“Həm qalib, həm də məğlub Rusiya Ermənistan üçün təhlükədir”: Yerevandan şərh
Müharibədən sonrakı Rusiya Ermənistan üçün təhlükədir
Politoloq Areq Koçinyan deyir ki, “Rusiya-Ukrayna müharibəsində həm qalib, həm də məğlub olan Rusiya Ermənistan üçün ciddi təhlükədir”. Onun fikrincə, Moskva bütün siyasi enerjisini və resurslarını “Ukraynaya qarşı təcavüzkar, cinayətkar müharibəyə” yönəltdikcə, Yerevanın müharibədən sonrakı mərhələyə hazırlaşmağa vaxtı var.
Təhlilçi təklif edir ki, Ermənistan hakimiyyəti bu vaxtdan hərbi-siyasi tapşırıqlardan tutmuş enerji təhlükəsizliyinin təmin edilməsinə qədər müxtəlif sahələrdə “ev tapşırığını” tamamlamaq üçün istifadə etsin.
- Azərbaycanda İsrail hərbçiləri varmı və İran onları vura bilərmi? Bakıdan şərh
- AXCP sədri Əli Kərimli böhtanda ittiham olunur
- Cənubi Qafqaz ölkələrinin Rusiya ilə iqtisadi münasibətləri necə dəyişib? – Bakıdan icmal
Siyasi analitik Areq Koçinyan şərh edir
Qərblə daha sıx əlaqələrin ardınca Rusiyanın cavab zərbəsi gələcək
“Ermənistan Qərblə münasibətlərini gücləndirdikdən və genişləndirdikdən sonra Rusiyanın cavab zərbəsi qaçılmaz olacaq. Bu o deməkdirmi ki, Ermənistan bu əlaqələri gücləndirməməlidir? Xeyr, bu o deməkdir ki, Ermənistan zərbəyə hazırlaşmalı və öz tapşırıqlarını yerinə yetirməlidir.
Bu hazırlıq hərbi-siyasi sahədə başlayır və iqtisadiyyat, infrastruktur, enerji sektorlarında davam edir. Bunun bariz nümunəsidir ki, Ermənistan-Gürcüstan dördüncü yüksək gərginlikli elektrik xəttinin tikintisinə hələ də başlanmayıb. Tam həyata keçirildikdən sonra o, Ermənistan və Gürcüstan arasında sinxron əlaqə yaratmaq potensialına malik olacaq.
Avropa İttifaqı ilə Gürcüstanı Qara dənizdə dənizaltı kabel vasitəsilə birləşdirəcək “Qlobal Gateway” layihəsini də əlavə etsək, Ermənistan özünü Aİ ilə vahid enerji sisteminin bir hissəsi hesab edə bilər.
Bu o deməkdir ki, məsələn, sabah ruslar qaz kəmərimizi bağlasalar və ya qazın qiymətini 10 dəfə artırsalar, Ermənistan ən azı elektrikin kəsilməsindən əziyyət çəkməyəcək. Bəli, bu durumda elektrik enerjisinin qiyməti arta bilər, lakin biz 1990-cı illərdəki enerji böhranının təkrarı ilə qarşılaşmayacağıq”.
Rusiyanın Ermənistandakı mövcudluğu məhdudlaşdırılır
“Rusiya [sərhədçiləri] Zvartnots hava limanını və onların yerləşdiyi bütün Ermənistan-Azərbaycan sərhədi boyunca təxminən iyirmi məntəqəni tərk edib.
“Rusiya [sərhədçiləri] Zvartnots hava limanını və onların yerləşdiyi bütün Ermənistan-Azərbaycan sərhədi boyunca təxminən iyirmi məntəqəni tərk edib.
Bu hadisə nə dərəcədə əhəmiyyətlidir? Mən bunu nə çox dəyərə mindirmək, nə də dəyərsizləşdirmək istəyirəm. Bu faktı gözardı etmək olmaz, çünki uzun müddət ərzində ilk dəfə olaraq Rusiyanın Ermənistanda təsiri və ya mövcudluğu genişlənməyib, əksinə məhdudlaşıb.
Bununla belə, mən bunu həddindən artıq dəyərə mindirmək də istəmirəm, çünki Rusiya sərhədçiləri Ermənistanı tərk etməyiblər; onlar sadəcə olaraq ölkə daxilində yer dəyişiblər. Ermənistandakı Rusiya hərbçilərinin ümumi sayı azalmayıb”.
Rusiya sərhədçiləri Meğri keçid məntəqəsini tərk etməlidirlər
“İndi Ermənistan və Rusiya daha maraqlı söhbət etməlidir. İlk addım Meğridə [Ermənistanın cənub sərhədində] rus sərhədçilərinin olması ilə bağlı danışıqlara başlamaq olmalıdır. Bu, mahiyyətcə, Rusiyanın mövcudluğunun hələ də davam etdiyi sonuncu buraxılış məntəqəsidir.
Rusların hava limanını tərk etməsinə səbəb olan eyni məntiqə əsasən [Ermənistan hakimiyyətinin izah etdiyi kimi, ölkənin sərhəd xidməti indi vəziyyəti müstəqil idarə etmək iqtidarındadır], onlar da Meğrini tərk etməlidirlər.
Bundan sonra biz sərhədlərə, xüsusən də Ermənistan-İran sərhədinə nəzarətlə bağlı müzakirələrə başlamalıyıq”.
Rusiya Federal Təhlükəsizlik Xidmətinin (FTX) Sərhəd Mühafizə Xidməti “Rusiya Sərhəd Qoşunlarının Ermənistan Respublikası ərazisindəki statusu və onların fəaliyyət şəraiti haqqında” saziş çərçivəsində Ermənistanın Türkiyə və İranla dövlət sərhədlərini qoruyur. Bu müqavilə 1992-ci ildə hər iki tərəfdən imzalanıb.
Ermənistan KTMT-dən “qovulmaq” üçün qurumun işini sabotaj edir
“Məndə belə təəssürat yaranıb ki, Ermənistan hökumətinin siyasəti mümkün olan hər şeyi etməkdir ki, Rusiyanın başçılıq etdiyi hərbi blok olan KTMT Ermənistanı üzvlükdən “qovsun”. Məqsəd KTMT-nin fəaliyyətini elə təxribat etməkdir ki, üzv dövlətlər sadəcə olaraq Ermənistanı təşkilatdan çıxarsınlar. Bu, Özbəkistanın keçmişdə etdiyinə bir qədər bənzəyir.
Bu ssenaridə Ermənistan blokdan çıxmağa görə siyasi məsuliyyət daşımayacaq. Başqa sözlə, Rusiya Ermənistanı KTMT-dən çıxmaqda ittiham edə bilməyəcək.
Bununla belə, hesab edirəm ki, bu siyasətdə ciddi qüsur və ya nəzarətsizlik var. Nəzərə alınmır ki, indi mümkün olan – həm nəzəri, həm də praktiki olaraq – sabah mümkün olmaya bilər. Bəli, təşkilatdan getməyin daha mümkün olması şansı var, amma bunun qeyri-mümkün olması riski də az deyil”.
