Azərbaycanda qalmaqal: həkim səhvi üzündən kişi “hamilə oldu”
Sosial şəbəkələrin Axərrbaycan seqmentində yerli xəstəxanalardan birinə aid rəsmi sənəd yayılıb, sənəddə gənc oğlana “hamiləlik” diaqnozu qoyulub. Dövlət strukturları vəziyyətə aydınlıq gətirməli olublar.
Kişiyə verilmiş hamiləlik haqda arayış
Tibbi Ərazi Bölmələrini İdarəetmə Birliyi (TƏBİB) kişiyə bu diaqnozun yanlışlıqla qoyulduğu haqda açıqlama verib.
![](https://jam-news.net/app/uploads/2020/11/126989176_370783527363536_1061820072687317171_o.jpg)
• Qazın göyərçinə aşiq olması: Azərbaycanda “uşaq” kitabı niyə qadağan olundu?
“Araşdırma nəticəsində məlum olub ki, 23 noyabr 2020-ci ildə Xaçmaz şəhər sakini İlkin Əzməmmədova təqdim olunan sənəddə Xaçmaz Rayon Mərkəzi Xəstəxanasının kargüzarı Səmra Hacıyeva tərəfindən mexaniki səhvə yol verilib.
Belə ki, Səmra Hacıyeva vətəndaşa şəkərsiz diabetlə bağlı göndərişi öz xidməti kompüterindəki hamiləliklə bağlı hazırlanmış sənədin surəti üzərində hazırlayıb. Bu zaman hamiləlik sözünü silməyi unudub. Sənəd çap edildikdən sonra elə yerindəcə səhv aşkarlanıb və düzəliş olunaraq vətəndaşa düzgün variantda arayış təqdim olunub. Kargüzar arayışı yenidən tərtib edən zaman vətəndaş stolun üzərindəki ilkin çap olunmuş arayışın fotosunu çəkərək, sosial şəbəkə hesabında paylaşıb.
Məsələ ilə bağlı İlkin Əzməmmədovla da əlaqə saxlanılıb. O, paylaşımı zarafatla etdiyini və daha sonra sildiyini bildirib. İlkin Əzməmmədov bunu öz izahatında da təsdiqləyib. Həmin izahatı təqdim edirik”, – TƏBİB-in məlumatında deyilir.