“Suriyaya silah çatdıran [Qərb] Qafqazda Türkiyə əsgərləri haqda danışa bilməz” – Ərdoğan
Sentyabrın 28-də Türkiyə prezidenti Rəcəb Tayyib Ərdoğan 2020-ci il sentyabrın 27-də Dağlıq Qarabağda başlayan hərbi əməliyyatları şərh edərkən kəskin ifadələrlə Qərbi qınayıb və “işğalçını – Ermənistanı məsuliyyətə dəvət etməyi” tələb edib.
Onun yarım saatlıq çıxışından bir neçə əsas teziz:
“ATƏT-in Minsk Qrupunun həmsədrləri – ABŞ, Rusiya və Fransa artıq 30 ildir ki, münaqişəni həll edə bilmirlər. Əksinə, onlar problemi uzatmaq üçün hər şey edirlər. İndi isə həmin bu ölkələr münaqişə tərəflərinə dərs verməyə, zaman-zaman isə hətta hədələməyə cəhd göstərirlər.
Azərbaycanda onsuz da artıq 30 ildir ki, sizi dinləyirdilər, tezliklə nizamlamaya ümid edirdilər. Amma kimin torpaqları işğal olunub? Azərbaycanın torpaqları! Bu faktı həmsədr ölkələr də qəbul edir.
Türkiyə münaqişədə iştirak edirmi? Münaqişə zonasında [Qarabağda] türk əsgərləri varmı? Bu sualları Suriyanın şimalına minlərlə yük maşını dolu silah çatdıranlar verir.
Onlar Suriyanın şimalını sektorlara bölüblər, orada hərbi bazalar yaradıblar […]. İndi isə həmin bu insanlar Türkiyə qoşunlarının burada olması və Türkiyə silahının Qafqaza çatdırılması ilə bağlı suallar verirlər. Bu necə təhrif olunmuş təsəvvürdür? Sanki prezident İlham Əliyev onlara hesabat verməyə borcludur.
Azərbaycanda doğma evlərindən uzaqda milyondan çox qaçqın və məcburi köçkün yaşayır. Bununla yanaşı heç kim Ermənistanın timsalında işğalçıdan hesab sormur. Azərbaycan “Bəsdir! Cavab vermək zamanıdır” deyib və problemi öz gücü ilə həll edir.
Regionda Ermənistanın Dağlıq Qarabağı və ətraf rayonları işğal etməsi ilə başlanan böhrana son qoymaq zamanı yetişib.
Azərbaycanın işğal altında olan torpaqlarının dərhal azad edilməsi regionda sülh və stabilliyin yolunu açacaq. İstənilən digər təşəbbüslər və tərəflərin nizamlamaya məcbur edilməsi qanunsuz və ədalətsizdir və yalnız Ermənistanın maraqlarına uyğundur”.
• Qarabağda döyüşlər və Rusiya – nə əlaqəsi var? Bakıdan şərh
• Yerevandan şərh: Qarabağda hərbi əməiyyatlar niyə indi başlayıb?
• Gürcüstanlı ekspert: Gürcüstan ən sərt neytrallığını qorumalıdır
ABŞ Dövlət Departamenti “münaqişənin həllində kənar tərəflərin iştirakının əhəmiyyətsiz olması” haqda
Sentyabrın 27-də ABŞ Dövlət Departamenti hər iki tərəfi dərhal zorakılığı dayandırmağa çağırdığı bəyanatla çıxış edib.
Bəyanatı imzalayan dövlət katibinin müavini Biequn bildirib ki, Azərbaycan və Ermənistan xarici işlər nazirləri ilə telefon danışığında onları “aralarında mövcud olan birbaşa əlaqə kanallarından istifadə etməyə çağırıb ki, bundan sonrakı eskalasiyaların, yerlərdə gərginliyi daha da artıran əhəmiyyətsiz ritorikanın və əməllərin qarşısı alınsın”.
“Zorakılığın eskalasiyasında kənar tərəflərin iştirakı həddən artıq əhəmiyyətsiz olar və yalnız regional gərginliyi artırar”, – bəyanatda deyilir.
ATƏT-in Minsk Qrupunun həmsədri kimi ABŞ yenə də davamlı sülhün əldə edilməsinə kömək etməyə hazırdır.
Ermənistanın baş naziri dünyadan “Türkiyəni müdaxilədən çəkindirməyi” xahiş edib, amma Qarabağın tanınmasını müzakirə etməyə hazırdır
Həmçinin sentyabrın 27-də Ermənistanın baş naziri beynəlxalq strukturları Türkiyəni Qarabağ münaqişəsinə müdaxilədən çəkindirməyə çağırıb, çünki bu, “regiondakı vəziyyəti tamamən sarsıdacaq”.
“Cənubi Qafqazda astanasında dayandığımız irimiqyaslı müharibənin ən gözlənilməz nəticələri ola bilər. Müharibə region hüdudlarından kənara çıxa və […] beynəlxalq təhlükəsizliyi və stabilliyi təhlükə altına qoya bilər”, – baş nazir bildirib.
Eyni zamanda Nikol Paşinyan bəyan edib ki, Azərbaycanın təcavüzünə cavab olaraq Qarabağın müstəqilliyinin tanınmasını müzakirə edə bilər.
“Cəmiyyətin fikrini və bütün “lehinə” və “əleyhinə” arqumentləri nəzərə almaq lazımdır”, – o deyib.
