Koronavirusla mübarizə üçün Bakıda iki idman kompleksi xəstəxanaya çevrildi
Hövsan və Abşeron olimpiya idman kompleksləri koronavirusla mübarizə üçün müvəqqəti olaraq xəstəxanaya çevrilib. Komplekslərdə binaları COVID-19 xəstələrinin qəbulu, evə yazılması, təhlükəsiz giriş-çıxışı, zəruri süni nəfəs aparatı, eyni zamanda qidalanma üçün lazımi şərait yaradılıb.
Abşeron Olimpiya İdman Kompleksinin 3 idman zalında və foyesində çarpayı sayı 277 nəfər olan xəstəxana palataları, Hövsan Olimpiya İdman Kompleksinin isə 2 idman zalında çarpayı sayı 280 nəfər olan xəstəxana palataları hazırlanaraq COVİD-19 xəstələrinin müalicəsi üçün istifadəyə verilib.
Azərbaycanda koronavirusa yeni yoluxanların sayı avqustun 5-nə olan statistikaya əsasən 193 nəfər, ölənlərin sayı isə 3 nəfərdir. Ölkədə bu günə qədər koronavirusa 33 103 nəfər yoluxub, 28 840 nəfər isə sağalıb. 3787 nəfərin müalicəsi davam etdirilir.
COVID-19 xəstələrinin sayının hər gün azalmasına baxmayaraq dövlət yeni tədbirlər görməyə, idman zallarını da koronavirusla mübarizəyə açmağa davam edir.
Rəqəmlərin azalmasına baxmayaraq, xəstəxanaları çoxalması sosial şəbəkədə müzakirələrə səbəb olub. Əksər istifadəçilər vəziyyəti anlamadıqlarını qeyd edirlər.
Bəzi şərhləri diqqətinizə çatdırırıq:
“Gündə 600 nəfər yoluxma olanda xəstələri yerləşdirməyə yer tapıldı, indi azala-azala gedən rəqəmlərdə yer tapılmayacaq? Belə çıxır ki, qarşıdan nəyəsə hazırlıq gedir?”
“Hər şey yaxşıya gedərkən belə etmələri şübhəlidir”.
“Bəlkə də müharibəyə hazırlıq gedir… Bilmək olmaz”.
“Axır ki, bu idman kompleksləri bir işə yaradı”.
