Azərbaycanın təhvil verdiyi erməni əsgərlərin cəsədlərinin bəziləri parçalanıb – Yerevanda bildirilib, istintaq başlanıb.
Qarabağ münaqişəsi zonasında Azərbaycan ordusunun nəzarət altına aldığı kənddə yerləşən məsciddə vandalizm kadrları yayılıb, Bakı bunda Ermənistan tərəfini günahlandırıb.
• Laçın-Şuşa yolunun bəzi hissələri hələ də mülki əhali üçün qapalıdır, orada diversantların təmizlənməsi üzrə əməliyyat davm edir. Ermənistan tərəfdən ən azı bir nəfər həlak olub, bir nəfər yaralanıb.
• Ermənistanın Müdafiə Nazirliyi onlarla jurnalistin qarabağdan çıxa bilməməsi haqda informasiyanı təkzib edib, bildirilir ki, hamı rahatca Ermənistana qayıda bilər, yollarda təhlükə yoxdur.
• Azərbaycan hərbçiləri Stepanakertdə yaşayış rayonlarının atəşə tutulmasını davam etdirir, eyni zamanda kassetli sursatlardan da istifadə edir. Üç nəfər dinc sakin həlak olub.
• Azərbaycanın təhvil verdiyi 29 erməni hərbçinin cəsədlərinin bəziləri parçalanmış olub – Ermənistanın İstintaq Komitəsinin Kriminalistika idarəsinin rəisi Rafael Vardanyan deyib. Söhbət oktyabrın 29-da Rusiya və Beynəlxalq Qırmızı Xaç Komitəsinin vasitəçiliyi ilə təhvil verilən 29 erməni hərbçinin cəsədindən gedir.
Erməni hərbçilərin işgəncəyə məruz qaldığı və həyatda ikən onlara xəsarət yetirildiyi ilə bağlı suala cavab verəcək məhkəmə-tibbi ekspertizanın nəticələri gözləilir.
Bakıdan informasiya
• Azərbaycanın Vaşinqtondakı səfirliyi ABŞ-da yaşayan azərbaycanlıları erməni diasporası nümayəndələrinin təxribatından qorunmağa çağırıb.
• Azərbaycan prezidentinin köməkçisi Hikmət Hacıyev Qubadlı rayonu Məmər kəndinin dağılmış məscidinin kadrlarını yayıb.
“Məscid tamam dağılıb. Vandalizmlə yanaşı XVIII əsrə aid dini-mədəni abidə murdarlanmaq üçün Ermənistan tərəfindən kənd işal olunduğu zaman donuz tövləsinə çevrilib”, – o Twitter-də yazıb.
• Qarabağda 2014-cü ildə həbs olunan və Şuşa həbsxanasında saxlanılan Azərbaycan sakinləri Dilqəm Əsgərov və Şahbaz Quliyev Ermənistana köçürülüb – Beynəlxalq Qırmızı Xaç Komitəsinin Azərbaycandakı nümayəndəsi APA agentliyinə təsdiqləyib.
• Ermənistan hərbçiləri Azərbaycanın Tərtər rayonunun Qazyan, Qaynaq, Qapanlı və Hüsənli kəndlərini atəşə tutublar.
Azərbaycan, Ermənistan və üçüncü ölkələrin nümayəndələrinin bəyanatları
• Azərbaycanın baş naziri Əli Əsədov MDB hökumət rəhbərləri Şurasının onlayn iclasında Yerevanın KTMT ölkələrini Qarabağ münaqişəsinə cəlb etmək cəhdləri haqda danışıb. KTMT – Kollektiv Təhlükəsizlik Müqaviləsi Təşkilatı Rusiyanın liderliyi ilə yaradılıb, ora Ermənistandan başqa Belarus, Qırğızıstan, Qazaxıstan, Özbəkistan və Tacikistan daxildir.
• “Azərbaycan Türkiyənin birbaşa hərbi-siyasi dəstəyi, Suriya və Liviyadan terrorçuların cəlb olunması ilə Dağlıq Qarabağa münasibətdə təcavüzü davam etdirir. […] İşgəncə, nümayişkaranə güllələnmə, əsirlərin başının kəsilməsi, həlak olanların cəsədlərinin təhqir edilməsi tətbiq olunur. Azərbaycan terrorçuların və onların ideologiyalarının MDB məkanına sızması üçün plasdarma çevrilir”, – Ermənistanın baş nazirinin müavini Mqer Qriqoryan MDB hökumət başçıları Şurasının onlayn iclasında bilirib.
• Fransa XİN rəhbəri Jan-İv Le Drian Türkiyəni “Avropanın bilavasitə yaxınlığında, o cümlədən də Liviyada, Aralıq dənizinin şərq hissəsində, Dağlıq Qarabağda və şimali İraqda təcavüzkar siyasət aparmaqda” günahlandırıb.
Nazir bildirib ki, Türkiyə rəhbərliyinin əməlləri ilə bağlı “Avropa İttifaqında tam həmrəylik mövcuddur”.
Sentyabrın 27-dən Azərbaycan və Ermənistan orduları Qarabağ münaqişəsi zonasında zirehli texnika, artilleriya və dronlardan istifadə edərək döyüş aparırlar. Hər iki tərəf bir-birini yaşayış məntəqələrinin atəşə tutulmasında günahlandırır. Hər iki tərəfdən hərbçilər və dinc sakinlər arasında minlərlə insan həlak olub. Bu müddət ərzində üç dəfə – 10, 18 və 26 oktyabrda atəşkəs imzalanıb, amma dərhal pozulub. Tərəflər bir-birini atəşkəsə əməl etməməkdə günahlandırır.
