2020-ci il oktyabrın 23 Qarabağda baş verən hərbi əməliyyatlarla bağlı xəbərlər

“Bəli, bəzi hissələrdə biz bu üstünlüyə görə geri çəkilməyə məcbur olmuşuq, bəli, bu üstünlüyə görə bizim itkilərimiz var. Amma böyük həcmdə müasir silahların olması yenə də düşmən üçün həlledici rol oynamadı”, – Vahid İnformasiya Mərkəzində ənənəvi brifinqdə Artsrun Hovannisyan bildirib.

Müdafiə Nazirliyi nümayəndəsinin sözlərinə görə, gün ərzində qarşı tərəf Mardakerti və ətraf kəndləri, o cümlədən də Berdzor şəhərini atəşə tutub, sonuncunun yaxınlığında üç mərmi düşüb.

“Cənub istiqamətində bütün gün Azərbaycan SQ Vorotan çayının aşağı axınındakı rayonlarda hücuma keçməyə çalışıb, bir neçə hücumun qarşısı alınıb. Bir neçə hərbi hissə dağılışıb, dərələrdə gizlənməyə çalışıb. Düşmən Berdzordan (Laçın) cənuba doğru sıxışdırılıb”.

Ümumilikdə Hovannisyanın sözlərinə görə, gərginlik davam edir, əsasən qəti cəbhə xətti olmadan lokal döyüşlər gedir:

“Düşmən yollara və nəqliyyat qovşaqlarına hücum etməyə cəhd göstərir. Bu hücumlar Ermənistan qüvvələri tərəfindən neytrallaşdırılır”.

ABŞ prezidenti böyük ehtimalla ABŞ-ın dövlət katibi Mayk Pomeonun Ermənistan və Azərbaycan xarici işlər nazirləri Zohrab Mnatsakanyan və Ceyhun Bayramovla görüşlərini nəzərdə tutur. XİN rəhbərləri ilə görüşlər bugün baş tutub.

Tramp onu da bildirib ki, Dağlıq Qarabağ üzrə danışıqlarda iştirak edir, amma iki ölkə liderləri ilə danışıb-danışmadığını dəqiqləşdirməyib.

“Demək istəmirəm”, – ABŞ prezidenti bildirib.

Amma o, Ermənistan və ermənilərlə bağlı fikrini ifadə edib:

“Biz Ermənistanla danışırıq. Bizim Ermənistanla çox yaxşı münasibətlərimiz var. Orada çox yaxşı insanlar yaşayır. Çox məqsədyönlü, qeyri-adi insanlar. Görək necə olacaq”.

Qarabağda Martuni şəhəri Azərbaycan SQ tərəfindən artilleriya atəşinə məruz qalıb. İndicə Stepanakert atəşə tutulmağa başlayıb.

Zohrab Mnatsakanyan və Mayk Pompeo Qarabağda sülh nizamlamasının, Qarabağ münaqişəsi ilə bağlı ATƏT-in Minsk Qrupunun vasitəçiliyi ilə danışıqların davam etməsinin vacibliyi haqda danışıblar.

Ermənistan XİN görüşün bəzi detallarını açıqlayıb.

Pompeo ilə görüşdə Mnatsakanyan vurğulayıb ki, Azərbaycan tərəfinin təcavüzü Türkiyənin iştirakı ilə həyata keçirilir. Onun sözlərinə görə, Türkiyə Azərbaycana yalnız hərbi-texniki yardım etmir, həm də regiona silahlı terrorçuları gətirir.

Ermənistanın XİN rəhbəri ABŞ-ın dövlət katibinə Azərbaycan SQ-in hərbi əməliyyatlar zamanı törətdiyi hərbi cinayətlər: Qarabağın mülki əhalisi və infrastrukturunu məqsədyönlü şəkildə atəşə tutması, dinc sakinlərin və hərbi əsirlərin şəxsiyyətini alçaldan davranışları haqda bildirib.

“Azərbaycanın atəşkəs razılaşmalarını pozması və Qarabağ xalqına qarşı hərbi əməliyyatları davam etdirməsi bir daha Azərbaycanın məsələni hərbi yolla həll etmək niyyətini nümayiş etdirir”, – Zohrab Mnatsakanyan deyib.

Tərəflər Qarabağda vəziyyətin gərginləşməsini müzakirə ediblər.

“Qarabağ məsələsində Ermənistan tərəfinin destruktriv siyasəti, Azərbaycanlı dinc əhalinin məqsədyönlü şəkildə atəşə tutulması, xaricdən muzdluların və terrorçuların kütləvi cəlb olunması və sair məsələlər barədə [ABŞ dövlət katibinə] ətraflı məlumat verilib”, – Azərbaycan XİN-in məlumatında deyilir.

Bundan başqa, tərəflər ikitərəfli münasibətlərlə bağlı fikir mübadiləsi  aparıblar.

Azərbaycan prezidenti dörd rayonda daha 13 yaşayış məntəqəsinin Azərbaycan ordusunun nəzarəti altına keçdiyini bildirib.

Özünün “Twitter” hesabında o, aşağıdakı yaşayış məntəqələrini sadalayıb:

Xocavənd rayonu: Dolanar və Bünyadlı kəndləri;

Cəbrayıl rayonu: Dağ Tumas, Nüsüs, Xələfli, Minbaşılı, Veysəlli kəndləri;

Zəngilan rayonu: Vənədli və Mirzəhəsənli kəndləri;

Qubadlı rayonu: Zilanlı, Kürd Mahrızlı, Muğanlı və Alaqurşaq kəndləri.

