Bakıda Qarabağdakı keçmiş separatçı rejim nümayəndələrinin məhkəmələri başlayır
Qarabağdakı separatçı rejim nümayəndələrinin məhkəməsi
Bu gün Azərbaycanda hərbi cinayətlərdə təqsirləndirilən 15 erməniəsilli şəxsin və Qarabağda keçmiş separatçı qurumda “dövlət naziri” olmuş Ruben Vardanyanın cinayət işləri üzrə məhkəmə prosesləri başlayır.
- “Azərbaycan sadəcə gözləməli və qarışmamalıdır”. Bakıdan baxış
- Rusiya – İran yaxınlaşması Cənubi Qafqaz üçün nə deməkdir? Bakıdan baxış
- İşçi hüquqları müdafiəçisi Afiəddin Məmmədov 8 il azadlıqdan məhrum edilib
“Report” xəbər verir ki, proses Suraxanı rayonu, Hövsan qəsəbəsində yeni inşa edilmiş Bakı Məhkəmə Kompleksində baş tutacaq.
Müttəhimlər qismində Arkadi Qukasyan, Arayik Harutyunyan, Bako Sahakyan, Davit İşxanyan, Davit Babayan, Lyova Mnatsakanyan, Davit Manukyan, Qarik Martirosyan, Melikset Paşayan, Davit Allahverdiyan, Qruqen Stepanyan, Levon Balayan, Madat Babayan, Vasili Beqlaryan və Erik Qazaryanın cinayət işi üzrə hazırlıq iclası keçiriləcək.
Məhkəmə ümumilikdə 2 min 548 epizod üzrə işə baxacaq.
1987-ci ilin oktyabr ayından 22 aprel 2024-cü il tarixədək törədilmiş cinayətlərin bir qismi ilə bağlı Baş Prokurorluq və Respublikanın ayrı-ayrı istintaq qurumlarında istintaq edilən 1389 cinayət işi bir icraatda birləşdirilib. İstintaqa Baş Prokurorluğun, Dövlət Təhlükəsizliyi Xidməti, Daxili İşlər Nazirliyi, Dövlət Gömrük Komitəsi və Hərbi Prokurorluğun müstəntiqləri cəlb edilib.
Təqsirləndirilən şəxslər cinayətkar birlikdə iştirak etdiyi dövrlərə uyğun olaraq Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, hazırlama, başlama və aparma), 102 (beynəlxalq müdafiədən istifadə edən şəxslərə və ya təşkilatlara hücum etmə), 103 (soyqırım), 105 (əhalini məhv etmə), 106 (köləlik), 107 (əhalini deportasiya etmə və ya məcburi köçürmə), 109 (təqib), 110 (insanları zorakılıqla yoxa çıxarma), 112 (beynəlxalq hüquq normalarına zidd azadlıqdan məhrum etmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 118 (hərbi soyğunçuluq), 120 (qəsdən adam öldürmə), 192 (qanunsuz sahibkarlıq), 214 (terrorçuluq), 214-1 (terrorçuluğu maliyyələşdirmə), 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 277 (dövlət xadiminin və ya ictimai xadimin həyatına sui-qəsd etmə), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279-cu (qanunvericiliklə nəzərdə tutulmayan silahlı birləşmələri və qrupları yaratma) və digər maddələri ilə ittiham edilirlər.
Rəsmi məlumatda həmçinin deyilir ki, onların hər birinin müdafiə, bildiyi dilindən istifadə etmək və digər prosessual hüquqları təmin edilib.
Bundan başqa, bu gün saat 15:00-da isə Ruben Vardanyanın cinayət işi üzrə hazırlıq iclası baş tutacaq.
R.Vardanyan Azərbaycanın Cinayət Məcəlləsinin 100, 107, 109, 112, 113, 114, 115, 116, 214, 214-1, 218, 228, 270-1, 278, 279 və 318-ci (Azərbaycan Respublikasının dövlət sərhədini qanunsuz olaraq keçmə) maddələrində nəzərdə tutulan əməllərin törədilməsi ilə bağlı yekun ittiham elan olunub.
Hər iki prosesə Bakı Hərbi Məhkəməsinin sədri Zeynal Ağayevin icraatına baxılacaq.
Ekspert şərhi
Azərbaycanlı siyasi analitik Fərhad Məmmədov hesab edir ki, bu məhkəmə Ermənistandakı bütün revanşistlər üçün dərs olmalıdır.
“Azərbaycanın işğal olunmuş ərazilərində Ermənistanın yaratdığı marionet qurumun rəhbərliyi ilə bağlı Azərbaycanda ədalət məhkəməsi başlayır.
Konkret şəxslərlə yanaşı, işğalçı ölkə kimi Ermənistan da qanunları pozmaqda ittiham olunur.
Çox maraqlı şeylər olacaq…
Digər tərəfdən, bu, Azərbaycana qarşı informasiya aktivliyi üçün daha bir səbəb olacaq. Bu kampaniyanın əsas qəhrəmanı da artıq yalan və təxribat xarakterli bəyanatı ilə seçilən Ruben Vardanyan olacaq. Yüzlərlə azərbaycanlının və erməninin ölümündə günahkar olan dələduz və fanatik nəhayət layiqli cəzasını alacaq.
Bu məhkəmə və hökm Ermənistandakı bütün revanşistlər üçün dərs olmalıdır!” – deyə o bildirib.
