2020-ci il oktyabrın 21 Qarabağda baş verən hərbi əməliyyatlarla bağlı xəbərlər

Azərbaycan prezidenti İlham Əliyev özünün “Twitter” hesabında üç rayonun 22 yaşayış məntəqəsinin Azərbaycan ordusunun nəzarəti altına keçdiyini bildirib.

Əliyevin tvitlərində aşağıdakı yaşayış məntəqələrinin adları sadalanıb:

Zəngilan rayonu: Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri;

Füzuli rayonu: Gecəgözlü, Aşağı Seyidəhmədli, Zərgər kəndləri;

Cəbrayıl rayonu: Bələnd, Papı, Tulus, Hacılı, Tinli kəndləri.

Turabad, İçəri Müşlan, Məlikli, Cahangirbəyli, Baharlı kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!

— İlham Əliyev (@azpresident) October 21, 2020

Cəbrayıl rayonunun Bələnd, Papı, Tulus, Hacılı, Tinli kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!

— İlham Əliyev (@azpresident) October 21, 2020

 

Nikol Paşinyan Facebook səhifəsində canlı yayımla çıxış edib, hamını və hər kəsi Vətənin müdafiəsinə qalxmağa çağırıb – ilk növbədə əlisilahlı, o cümlədən də öz bilik və bacarıqları ilə orduya yardım edərək:

“Biz dərk etməliyik ki, Qarabağ məsələsinin ən azı hazırkı mərhələdə diplomatik həlli yoxdur”.

O izah edib ki, Ermənistan hakimiyyəti dəfələrlə məsələni qarşılıqlı güzəşt əsasında həll etməyə hazır olduğunu bildirib. Amma Ermənistan tərəfi üçün məqbul olan məntiq Azərbaycan üçün məqbul deyil:

“Danışıqlar və digər amillər nəzərə alınaraq bizim əvvəl və indi razı olduğumuza Azərbaycan razı deyil. Müvafiq olaraq, məsələnin ancaq hərbi yolla həlli qalır, bundan sonra diplomatik danışıqlara keçmək olacaq”.

Baş nazirin çıxışı Ermənistan və Dağlıq Qarabağ prezidentləri, o cümlədən də iri partiyaların liderləri ilə görüş və məsləhətləşmələrdən, sonra baş tutub, bundan da belə nəticəyə gəlmək olar ki, bu, Ermənistan və Qarabağın bütün siyasi qüvvələrinin ümumi yanaşmasıdır.

Qadağa 2020-ci il dekabrın 31-dən qüvvəyə minəcək və hələlik yarım il sürəcək. Bu qərarı Ermənistan hökuməti oktyabrın 21-də qəbul edib. Qərarın mahiyyəti Türkiyənin dövlət büdcəsinə Ermənistan mənbələrindən maliyyə axınının qarşısını almaqdan ibarətdir.

“Türkiyə mallarının idxalının məhdudlaşdırılması ilk növbədə Türkiyənin Dağlıq Qarabağda hərbi və terrorçu əməliyyatları açıq dəstəklədiyini dəfələrlə sübut edən faktları nəzərə alaraq təhlükəsizlik məqsədi daşıyır”, – baş nazirin müavini Mqer Qriqryanın ofisindən yayılan bəyanatda deyilir.

İqtisadiyyat Nazirliyinin məlumatına əsasən, 2019-cu ildə Türkiyədən Ermənistana 261,1 milyon dollar həcmində mal gətirilib.

Kaliforniyadan olan demokrat konqresmen Qreys Napolitano ABŞ Konqresinin Nümayəndələr Palatasında bu təşəbbüslə çıxış edib. O, təqdim etdiyi sənədi Twitter-də dərc edib.

The path forward is one of liberty, which is why I am today calling for official U.S. recognition of the Republic of Artsakh’s independence. pic.twitter.com/Kk4J31XVz5

— Rep.Grace Napolitano (@gracenapolitano) October 20, 2020

“Yol irəliyədir – bu, azadlığa doğru yoldur, çünki mən Artsaxın müstəqilliyinin Birləşmiş Ştatlar tərəfindən rəsmi tanınmasına çağırıram”, – paylaşım bu sözlərlə müşayiət olunur.

