Milli Məclisin deputatı Ali Məhkəmənin hakimini diplomu saxtalaşdırmaqda ittiham edib
Deputat hakimi saxtakarlıqda günahlandırıb
Azərbaycanda deputat Etibar Əliyevlə Ali Məhkəmənin hakimi Abidin Hüseynov arasında qalmaqal yaşanıb. Milli Məclisin (MM) iclasında çıxış edən deputat hakimi ali təhsil haqqında diplomun saxtalaşdırılmasında ittiham edib. Ali Məhkəmə bəyanat yayıb ki, deputat işlərdən birində hakimdən iddiaçının xeyrinə qərar çıxarılmasını istəyib, lakin Hüseynov qanunun hərfinə uyğun qərar çıxarıb və bundan sonra hakimə qarşı ittihamlar başlayıb.
- Ağdamda qardaşının məzarını axtararkən
- Türkiyə Konstitusiyasında ailə statusunu “kişi və qadın birliyi” kimi təsbit etməyə hazırlaşırlar
- Qarabağdakı yataqlarda iş dayandırılıb: bu nə deməkdir? Bakıdan şərh
Nə baş verib?
Dekabrın 23-də Milli Məclisin plenar iclasında “Məhkəmələr və hakimlər haqqında” Qanuna dəyişikliklərin müzakirəsi zamanı deputat Etibar Əliyev Ali Məhkəmənin hakimi Abiddin Hüseynovu tənqid edib.
O, çıxışında hakimin diplomunun saxta olması barədə fikir səsləndirib və bununla bağlı əsaslı şübhələrin olduğunu deyib.
Deputat çıxşında deyib ki, Abiddin Hüseynovdan icraatında olan bir mülki iş üzrə iddiaçıya köməklik göstərilməsini xahiş edib, amma hakim iş üzrə qanuni və əsaslı qərarın qəbul ediləcəyini bildirib. Bu da Etibar Əliyevlə hakim arasında münasibətlərin kəskinləşməsinə səbəb olub. “Meydan TVİ”-nin məlumatında deyilir.
Ali Məhkəmənin vabaı nə olub?
Dekabrın 28-də Ali Məhkəmə iddialarla bağlı bəyanat yayıb və deputatı yalan danışmaqda ittiham edib.
Ali Məhkəmənin açıqlamasında deyilir ki, Etibar Əliyev məlum çıxışından bir neçə ay öncə, aprelin 22-də Ali Məhkəmənin hakimi Abiddin Hüseynova dəfələrlə zəng edib, lakin cavab almayıb.
Bundan sonra, deputat “WhatsApp” vasitəsilə göndərdiyi mesajla özünü təqdim edib:
“Baş tutmuş telefon danışığında deputat Etibar Əliyev hakimin icraatında olan bir mülki iş üzrə iddiaçıya köməklik göstərilməsini xahiş edib. Hakim isə iş üzrə qanuni və əsaslı qərarın qəbul ediləcəyini bildirib. Hakim Abiddin Hüseynov iyunun 13-də həmin iş üzrə apelyasiya instansiyası məhkəməsinin qətnaməsinin ləğv edilib, iş üzrə yeni qərar qəbul edilməklə, deputatın xahiş etdiyi tərəfin iddiasının əsassız olduğundan rədd edib”.
Ali Məhkəmə iddia edir ki, hakimdən narazı qalan Etibar Əliyev ilk fürsətdə ona deputat kimi təqdim edilmiş Milli Məclisin tribunasından öz şəxsi məqsədləri üçün istifadə edib. Açıqlamada bildirilir ki, Ali Məhkəmə Etibar Əliyevin qərəzli ittihamları və hərəkətləri ilə bağlı qanunamüvafiq tədbirlərin görülməsi üçün aidiyyəti dövlət qurumuna müraciət edəcəyini də vurğulayıb.
Açıqlamada bildirilib ki, Abiddin Hüseynov yüksək ixtisasa və zəruri peşəkarlığa malik hakimdir.
Deputatın müsahibəsi
Etibar Əliyev dekabrın 29-da Ali Məhkəmənin açıqlamasındakı iddialarla bağlı “azpolitika.info“ya verdiyi açıqlamada qeyd edib ki, Ali Məhkəmə ittihamla şübhəni bir-birindən ayıra bilmir.
“Mən adını çəkdiyim hakimin diplomunun həqiqiliyinin şübhə doğurduğunu demişəm. Qara yaxmamışam. Buna da əsaslarım var.
Hakimin bioqrafiyasında göstərilir ki, o, Rusiya Hüquq Akademiyasını 3 ilə bitirib. Azərbaycanda və postsovet ölkələrində qiyabi hüquq təhsili azı 5 ildir.
İkincisi, Abiddin Hüseynov bioqrafiyasında ali məktəbin adını da düz yazmayıb. O, Rusiyanın Hüquq Akademiyasının Şimali Qafqaz filialını (cəmisi 1 il oxuyub orda) bitirib.
“Məlumatda deyilir ki, Abiddin Hüseynov 2000-ci ildə Rusiya Federasiyasının “Yujdağ” İnstitutunun Hüquqşünaslıq fakültəsinin qiyabi bölməsinə daxil olub. 2002-i ildə Rusiya Federasiyasının Ədliyyə Nazirliyinin Rusiya Hüquq Akademiyasının Şimali Qafqaz filialı Hüquqşünaslıq fakültəsinə köçürülüb və həmin ali təhsil müəssisəsinin qiyabi bölməsini 2003-cü ildə bitirib. Beləliklə, cəmi bir il təhsil aldığı universitet ona diplom verib. Burda yaranan fərq imtahanları ilə 1 ilə qurtarmaq qeyri-mümkündür.
Həmin ərəfədə “Yujdağ” lisenziyası olmayan özəl ali məktəb olub və adını çəkdiyim hakim 2 il orda oxuyub. “Yujdağ”ın Bakıdakı filialı yol verilən ciddi nöqsanlara görə 1998-ci ildə fəaliyyətini dayandırıb”, – deyə deputat qeyd edib.
Он также добавил, что будет признателен, если судья представит штампы в своем паспорте, которые подтвердят, когда он выезжал из страны для учебы в указанных вузах.
O, həmçinin bildirib ki, hakim universitetə getdiyi vaxtları müəyyən etmək üçün pasportunun səhifələrindəki sərhəd keçidinin qeydlərinin surətini də məlumata əlavə etsə yaxşı olar.
Bizə abunə olun — Twitter | Facebook | Telegram | Instagram | Youtube
