2020-ci il oktyabrın 24 Qarabağda baş verən hərbi əməliyyatlarla bağlı xəbərlər

Xəritədə Azərbaycan hakimiyyətinin Azərbaycan ordusunun nəzarətə götürməsi barədə rəsmən elan etdiyi yerlər göstərilib.

Müdafiə Nazirliyinin nümayəndəsi Arsrun Ovannisyanın sözlərinə görə, hərbi əməliyyatlar davam edir, lokal döyüşlər gedir, müvafiq olaraq xəritə fəal şəkildə dəyişir.

Ənənəvi axşam brifinqi zamanı Ovannisyan həmçinin xəbər verib ki, səhər radələrində cəbhənin bütün istiqamətlərində hərbi əməliyyatlar başlayıb. Azərbaycan silahlı qüvvələri gün ərzində Berdzor (Laçın) istiqamətində cənubdan hücuma keçib və geri otuzdurulub. Günortadan sonra şimal istiqamətində sürəkli artilleriya atışması gedib.

Müdafiə Nazirliyinin sözlərinə görə, şənbə günü mərkəzi istiqamətdə hərəkət edən Azərbaycan silahlı qüvvələrinin diversiya-kəşfiyyat qrupu neytrallaşdırılıb. Söhbət Martunidən cənuba doğru və Hadrutdan şimala doğru ərazilərdən gedir. Həmin ərazilər meşələrə və yaşayış məntəqələrinə birləşib.

Birləşmiş Ştatların Bakıdakı səfirliyinin saytında ABŞ vətəndaşlarının və xarici ölkə vətəndaşlarının Bakıda oöurlanması və potensial terror hücumları ilə bağlı xəbərdarlığı yerləşdirilib.

Amerika vətəndaşlarına tövsiyə olunur ki, J.W. Marriott Absheron kimi hotellərdən, həmçinin Bakıdakı potensial digər yerlərdən uzaq dursunlar.

Zoqrab Mnasakanyan Atlantik Şurasında çıxış edib. O, Vaşinqtonda Qarabağ üzrə danışıqları çox məhsuldar adlandırıb və bir gün əvvəl ABŞ-ın dövlət katibi Mayk Pompeo və digər rəsmi simalarla keçən danışıqların bəzi detallarını açıqlayıb.

Ermənistanın nazirinin dediyinə görə,

danışıqlarda Dağlıq Qarabağda atəşin dərhal dayandırılması ehtimalları müzakirə olunub,

DQ-a sülhməramlıların göndərilməsi ehtimalına baxılıb.

Tərəflər bu qənaətə gəlib ki, münaqişənin sülh yolu ilə nizamlanması yeganə beynəlxalq mandat – ATƏT-in Minsk qrupunun həmsədrliyi çərçivəsində mümkündür.

ABŞ-ın münaqişənin nizamlanması üzrə səyləri iki digər ölkənin, ATƏT-in Minsk qrupunun həmsədrlərinin – Rusiya və Fransanın cəhdləri ilə birləşib. Vasitəçilər Dağlıq Qarabağ münaqişəsinin nizamlanması məsələsində həmfikirdir.

Ermənistanın xarici işlər naziri bundan başqa xəbər verib ki, hərbi münaqişə nəticəsində 90 min insan qaçqın düşüb, hərbi əməliyyatlar başlayandan Dağlıq Qarabağın dinc əhalisi daimi atəş altındadır, vətəndaş infrastrukturunun minlərlə obyekti dağıdılıb.

Artak Beqlaryan xəbər verib ki, itkin düşənlər də var:

“Azərbaycan diversiya dəstəsinin Hadruta girməsini və vətəndaşların qətli haqda videoçarxların yayılmasını, həmçinin itkin düşənlər barədə xəbərləri nəzərə almaqla, digər oxşar olayların olması riski böyükdür. Vətəndaşlar həlak ola və hətta işgəncələrə məruz qala, digər hərbi cinayətlərin qurbanlarına çevrilə bilərlər”.