Qreys Napolitano yazıb ki, Dağlıq Qarabağ min illiklər bpyu Ermənistanın tərkibində olub, indi isə “möhkəm hüquqi əsasda yaradılmış müstəqil respublikadır”:

“Amma ən əsası bugün Azərbaycan və Türkiyə, onların İŞİD-dən olan tərəfdaşları Artsaxın yaşayış məntəqələrinə bomba atdığı və raketlərlə vurduğu zaman, azadlıq yalnız tarixə və ya qanunun aliliyinə hörmət deyil. Azadlıq Artsaxın sağ qalması üçün yeganə cavabdır. Geriyə yol yoxdur. Artsax Azərbaycana qayıtmamalıdır”.

Rusiya XİN Rusiya Federasiyasının xarici işlər naziri Sergey Lavrovun Azərbaycanın xarici işlər naziri Ceyhun Bayramov və Ermənistanın xarici işlər naziri Zohrab Mnatsakanyanla görüşünün yekunu ilə bağlı məlumat yayıb.

“RF prezidenti Vladimir Putinin Azərbaycan prezidenti İlham Əliyevlə və Erənistanın baş naziri Nikol Paşinyanla son zamanlarda baş tutan telefon danışıqlarının inkişafı olaraq Moskvada oktyabrın 20-də və 21-də Azərbaycanın xarici işlər naziri Ceyhun Bayramov və Ermənistanın xarici işlər naziri Zohrab Mnatsakanyanla ayrı-ayrı görüşlər baş tutub.

Danışıqlar zamanı daha əvvəl Dağlıq Qarabağ münaqişəsi zonasında atəşkəsin elan edilməsinə və davamlı nizamlama üçün şəraitin yaradılmasına dair əldə edilən razılaşmaların reallaşdırılması ilə bağlı təxirəsalınmaz məsələlər müzakirə olunub”, – məlumatda deyilir.

Azərbaycan Respublikasının Xarici İşlər naziri Ceyhun Bayramov Rusiya tərəfi ilə məsləhətləşmələrin həyata keçirilməsi məqsədilə Moskva şəhərinə işçi səfər edib.

Bu barədə Xarici İşlər Nazirliyi məlumat yayıb.

Azərbaycan Baş Prokurorluğu dinc əhali arasında həlak olanlar və yaralananlar barədə məlumatı yenilənib.

“Ermənistan silahlı qüvvələrinin atəşləri nəticəsində 63 dinc sakin həlak olub, daha 292 nəfər yaralanıb”, – qurumun mətbuat xidmətinin məlumatında deyilir.

Gecə cəbhənin bəzi hissələrində atışma və artilleriya döyüşləri davam edib.

Səhər şimal və cənub istiqamətlərində lokal döyüşlər başlayıb.

“Sübh tezdən Azərbaycan növbəti dəfə humanitar atəşkəsi pozaraq Mardakert və ətraf kəndlərin yaşayış məntəqələrini atəşə tutub”, – Qarabağın hərbi qurumunun məlumatında deyilir.

“Səhər saatlından başlayaraq Ermənistan silahlı qüvvələri Tərtər şəhəri və rayonun ərazisini artilleriya qurğularından atəşə tutur”, – Azərbaycan Müdafiə Nazirliyinin mətbuat xidmətinin təcili məlumatında bildirilir.

Ermənistan prezidenti Armen Sarqsyan işgüzar səfər çərçivəsində NATO-nun baş katibi, Aİ-nin xarici işlər və təhlükəsizlik siyasəti üzrə ali nümayəndəsi, o cümlədən də Avropa Şurasının sədri ilə görüşəcək.

“Ermənistan prezidenti Avropa strukturlarının rəhbərləri ilə Azərbaycanın Artsax respublikasına qarşı başlatdığı hərbi təcavüzlə və bunda Türkiyənin açıq iştirakı, həmçinin Azərbaycan tərəfindən Ermənistan Respublikasının sərhədyanı yaşayış məntəqələrinin atəşə tutulmasıyla bağlı məsələləri müzakirə etmək niyyətindədir”, – prezidentin mətbuat xidmətindən bildirilib.

NATO və Avropa strukturları rəhbərlərinin münaqişə zonasında hərbi əməliyyatları dayandırmağa cəhd edəcəkləri gözlənilir.

Ermənistanın xarici işlər naziri Moskvada qısamüddətli işgüzar səfərdədir. Zohrab Mnatsakanyanın səfərinin başqa təfərrüatları haqda bildirilmir.

