2020-ci il oktyabrın 5-də Qarabağda baş verən hərbi əməliyyatlarla bağlı xəbərlər

Nikol Paşinyan və Vladimir Putin növbəti dəfə Dağlıq Qarabağda uzun sürən silahlı münaqişəni müzakirə ediblər. Münaqişənin genişmiqyaslı xarakter aldığını, hər iki tərəfin dinc sakinlər arasında da olmaqla böyük itkilər verdiyini müzakirə ediblər.

Bildirilir ki, Rusiya prezidenti dərhal hərbi əməiyyatların dayandırılmasının vacibliyini vurğulayıb

ATƏT-in Minsk Qrupunun həmsədr ölkələrinin xarici işlər nazirləri münaqişə zonasında və ondan kənarda zorakılığın presedentsiz və təhlükəli eskalasiyasını ən qəti şəkildə qınayıblar.

Onlar vurğulayıblar ki, həm təmas xətti boyu, həm də Azərbaycan və Ermənistanın Dağlıq Qarabağ münaqişəsi zonasından kənarda olan ərazilərində hədəfləri mülki obyektlər olduğu ehtimal edilən az əvvəlki hücumlar, o cümlədən də bu hücumların qeyri-mütənasibliyi regionda stabillik üçün qəbulolunmaz təhlükə kəsb edir.

Müəlliflər münaqişə tərəflərini dərhal və qeyd-şərtsiz atəşkəs rejimini bərqərar etməyə çağırıblar.    

“Qarabağın müdafiə ordusu bu gün taktiki fənd tətbiq edib və düməndə geriyə çəkilmə təəssüratı yaradıb”, – Ermənistanın
Müdafiə Nazirliyinin mətbuat katibi Şuşan Stepanyan bildirib. Onun sözlərinə görə, Azərbaycan ordusu üçün “tələ” hazırlanıb və onlar tez tərk edilmiş mövqeləri tutmağa çalışıblar. Stepanyan bildirib ki, bundan sonra Azərbaycanın
hərbi hissəsinə artilleriya ilə güclü zərbə endirilib və məhv edilib.

“Bu gün Azərbaycan ordusu Cəbrayıl rayonunun Şıxəli Ağalı, Sarıcalı, Məzrə kəndlərini və müxtəlif istiqamətlərdə bir neçə strateji yüksəkliyi azad etmişdir. Qəhrəman ordumuzun uğurlu əməliyyatı davam edir. Qarabağ Azərbaycandır!” – Azərbaycan prezidenti İlham Əliyev Twitter-də yazıb.

Bu gün Azərbaycan ordusu Cəbrayıl rayonunun Şıxəli Ağalı, Sarıcalı, Məzrə kəndlərini və müxtəlif istiqamətlərdə bir neçə strateji yüksəkliyi azad etmişdir. Qəhrəman ordumuzun uğurlu əməliyyatı davam edir. Qarabağ Azərbaycandır!

— İlham Əliyev (@azpresident) October 5, 2020

Azərbaycan tərəfinin Mingəvevirin guya Ermənistan Respublikası ərazisindən burulması ilə bağlı iddiası “açıq-aşkar saxtakarlıqları ehtiva edir” – Ermənistanın Müdafiə Nazirliyindən bildirilib. Bütün izahat xüsusi hazırlanmış video-reportajda təqdim olunub:

Orada deyilir:

– Azərbaycan prezidentinin köməkçisi Hikmət Hacıyevin dərc etdiyi fotoda guya Ermənistandan Mingəçevir istiqamətində atılan “Smerç” sisteminin mərmisi əks olunub. Amma Ermənistan sərhədindən Minşəçevir şəhərinə 108 kilometrdir. Bu məsafədən “Smerç” vura bilməz. Yaylım atəşi sistemləri isə ön cəbhədə yox, ancaq müəyyən dərinlikdə yerləşdirilə bilər.

– Mərminin uzunluöu 7 m.80sm.-dir. Belə mərminin zərbəsindən on metr ətrafda dağıntılar olmalıdır. Bununla belə mərminin ətrafında asfalt qəti dağılmayıb.

