngahdan keçirdi
Daha sonra “Ququ quşu” adlanan gölün üzərindəki körpünü ötüb Kür çayına doğru enirdi
Buradan sola burulur, çayın sahili ilə 200 metr irəliləyir və meşəyə girirdi
Sonra yenə bir qədər çəmənliklə gedir, və yarım kilometr uzunluğu olan süni tuneldən keçirdi
Parоvoz və iki açıq sərnişin vaqonu xüsusilə maraqlı idi
Gecə parоvoz kiçik, amma əsl depoya yollanırdı
Yəqin məhz elə bu depo, parоvoz və vaqonların rahatlığı 1990-cı illərdə sahibkarlarda qeyri-adi ideyanın yaranmasına səbəb olub
Artıq sovetdən sonrakı bərbad dövr başlayırdı
Dəmiryolu artıq tərk edilmişdi, amma hələ qiyamət gününü xatırladan hazırkı vəziyyətinə düşməmişdi
Parоvoz və vaqonlar paslansa da, hələ möhkəm idi. Rustavililərin danışdıqlarına görə, burada bir zamanlar “böyüklər üçün” gizli mini-kinoteatr fəaliyyət göstərib – erotik filmlər nümayiş olunub
İndi stansiya tədricən bataqlığa qərq olur
Yalnız dəmiryolu boyunca qalan dar cığır JAMnews-un fotoqrafına oraya yaxınlaşmağa imkan verib
Uşaq dəmiryolunu bərpa etmək cəhdi olub
2002-ci ildə Gürcüstan-Amerika Klubu ictimai təşkilatı burada “Park Ayova” adlanacaq əyləncə kompleksi yaratmağı təklif edib
Ərazini təmizləyib, ağac əkməyə başlayıblar, hətta stansiya binasını, parоvoz və vaqonları da rəngləyiblər
Amma bununla da hər şey yarım qalıb
