Yerevanın fikrincə, Türkiyənin müasir silahı Qarabağ münaqişəsində həlledici rol oynayır.
Bakı xatırladır ki, Azərbaycana silah əsasən Rusiyadan gəlir, həmçinin digər ölkələrdən də silah alınır.
“Sərhədsiz reportyorlar” Qarabağda döyüş zonasında olan 80 jurnalistin taleyindən narahatdır.
Sentyabrın 27-dən Azərbaycan və Ermənistan orduları Qarabağ münaqişəsi zonasında zirehli texnika, artilleriya və dronlardan istifadə edərək döyüşlər aparır. Hər iki tərəf bir-birini yaşayış məntəqələrinin atəşə tutmaqda günahlandırır. Hər iki tərəfdən hərbçilər və dinc əhali arasında minlərlə insan həlak olub. Bu müddət ərzində üç dəfə – 10, 18 və 26 oktyabrda atəşkəs imzalanıb, amma dərhal pozulub. Tərəflər bir-birini atəşkəsə əməl etməməkdə günahlandırır.
• Hərbi əməliyyatlar başlayandan Azərbaycan tərəfdən 92 nəfər dinc sakin həlak olub, 404 nəfər yaralanıb.
• Azərbaycanın Müdafiə Nazirliyi Ermənistan hərbçilərinin Azərbaycanın Tərtər və Ağdam rayonlarını atəşə tutduğunu bildirib, amma Ermənistan tərəfinin Azərbaycan ordusunun Xocavənd və Şuşanı atəşə tutması haqda məlumatını təkzib edib.
• “Türkiyədən heç bir hərbi dəstək yoxdur, Bakı sadəcə Ankaradan müasir silah alır” – Azərbaycan prezidenti İlham Əliyev İspaniyanın “EFE” agentliyinə müsahibəsində deyib.
• “Azərbaycana silah əsasən Rusiyadan gəlir. Biz digər ölkələrdən də silah alırıq. Amma nəyə görəsə, hamı ancaq Türkiyə haqda danışır”, – Əliyev bildirib.
• “Ermənistanın baş naziri ilə görüşməyin mənası yoxdur. Son iki ildə mənim onunla çox sayda görüşlərim olub, amma ilk görüşlər istisna olmaqla qalanları əhəmiyyətsiz olub”, – Azərbaycan prezidenti bildirib.
Yerevandan informasiya
• Ermənistan Avropa İttifaqına Azərbaycanda Şərq Tərəfdaşlığı proqramını dondurmağı təklif edib.
• Ermənistana hərbi yardım etməklə bağlı Rusiya ilə məsləhətləşmələr “tam məxfi” rejimdə gedir, hələlik təfərrüatlar olmayacaq – XİN rəhbərinin müavini.
• Qarabağda təhsil alan 33 min və Ermənistanın sərhədyanı kəndlərinin 10 min şagirdimüharibəyə görə distant təhsilə keçirilib – Ermənistan təhsil nazirinin nüavini deyib.
• Azərbaycan Ermənistan ərazisində Geqarkunik vilayətinin dörd kəndinə qarşı pilotsuz uçan aparatlar tətbiq edib. Bütün aparatlar məhv edilib, cinayət işi qaldırılıb.
• “Dünya liderləri Türkiyənin münaqişədəki rolunu lazımınca dəyərləndirmir. Söhbət Türkiyə texnologiyasından – müasir dronlardan, F-16 qırıcı təyyarələrindən, mahiyyətcə hərbi əməliyyatlara rəhbərlik edən Türkiyədə hazırlanmış hərbçilərdən gedir”, – Ermənistan prezidenti İsveçin Sveriges Radio AB ictimai televiziyasına müsahibəsində bildirib.
Üçüncü tərəflərin bəyanatları
• Moskva yenə də Qarabağ münaqişəsi zonasına “Yaxın Şərqdən cihad ideologiyasına inanan ekstremist muzdluların” gətirilməsi iə əlaqədar narahatlığını bildirib.
“Cənubi Qafqazda yeni terrorçu anklavın yaranması aşkardır” – RF XİN-in nümayəndəsi Mariya Zaxarova brifinqdə deyib.
• Qarabağda 80 jurnalist ilişib qalıb, onlar Ermənistana gedə bilmirlər – Laçın Şuşa və Vardenis-Kəlbəcər yolları bağlıdır. Bu haqda “Sərhədsiz Reportyorlar” təşkilatı Twitter səhifəsində yazıb.