Reportajda deyilir ki, Azərbaycan bu yolla cəmiyyətin diqqətini cəbhədəki uğursuzluqlarından yayındırmağa çalışır.

“Mən indicə Mərkəzi Hərbi Komissarlıqda könüllü yazıldım. Hörmətli əsgər yoldaşlarım, Vətənə xidmət göstərmək üçün bizim vaxtımız çatıb”, – Aşot Paşinyan Facebook səhifəsində yazıb.

Ermənistanın baş naziri Nikol Paşinyan da oğlunun statusunu öz səhifəsində paylaşıb.

https://www.facebook.com/nikol.pashinyan/posts/2770804076573303

“Oğlumuz ordu sıralarına yazılıb”, – baş nazir fotoya bu sözləri yazıb.
Daha əvvəl Nikol Paşinyan Facebook-da canlı yayımda son bir ildə tərxis olunmuş hərbçiləri hərbi komissarlıqlara gəlməyə çağırmışdı. Hökumət başçısı öz çağırışını “məhz bu əsgərlərin ən yaxşı hərbi hazırlığa sahib olduqları” ilə izah etmişdi. Aşot Paşinyan 2020-ci ilin yayında ordudan tərxis olunub.

Avrasiya İqtisadi İttifaqının üzv ölkələrinin baş nazirlərinin iştirakı ilə iclas 8-9 oktyabrda baş tutacaq.

Oktyabrın 5-də hazırlıq işləri ilə məşğul olan qrupun üzvləri xüsusi reyslə Ermənistan paytaxtına gəliblər.

Ermənistan XİN-in mətbuat katibi Anna Naqdalyan bütün AAİİ üzvləri olan ölkələrin iclasda iştirak edib-etməyəcəyi ilə bağlı suala cavab verərkən bildirib ki, gəlməkdən imtina edənlər haqda onda məlumat yoxdur. Onun sözlərinə görə iclasın təxirə salınmasından isə söhbət belə gedə bilməz.

Rusiyanın rəhbərliyi altında fəaliyyət göstərən Avrasiya İqtisadi İttifaqına Ermənistan, Belarus, Qazaxıstan və Qırğızıstan daxildir.

Araik Harutyunyan oktyabrın 5-i səhər cəbhə xəttinin cənub istiqamətində, Mexakavan (Cəbrayıl) kəndində olub. Bu haqda o, Facebook səhifəsində yazıb:

“Yalnız bu istiqamətdə yox, həm də bütün təmas xətti boyunca Artsaxın müdafiə ordusu hər santimetr torpaq üçün yaşam-ölüm mübarizəsi aparır. Bizim düşməni darmadağın etmək üçün səylərimiz heç bir şübhəsiz uğurla nəticələnəcək”.

https://www.facebook.com/ArayikHarutyunian/posts/617642725599771

Dünən Azərbaycan prezidenti İlham Əliyev bu kəndin Azərbaycan ordusu tərəfindən nəzarət altına alındığını bildirmişdi.

“Sentyabrın 27-dən bu günə qədər 24 nəfər dinc sakin həlak olub, 121 nəfər yaralanıb”, – məlumatda deyilir.

Vahram Poqosyan bu haqda Facebook səhifəsində yazıb və bu qərarın əsaslarını sadalayıb:

– Qarabağ indi beynəlxalq terrorçuluqla mübarixəyə cəlb olunub və “bunu bildirmək üçün ekspert dəyərləndirmələri ilə məhdudlaşmayan ciddi əsaslar var”

– Qarabağa müharibə elan etməklə Azərbaycan ATƏT-in Minsk Qrupunun üç həmsədr ölkəsinin vasitəçiliyi ilə danışıqlardan imtina edib və məsələnin güc yolu ilə həllini seçib

– Hərbi əməliyyatların başladığı ilk gündən Azərbaycan məqsədyönlü şəkildə müxtəlif beynəlxalq konvensiyaların qadağan etdiyi silahlardan istifadə edərək dinc yaşayış məntəqələrini bombardman edir

– Qarabağa qarşı hərbi əməliyyatlara Azərbaycan terrorçu-muzdluları cəlb edib, onların iştirakını müxtəlif beynəlxalq mərkəzlər təsdiqləyir.

