Saakaşvili huşunu itirib, amma sonra vəziyyəti stabilləşib

Saakaşvili huşunu itirib

Gürcüstanın artıq 48 gündür həbsxanada aclıq edən eks-prezidenti Mixail Saakaşvili noyabrın 18-də vəkilləri ilə görüş zamanı huşunu itirib. Onu xərəkdə reanimasiyaya çatdırıblar və orada özünə gəlib.

Saakaşvilinin yerləşdirildiyi həbsxana xəstəxanasının reanimotoloqları deyiblər ki, “kiçik reanimasiya tədbirlərindən nəticəsində onun vəziyyəti stabilləşib”. Reanimasiya briqadası onun vəziyyətinə nəzarət edir.

Həkimlərin yaxşı işini “Mtvari” müxalif telekanalının direktoru Nika Qvamariya və Saakaşvili huşunu itirdiyi zaman onun yanında olan vəkillərindən biri də təsdiqləyib.

“Saakaşvili indi qaydasındadır, onun həyatı üçün heç bir təhlükə yoxdur”, – Qvamariya deyib. O hesab edir ki, Saakaşvili üçün yeganə xilas yolu həbsxana xəstəxanasından çıxmaq və aclığı dayandırmaqdır:

“Mənim üçün bu insanı buradan sağ çıxarmaq vacibdir”, – Qvamariya deyib.

Noyabrın 19-da Tbilisinin mərkəzində genişmiqyaslı mitinq təyin edilib

İlkin olaraq müxalifət noyabrın 19-da Tbilisidə üç etiraz aksiyası planlaşdırmışdı. Amma indi Respublika Meydanında keçiriləcək genişmiqyaslı etiraz haqda elan olunub.

“Hökumət artıq əsir götürdüyü insanı manyakal öldürmək istəyindən əl çəkmir. […] Bu, ölkə tarixində mühüm məqamdır və bizim səfərbərliyimizi və vəhdətimizə heç vaxt olmadığı qədər ehtiyac var”, – əsas müxalif Vahid Milli Hərəkat Partiyasının (Mixail Saakaşvili tərəfindən yaradılıb) lideri Nika Meliya deyib.

“Rusiya əvvəlindən sonuna qədər bütün bunlarda iştirak edir. Ölkənin azadlığının təhlükə altında olduğunu hesab edənlər – sizləri noyabrın 19-da 15:00-da Respublika Meydanında gözləyirik”, – Nika Melia deyib.

• Gürcüstanda Saakaşvilinin xəstəxanaya köçürülməsi tələbilə daha on siyasətçi aclıq elan edib
• Saakaşvili ətrafında baş verənlərə Bakı və Yerevandan niyə reaksiya yoxdur? – şərhlər
• Saakaşvili azad edilməli, növbədənkənar seçki keçirilməlidir – Tbilisidə etirazlar

Noyabrın 17-də Gürcüstanın xalq müdafiəçisi Nino Lomcariya tərəfindən yaradılan ekspertlər qrupu Mixail Saakaşvilinin səhhətilə bağlı nəticələrini dərc edib.

“Pasiyentin səhhətinin kritik olması ilə əlaqədar olaraq onun müalicəsinin dərhal çoxprofilli peşəkar xəstəxanada davam etdirilməsi tövsiyə olunur. İntensiv terapiya şöbəsinə ehtoyac var və həbsxana xəstəxanasındakı şərtlər lazımi tələblərə cavab vermir”.

Noyabrın 10-da Strasburq Məhkəməsi Mixail Saakaşvilinin aclıq etməsi, səhhəti və təhlükəsizliyilə bağlı “müvəqqəti tədbirlər” haqda qərar qəbul edib. Məhkəmə qərarında “Mixail Saakaşvilinin həyatına və sağlamlığına geriyə dönüşü olmayan ziyanın vurulması təhlükəsinin dərki” haqda deyilir.