“Mənim hüquqlarım həbsdə də pozulur” – azərbaycanlı siyasi məhbusun müraciəti
İki ildən çoxdur ki, həbsdə olan azərbaycanlı siyasi məhbus Elçin Məmməd müsgtəqil mediaya, beynəlxalq hüquq müdafiə strukturlarına, xarici dövlətlərin səfirliklərinə və dövlətlərarası təşkilatlara müraciət edib. Hüquq müdafiəçisi kömək istəyir.
- Azərbaycanda 16 mindən çox məhkum amnistiyaya düşəcək
- “Bu absurddur” – hüquqşünasların Gürcüstanın baş nazirinin Saakaşvilinin “intihar hüququnun olduğu” haqda sözlərinə reaksiyası
- “Anladılar ki, mənim həbsim onlara heç nə verməyəcək”. Qiyas İbrahimovla müsahibə – video
2020-ci ilin martında oğurluq və qanunsuz silah və sursat saxlamaq ittihamı ilə həbs edilən hüquq müdafiəçisi Elçin Məmməd öz müraciətində qeyd edib ki, “törətmədiyi cinayətlərə” görə həbsdə saxlanılır.
Elçin Məmməd hüquqi yardım göstərdiyi qadının şikayəti ilə həbs edilib. Daha əvvəl bu qadın tanınmış saytlardan birinin redaktorundan da şikayətçi olub.
Məmməd ona qarşı qaldırılmış cinayət işini hüquq müdafiəçi kimi fəaliyyəti ilə əlaqələndirir. Amnesty İnternational, PEN, FİACAT və sairə beynəlxalq təşkilatlar Məmmədin həbsini pisləyib. Yerli hüquq müdafiəçiləri onu siyasi məhbus kimi tanıyıb.
“Əsassız yerə həbs olunmağımla yanaşı, hüquqlarım pozulur və ayrı-seçkiliyə məruz qalıram. Mənə təyin edilən cəzanın yüngülləşdirilməsi ilə bağlı müraciətlərim də rədd edilir”, – Turan agentliyi siyasi məhbusun müraciətindən sitat gətirib.
Məmmədin sözlərinə görə, cəzasının üçdə birini çəkdikdən sonra onun vaxtından əvvəl azadlığa buraxılması haqda müraciəti rədd edilib.
“Məhkəmələr qərəzli qərarlar çıxarır və sanki məndən qisas alrılar. Hər an həbsxanada təxribatlara məruz qala bilərəm və mənə əlavə cəza da verilə bilər”, – ictimai fəal yazır.
Qırmızı Xaçın müraciəti ilə ölkənin Baş Prokurorluğu hüquq müdafiəçisinə qarşı cinayət işini öz nəzarəti altına götürsə də , heç bir nəticə yoxdur – o qeyd edib.
Öz müraciətində siyasi məhbus əlavə edib ki, onun yazışmaları senzuraya məruz qalır, vəkilin sorğuları cavabsız qalır, onun ailə üzvləri ilə görüşlərinə məhdudiyyət qoyulub.
Hüquq müdafiəçisi həmçinin Hepatit C və kəskin prostatitdən əziyyət çəkir. “Artıq beş aydır ki, qan analizinin və digər müayinələrin cavabları ona verilmir”, – müraciətdə deyilir.
