Bakıda taksilərə vahid tarif tətbiq etmək niyyətindədirlər: sərnişinlər üçün bu niyə pisdir?

Karantinə görə istirahət günlərində Bakıda ictimai nəqliyyatın hərəkəti qadağandır, iyun ayından metro işləmir. Həmin günlərdə yeganə nəqliyyat vasitəsi taksidir və dövlət taksilərə vahid tarif tətbiq etmək istəyir. Şəhər sakinləri sosial şəbəkələrdə bununla bağlı narazılıqlarını bildirirlər.

• Azərbaycanda ilk ödənişli yol inşa edilir – artıq mövcud olan ödənişsiz yola paralel olaraq

• “Gürcüstandan işlə” – Gürcüstan hökuməti əcnəbiləri cəlb etmək üçün yeni layihə işə salıb

Bakı Nəqliyyat Agentliyinin təşəbbüsü ilə Azərbaycanın paytaxtında taksi fəaliyyətinin inkişaf perspektivləri üzrə video-konfrans formatında görüş keçirilib.

“BNA çatışmazlıqların aradan qaldırılması, taksi fəaliyyətinin tənzimlənməsi, bu sahədə qanunvericiliyin təkmilləşdirilməsi və effektiv nəzarət mexanizmlərinin yaradılması üçün konsepsiya hazırlayıb. Konsepsiya vahid dispetçer mərkəzinin yaradılmasını, o cümlədən də tarif sistemi və kvotaların tətbiqini nəzərdə tutur”, – məlumatda deyilir.

Bu xəbər sosial şəbəkələrin Azərbaycan seqmentində ən çox müzakirə olunan mövzulardan birinə çevrilib. Bəzi istifadəçilərin fikrincə, bu qərarla dövlət paytaxtdakı praktiki olaraq yeganə fərdi biznes növünü inhisara alır.

Bir neçə xarakterik şərhi diqqətinizə çatdırırıq:

“Hakimiyyət təxminən belə düşünür: “Ölkədə azad heç nə qalmamalıdır. Biz metronu bağlamışıq, ictimai nəqliyyatı məhdudlaşdırırıq. Siz də ucuz qiymmətə taksidə gəzirsiz”. Hələ durub deyəcəklər ki, biz onları düz başa düşməmişik”.

“Bu sahədə problem az deyil. Dəyişikliklər lazımdır. Birlikdə görəcəyik bu islahatların məqsədi nədir. Amma şəxsən mən inanmıram ki, hökumət bu sistemi proqressiv metodlarla və ədalətlə idarə edə bilər”.

“Vahid tarif anlayışı özlüyündə bazar iqtisadiyyatı qanunları ilə ziddiyyət təşkil edir”.