Osetin dilində ilk mobil əlavə yaradılıb

Osetin dilində ilk mobil əlavə yaradılıb. O, “İron Çinıq” yəni “Osetin kitabı” adlanır. Əlavəni yükləməklə osetin dilində olan “Nart rəvayətləri”ni dinləmək olar, ümumilikdə 64 hekayə.

Bundan başqa, əlavə audio kitablar, tamaşalar və tanınmış osetin şairlərinin şerlərini təklif edir. Həm də “Bazon-bazon” (“Öyrən-öyrən) viktorinasını oynamaq olar.

Əlavə Android əməliyyat sisteminin istifadəçiləri üçün açıqdır. Müəllifi Şimali Osetiyadan olan proqramçı Axsar Qabarayevdir. O deyir ki, osetinlərin öz dilindən daha çox istifadə etməsini stimullaşdırmaq üçün

əlavəni işləyib hazırlayıb.

• Osetin dili YUNESKO tərəfindən 2009-cu ildə dərc olunan “Yox olma təhlükəsi altında olan dünya dilləri atlası”na daxil edilib.

• Bu gün osetin dilində müxtəlif məlumatlara görə, dünyada 500 mindən 700 minə qədər adam danışır. Bu, Qafqaz sıra dağlarının hər iki yamacında yaşayan osetin xalqının doğma dilidir. Osetin dilində həm də Gürcüstan və Türkiyənin bir neçə rayonunda danışırlar, Türkiyədə ХIХ əsrin ikinci yarısında tarixi vətənlərini tərk edən osetin mühacirlərinin nəsilləri yaşayır.

• “Yox olma təhlükəsi altında olan dünya dilləri atlası”na bir çox başqa Şimali Qafqaz xalqlarının dilləri, o cümlədən, abxaz, inquş və çeçen dilləri də daxil edilib. 

JAMnews-un osetin dilinin problemləri haqqında ətraflı yazısı burada