Vahram Poqosyan bəyan edib ki, bütün bunlar onlara “terrorçu qruplardan təmizləmək üçün əməliyyatları bütün Azərbaycan ərazisinə yaymağa qanuni haqq verir”

Tanınmamış NK prezidentinin mətbuat katibi sosial şəbəkədə yazdığı bəyanı bütün məsuliyyəti Azərbaycanın hərbi-siyasi rəhbərliyinin daşıdığını bildirməklə yekunlaşdırıb.

Oktyabrın 4-dən 5-ə keçən gecə və hazırda Qarabağ münaqişəsi zonasında döyüşlər müxtəlif intensivliklə davam edir – Ermənistan Müdafiə Nazirliyinin mətbuat katibi Şuşan Stepanyan məlumat verib:

“Hazırda düşmən böyük intensivliklə Stepanakertə raket zərbələri endirir. Düşmən Artsax cəbhəsinin cənub istiqamətində yenidən hücum əməliyyatlarına başlayıb… Müdafiə ordusunun hissələri düşmən qüvvələrinə layiqli cavab verir”

Oktyabrın 5-də səhər saatlarında Azərbaycan Hava Hücumundan Müdafiə Qüvvələrinin Radiolokasiya sistemlərinin texniki vasitələri Ermənistanın Cermuk, Qafan və Berd rayonları ərazisində yerləşən start mövqelərindən Azərbaycan ərazisinə atılan raket buraxılışını qeydə alıb – Azərbaycan Müdafiə Nazirliyinin mətbuat xidməti məlumat verib.

Bütün cəbhə boyu sıxışdırılan düşmən artıq bir neçə gündür ki, Ermənistan ərazisindən Azərbaycan ərazisində əhalinin kompakt yaşadığı məntəqələrə, mülki infrastruktura sistematik raket zərbələri endirir. Eyni zamanda Ermənistanın müdafiə nazirliyi Azərbaycan ərazisinin Ermənistandan atəşə tutulması faktını inkar edir və bunun işğal olunmuş ərazilərimizdən həyata keçirildiyini bildirir.

Ermənistanın bu cür məsuliyyətsiz və cinayətkar hərəkəti məqsədyönlü şəkildə Azərbaycanı cavab tədbirləri görməyə təhrik edir” – məlumatda deyilir.

Gecə şəhər mərkəzinə düşən mərminin qəlpələri ilə iki dinc sakin – Taleh Novruzov (1981-ci il təvəllüdlü) və Davud Süleymanov (1993-cü il təvəllüdlü) yaralanıb – məlumatda bildirilir. Onlar xəstəxanaya yerləşdiriliblər.

• Tərəflər həlak olan hərbçilər haqda yeni məlumatlar açıqlamayıb. Azərbaycan dinc sakinlər arasında 24 nəfərin öldüyünü, 111 nəfərin yaralandığını bildirib. Öncəki gün Ermənistan 200 nəfərdən çox hərbçinin həlak olduğunu bildirmişdi. Ekspertlər artıq doqquzuncu gündür davam edən döyüşlərin intensivliyini nəzərə alaraq hesab edirlər ki, hər iki tərəfdə hərbçilər arasında itkilər çoxdur.

• Ermənistan silahlı qüvvələrini Azərbaycanın strateji əhəmiyyətli Mingəçevir şəhərinə raket zərbəsi endirib – orada su anbarı və əsas elektrik stansiyası yerləşir. Azərbayanda faktı təsdiqləyən fotolar və videolar rəsmi şəkildə dərc olunub, raketin yerə düşmədən vurulduğu qeyd edilib. Ermənistanda raket zərbəsini təkzib ediblər.