“Oktyabrın 20-i gün ərzində və 21-nə keçən gecə cəbhənin Ağdərə, Füzuli-Cəbrayıl və Qubadlı istiqamətlərində döyüş əməliyyatları müxtəlif intensivliklə davam edib. Düşmən müdafiə mövqelərimizi atıcı silahlar, minaatanlar və toplardan atəşə tutub”, – Azərbaycan Müdafiə Nazirliyinin mətbuat xidmətinin məlumatında deyilir.

Qarabağda döyüşlərin 25-ci günü.

• Ermənistanın Müdafiə Nazirliyi cənubda – İranla sərhədə yaxın, Xudafərin su anbarı ətrafında intensiv döyüşlərin getdiyi haqda məlumat verib.

• Azərbaycanın Müdafiə Nazirliyinin məlumatına görə, cəbhənin Ağdərə-Ağdam, Füzuli-Hadrut-Cəbrayıl və Qubadlı-Zəngilan istiqamətlərində döyüşlər davam edib, Azərbaycanın Tərtər və Ağdam rayonları atəşə tutulub.

• Azərbaycan ordusu Qarabağ münaqişəsi zonasında daha 24 kəndi və Zəngilan şəhərini nəzarət altına alıb – prezident İlham Əliyev bildirib.

• Ermənistanın baş naziri Facebook səhifəsində bildirib ki, müharibə gedişatında Qarabağın müdafiə ordusu Türkiyənin ona yaxın “Bayraktar” dronunu vurub və digər ölkələri də Kanadanın nümunəsinə uyğun olaraq bu dronların istehsalı üçün lazım olan hissələrin Türkiyəyə çatdırılmasını dayandırmağa çağırıb.

• Azərbaycan dinc əhali arasındakı qurbanlara dair yeni məlumatı açıqlayıb: 61 nəfər həlak olub, 291 nəfər yaralanıb.

• Ermənistanın baş naziri bir sıra görüşlər keçirib: Dağlıq Qarabağın keçmiş prezidentləri Arkadi Qukasyan və Bako Saakyanla, daha sonra isə parlamentdə təmsil olunmayan, hakimiyyətə qarşı ən kəskin müxalifətdə olan partiyaların nümayəndələri ilə. “Azərbaycan-Türkiyə təcavüzü ilə bağlı gələcək addımlar” müzakirə olunub.

• “Erməni xalqının geriyə çəkilmək haqqı yoxdur, bu müharibədə dövlətin mövcudluq məsələsi həll olunur. Artsaxın müstəqilliyi tanınmadan nizamlama mümkün deyil”, – “Daşnaksütun” partiyasının nümayəndəsi İşxan Saqatelyan deyib.

• Azərbaycanın Rus Pravoslav Kilsəsi “Ermənistan silahlı qüvvələrinin vəhşiliklərinə” qarşı etiraz edib, onların əməllərini “terror aktları” adlandırıb və dünya birliyini “günahkarları cəzalandırmağa” çağırıb.

• Ermənistanın xarici işlər nazirinin müavini Şavarş Koçaryan parlamentdə bildirib: “Hər şey döyüş meydanında baş verir. Dünya ictimaiyyətinin, BMT-nin reaksiyasını görmək çox ağrılıdır. […] Ermənistan Türkiyənin də cəlb olunduğu müharibə şəraitindədir, bu isə növbəti soyqırım təhlükəsi deməkdir”.

• Ermənistanın ombudsmeni Azərbaycanın qadağan olunmuş silahlardan, o cümlədən də kasset bombalarında istifadə etməsinə dair araşdırmaya başlayıb. Araşdırmadının digər mövzusu Azərbaycan cəmiyyətində etnik təmizləmə, Ermənistana və Qarabağa qarşı terrorçu mübarizə metodları ilə bağlı təbliğatın aparılmasıdır.

• Rusiya və Fransa prezidentləri telefonda Qarabağ münaqişəsi zonasındakı vəziyyəti və yeni danışıqların labüd olduğunu müzakirə ediblər. Söhbətin digər detalları məlum deyil.

• 2020-ci il oktyabrın 17-20 Qarabağda baş verən hərbi əməliyyatlarla bağlı xəbərlər, reportajlar, foto/video