“Biz Poznerə Tbilisidə əylənməyə imkan verməyəcəyik, çünki o, Putinin təbliğatçısıdır və bildirir ki, AbxaziyanıGürcüstanın tərkib hissəsi hesab etmir”, – Tbilisidə rusiyalı jurnalist Vladimir Pozdnerin səfərinə qarşı bu cür şüarlarla etiraz edirlər.
O, martın 31-də çarter reysi ilə Tbilisiyə gəlib və aprelin 1-də burada doğum gününü qeyd etmək niyyətindədir. Onunla birlikdə Moskvadan ümumilikdə 50 nəfər – şou-biznes nümayəndələri və jurnalistlər də gəlib.
Pozner qonaqları ilə restoranda şam yeməyi yediyi zaman aktivistlər oranın işığını söndürüb, Putinin ünvanına söyüş səsləndirib və polisdən tələb ediblər ki, Gürcüstanda 21:00-dan səhər 6:00-a qədər qüvvədə olan komendant saatı rejiminin pozulmasının qarşısını alsınlar.
DİN-dən bildirilib ki, Vladimir Pozner işğal haqda qanunu pozmayıb, Gürcüstanın başının üstündən Abxaziya və Sxinvali regionunun ərazisinə səfər etməyib. O, ABŞ vətəndaşıdır və ölkəyə gəlişinə qadağa qoymaq üçün heç bir əsas yoxdur.
Etiraz təşkilatçılarından biri, “Droa” vətəndaş hərəkatının lideri Elene Xoştariya deyib ki, Abxaziyanın Gürcüstanın tərkibinə ola bilməyəcəyini deyən bir adam ölkə ərazisinə buraxılmamalıdır.
Aktivistlər Poznerin qonaqları ilə birlikdə qaldığı “Vinotel”in girişini bağlamağa çalışırlar.