•Azərbaycan silahlı qüvvələri tərəfindən Qarabağın paytaxtı Stepanakertin minaatanlardan atəşə tutulması davam edib. Çox sayda bina zədələnib, çox sayda yaralı var. Həmçinin Şuşanın bombardman edilməsi haqda bildirilir.

• Ermənistan silahlı qüvvələri Azərbaycanın əhəmiyyətinə görə ikinci şəhəri Gəncə artilleriya atəşinə tutulub. Bir yerli sakin həlak olub, dörd nəfər yaralanıb.

• Qarabağ prezidenti Araik Harutyunyan bəyan edib ki, “Azərbaycanın böyük hərbi obyektləri hədəfə alınıb” və Azərbaycan ərazilərinin dərinliklərində hərbi əməliyyatlara bağlayacaqlarını vəd edib – Stepanakert və Qarabağın digər şəhər və kəndlərinin atəşə tutulmasına görə. O, Azərbayca sakinlərinə “dinc əhali arasında qurbanlar olmasın deyə terrorçu ordularının mövqelərinin qurulduğu yaşayış məntəqələrini tərk etməyi” təklif edib.

• Azərbaycan ordusu Cəbrayıl şəhərini və daha doqquz kəndi nəzarəti altına alıb, ümumilikdə Cəbrayıl rayonunun 16 kəndi artıq Azərbaycan SQ-in nəzarətindədir. Bu, 1990-cı illərin əvvəlində başlayan müharibədən sonra Ermənistan SQ-in nəzarəti altına keçən Azərbaycanın Dağlıq Qarabağ ətrfaındakı yeddi rayonundan biridir. Azərbaycanda təsdiqləyici fotolar və videolar dərc olunub. Qarabağ hakimiyyəti “Azərbaycan sadəcə münaqişə zonasında hücum cəhdləri göstərir, amma Qarabağın müdafiə ordusunun əməlləri nəticəsində bu hücumlar boşa çıxır” cavabını verib.

• Ermənistanın baş naziri Almaniyanın “Bild” nəşrinə müsahibəsində bildirib: “Dağlıq Qarabağ və Ermənistan bəşəriyyət cəbhəsinə çevrilib. Cənubi Qafqazdakı ermənilər Türkiyənin şimala, cənub-şərqə və şərqə yayılması yolunda yeganə maneədir […] Türkiyənin əməlləri “Türkiyə İmperiyasının” bəpra olunmasına yönəlib. Əgər dünya ictimaiyyəti […] baş verənləri geosiyasi cəhətdən doğru dəyərləndirməsə, Avropa Türkiyəni Vyana qapılarında gözləməlidir”.

• Qarabağda Azərbaycan prezidentinin köməkçisinin Qarabağ prezidentinin ağır yaralı olması haqda bəyanını təkzib ediblər.

• Almaniya kansleri Angela Merkel Ermənistanın baş naziri Nikol Paşinyana zəng vurub və Rusiya, Fransa və ABŞ prezidentlərinin – Putin, Makron və Trampın bir qədər əvvəl ATƏT-in Minsk Qrupunun (Qarabağ münaqişəsində danışıqlar prosesinin əsas vasitəçisi) həmsədr ölkələrinin rəhbərləri kimi açıqladıqları birgə bəyanatını dəstəklədiyini bildirib. Minsk Qrupunun təklifi dərhal hərbi əməliyyatları dayandırmaq və danışıqlara qayıtmaqdan ibarətdir. Merkel həmçinin həlak olan hərbçilərin meyitlərinin döyüş zonasından çıxarılması üçün humanitar fasilə ilə bağlı razılıq əldə etməyin vacibliyini də bildirib.

• “İran Azərbaycanın ərazi bütövlüyünü dəstəkləyir, Ermənistanın işğalının baş çatması isə regionda stabilliyin qarantı ola bilər”, – İranın prezident administrasiyasının rəhbəri Mahmud Vaezi bildirib.

• 2020-ci il oktyabrın 4-də Qarabağda baş verən hərbi əməliyyatlarla bağlı xəbərlər, reportajlar, foto/video