DQ ombudsmeni aparatının hesablamalarına görə, hərbi əməliyyatlar başlayandan Azərbaycan tərəfdən atəş nəticəsində 1500 mülkə, 1500 infrastruktura, ictimai və ya sənaye obyektinə, 1100 maşına ziyan dəyib.

Azərbaycan Baş Prokurorluğunun mətbuat xidmətinin məlumatına görə, Ermənistan silahlı qüvvələrinin Tərtər rayonunun ərazisini atəşə tutması nəticəsində 16 yaşlı Orxan İsmayılzadə həlak olub.

Azərbaycan Müdafiə Nazirliyinin mətbuat xidmətinin təcili məlumatında deyilir:

“Tərtər və Bərdə rayonunun ərazilərindəki yaşayış məntəqələrimiz düşmən tərəfindən atəşə tutulur”.

Gecə ön cəbhənin müxtəlif sahələrində artilleriya döyüşləri davam edib, hazırda lokal əməliyyatlar cəbhənin bütün istiqamətlərində davam edir.

“Ermənistan müdafiəsinin hərbi hissələri ön cəbhədə operativ-taktik vəziyyətə nəzarət etməklə düşmənin hücumlarının qarşısını alır”, – Qarabağ Müdafiə Nazirliyinin mətbuat xidmətində deyilir.

“Oktyabrın 23-ü gün ərzində və 24-nə keçən gecə cəbhənin Ağdərə, Xocavənd, Füzuli, Hadrut və Qubadlı istiqamətlərində döyüş əməliyyatları müxtəlif intensivliklə davam edib. Düşmən müdafiə mövqelərimizi atıcı silahlar, minaatanlar və toplardan atəşə tutub.

Azərbaycan Ordusunun bölmələri əməliyyat planına uyğun cəbhənin müəyyən edilmiş istiqamətlərində döyüş fəaliyyətlərini davam etdirib.

Hazırda bütün cəbhə boyu döyüşlər davam edir. Qoşunlarımız əməliyyat şəraitinə nəzarət edir”, – Azərbaycan Müdafiə Nazirliyinin mətbuat xidmətinin məlumatında bildirilir.

Qarabağda döyüşlər başlayandan 28-ci gün.

• Vaşinqtonda ABŞ-ın dövlət katibinin Azərbaycan və Ermənistanın xarici işlər naziri ilə (ayrı-ayrılıqda) görüşü baş tutub. Münaqişənin dinc yolla nizamlanmasının zəruriliyi haqda bəyanatlar verilib. Görüşün detalları və nəticələri barədə hələ ki heç nə məlum deyil.

• Human Rights Watch bəyan edib ki, onun əlində Azərbaycanın Qarabağın dinc əhalisinə qarşı qadağan olunmuş kasetli döyüş sursatı tətbiq etməsinin sübutu var.

• Azərbaycan prezidenti Azərbaycan ordusunun Qarabağa birləşmiş dörd rayonun – Xocavənd, Cəbrayıl, Zəngilan və Qubadlının (bu rayonlar 1990-cı ilin əvvəlində baş vermiş müharibədən sonra erməni qüvvələrinin nəzarəti altındadır) daha 13 yaşayış məntəqəsini nəzarətə götürdüyünü elan edib.

• Ermənistanın Müdafiə Nazirliyi xəbər verib ki, azərbaycanlı hərbçilər oktyabrın 23-ü gün boyu Mardakert rayonu ilə ona birləşən kəndləri, o cümlədən Berdzoru atəşə tutub: “Düşmən Berdzordan (Laçın) cənuba doğru geriyə otuzdurulub”.

• Qarabağ prezidenti Rusiya prezidentinə müraciətində “hərbi əməliyyatların dayandırılması üçün mümkün olan hər şeyi gerçəkləşdirməyi” xahiş edib.

• Qarabağın vahid informasiya agentliyi xəbər verib ki, oktyabrın 23-ü axşam azərbaycanlı hərbçilər Qarabağda Stepanakert və Martunini atəşə tutub. Azərbaycanın Müdafiə Nazirliyi xəbəri təkzib edib.

• 2020-ci il oktyabrın 23 Qarabağda baş verən hərbi əməliyyatlarla bağlı xəbərlər, reportajlar, foto/video