Müzəffər Azərbaycan Ordusu Xocavənd rayonunun Dolanar, Bünyadlı kəndlərini, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!

— İlham Əliyev (@azpresident) October 23, 2020

Müzəffər Azərbaycan Ordusu Qubadlı rayonunun Zilanlı, Kürd Mahrızlı, Muğanlı və Alaqurşaq kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!

— İlham Əliyev (@azpresident) October 23, 2020

Azərbaycan Baş Prokurorluğunun mətbuat xidmətinin məlumatına görə, hərbi əməliyyatların başlanmasından bəri Azərbaycanda 63 dinc sakin həlak olub, daha 298 nəfər yaralanıb.

Gecə cəbhədə adi gərginlik davam edib, bəzi hissələrdə artilleriya döyüşləri gedib. Qarabağ Müdafiə Nazirliyinin verdiyi məlumata əsasən, “muzdlu döyüşçülərdən ibarət düşmən diversiya qruplarının aşkarlanması və məhv edilməsi üzrə əməliyyat” davam edir.

Müdafiə Nazirliyinin məlumatında həmçinin bildirilir ki, dünən axşam “düşmən qüvvələr yenə də beynəlxalq hüquq normalarını pozaraq Əskəranı atəşə tutub, gecə isə yenidən Martuniyə zərbə endirib”.

Martuni şəhəri, Karmir şuka kəndi və Qarabağın bir sıra ucqar kəndləri indi də Azərbaycan SQ tərəfindən atəşə tutulur.

Qarabağın Fövqəladə Vəziyyət üzrə Dövlət Xidməti bildirir ki, dinc sakinlərin atəşə tutulması zamanı “Smerç” və “Qrad” yaylım atəşli reaktiv sistemlərdən istifadə olunub. Mardakertdə raket atəşi nəticəsində yaşayış evinin iki mənzili yanıb. Xilasedicilər yanğını söndürüb, alovun yayılmasının qarşısı alınıb, qurbanlar yoxdur.

Bu gün günün ikinci yarısında ABŞ-ın dövlət katibi Mayk Pompeo ayrı-ayrılıqda Azərbaycan və Ermənistanın xarici işlər nazirləri ilə görüşəcək.

Azərbaycanın XİN rəhbəri Ceyhun Bayramovla görüş 17:30-a (15:30 CET), Ermənistan XİN rəhbəri Zohrab Mnatsakanyanla görüş isə 18:30-a (16:30 СЕТ) planlaşdırılıb.

“Oktyabrın 22-si gün ərzində və 23-nə keçən gecə cəbhənin Ağdərə, Füzuli-Hadrut-Cəbrayıl və Qubadlı istiqamətlərində döyüş əməliyyatları müxtəlif intensivliklə davam edib. Düşmən müdafiə mövqelərimizi atıcı silahlar, minaatanlar və toplardan atəşə tutub.

Hazırda bütün cəbhə boyu döyüşlər davam edir”, – Azərbaycan Müdafiə Nazirliyinin mətbuat xidmətinin məlumatında bildirilir.

Qarabağda döyüşlərin 27-ci günü.

• Rusiya prezidenti münaqişə ilə bağlı öz mövqeyini ifadə edib: “Bizim həm Ermənistanla, həm də Azərbaycanla xüsusi əlaqələrimiz var”; “Bizim [Türkiyə ilə] mövqelərimiz üst-üstə düşmür, çünki biz hesab edirik ki, mübahisəli məsələləri silah köməyi ilə yox, danışıqlar masasında həll etmək lazımdır”.

• “Hər iki tərəfdən artıq beş minə yaxın insan həlak olub” – Putin Qarabağ müharibəsi haqda

• Azərbaycan ordusu artıq bütün İran sərhədinə nəzarət edir – Azərbaycan prezidenti bildirib. Ermənistanın Müdafiə Nazirliyi bunu qətiyyətlə rədd edib və bildirib ki, sərhəd boyu intensiv döyüşlər gedir.

• Ermənistanın baş naziri Qarabağ məsələsinin diplomatik yolla həllinin mümkünsüzlüyü haqda bəyanatının nə demək olduğunu izah edib. O bildirib ki, Ermənistan üçün prinsipial məsələ Dağlıq Qarabağın statusudur və Ermənistan güzəştə hazırdır, Azərbaycan isə yox.

• Azərbaycan prezidenti Yaponiyanın “Nikkei” qəzetinə müsahibəsində öz mövqeyini şərh edib: “Azərbaycanın bütün rayonları azad edilməlidir, danışıqlarda ən əsası bunun nə zaman baş verəcəyini müəyyən etməkdir”; “Dağlıq Qarabağ ermənilərinə mədəni muxtariyyət təklif oluna bilər”.

• Azərbaycan bildirib ki, Ermənistan silahlı qüvvələri Abşeron yarımadasını içməli su ilə təmin edən və strateji əhəmiyyət daşıyan Oğuz-Qəbələ-Bakı su kəmərinə raket zərbəsi endirməyə cəhd edib.

• Bakı Ermənistanı öz ərazisindən Azərbaycan ərazilərini raket atəşinə tutmaqda ittiham edib, Ermənistan Müdafiə Nazirliyi bunu qətiyyətlə inkar edib.

• Qarabağlı erməni qadınlar və uşaqlar ABŞ-ın Yerevandakı səfirliyi qarşısında etiraz aksiyası keçiriblər, onlar Dağlıq Qarabağın müstəqilliyinin tanınmasını və müharibənin dayandırılmasını tələb ediblər.

• 2020-ci il oktyabrın 22 Qarabağda baş verən hərbi əməliyyatlarla bağlı xəbərlər, reportajlar, foto/video