İtaliya, İran və koronavirusun yayıldığı digər mərkəzlər – rəqəmlər, təhlillər, proqnozlar
Çində üzə çıxan və dünyaya sürətlə yayılan koronavirus Çində on minlərlə insanı yoluxdurub və fevralın 28-ə qədər təxminən 50 ölkədə aşkarlanıb.
Koronavirusla bağlı fevralın 28-ə olan statistika
Fevralın 28-ə olan məlumata görə dünyada 83,774 koronavirusa yoluxma halı təsdiqlənib. Xəstələnənlərin mütləq əksəriyyəti hələ də Xubey əyalətinin payına düşür. Qalan 50 ölkənin hər birində isə 4300 nəfərə yaxın xəstə var.
Həmin günə qədər dünyada bu virusdan 2Ş867 nəfər ölüb, 36,654 nəfər isə sağalıb.
Dünyada xəstəliyin yayılmasını bu onlayn-xəritədən izləmək mümkündür.
Dünya üzrə fevralın 28-ə olan əsas məlumatlar
Çindən başqa Cənubi Koreya (2,337 xəstə), İtaliya (655 xəstə) və İran (338 xəstə) koronavirusun əsas yayılma mənbələri olaraq qalır.
•Koronavirusdan necə qorunmalı və təhlükə nədən ibarətdir? Sualların cavabları iki dəqiqəlik videoda
İran
Bir çox mütəxəssislər İranın təqdim etdiyi statistikanı narahatlıqla dəyərləndirir. Digər ölkələrdə də yerli sakinlər arasında açıqlanan rəsmi rəqəmlərin kiçildildiyi ilə bağlı narahatlıq var.
İranda bir neçə yüksək vəzifəli məmur, o cümlədən də İranın səhiyyə naziri İrəc Hərirçi də var. Qum şəhərinin deputatı Əhməd Əmirabadi-Farahaninin ölkədə koronavirusun yayılma miqyası ilə bağlı hakimiyyətin yalan danışdığı haqda bəyanatını məhz Hərirçi əminliklə təkzib etmişdi.
İranın qadın və ailə işləri üzrə vitse-prezidenti və məclisin milli təhlükəsizlik məsələləri üzrə komitəsinin sədri, həmçinin bir neçə başqa hökumət məmuru koronavirusa yoluxduğunu təsdiqləyib. Yerli IRNA agentliyi xəbər verib ki, İranın Vatikandakı keçmiş səfiri Hadi Xosrovşahi koronavirusdan vəfat edib.
İran qonşu ölkələrdə, o cümlədən də Gürcüstan və Azərbaycanda onlarla koronavirus hallarının mənbəyi olub. Bu siyahıya Əfqanıstan, Bəhreyn, İraq, Küveyt, Oman və Pakistan da daxildir.
İranın qonşularından çoxu, o cümlədən də Ermənistan və Gürcüstan müvəqqəti olaraq sərhədlərini bağlayıb.
İtaliya
İtaliyada virusun daha da yayılmasına imkan verməmək üçün ttəcili tədbirlər görülb.
Ölkənin epidemiya mərkəzinə çevrilən şimal hissəsində 11 şəhər karantinə bağlanıb. Orada ümumilikdə 55 min nəfərə yaxın insan yaşayır. Həmin ərazidə məktəblər, universitetlər, kinoteatrlar bağlanıb, ictimai tədbirlər təxirə salınıb.
Bir neçə ölkə – Əlcəzair, Danimarka, Rumıniya və İspaniya, fevralın 28-də isə Gürcüstan – öz ərazisində İtaliya ilə əlaqədar olaraq yoluxma halı aşkarlandığını bildirib.
İtaliya hakimiyyəti hələ də koronavirusun ölkəyə məhz necə gəldiyini dəqiq deyə bilmir.
Çin
Çində həyata keçirilən sərt karantin öz bəhrəsini verir – burada xəstələnənlərin və ölənlərin sayı azalmağa başlayıb. Cari həftədə rəqəmlər virusun sürətlə yayıldığı fevralın əvvəlində və ortasında olduğu kimi minlərlə yox yüzlərlə hesablanır.
İlk xəstələrin aşkarlandığı ölkələr
Fevralın 24-dən başlayan həftədə Avropa ərazisində Avstriya, Xorvatiya, Yunanıstan, Norveç, İsveçrə, Belarus, Gürcüstan, Azərbaycan və Şimali Makedoniya ilk yoluxma halları haqda məlumat veriblər.
Latın Amerikasında Braziliya ilk xəstəlik halını açıqlayıb.
Afrikada ilk yoluxma halları Əlcəzair, Misir və Nigeriyada qeydə alınıb.
Həmçinin Yeni Zelandiyada ilk xəstə aşkarlanıb.
İspaniya, Fransa və Almaniya yeni yoluxma halları haqda xəbər yayıblar.
•Azərbaycanda ilk koronavirusa yoluxma halı qeydə alınıb
•Gürcüstanda ikinci koronavirus halı. Virus İtaliyadan qayıdan gənc qadında aşkarlanıb
•Epidemiya zonasında tərk edilən ev heyvanlarının necə xilas edilməsi haqda hekayə
Nə gözləməli?
Ümumdünya Səhiyyə Təşkilatı hələlik qlobal pandemiya vəziyyəti elan etməyib. Amma “qlobal təhlükə” haqda danışır və bütün dünya ölkələrinin hakimiyyətlərinə preventiv tədbirlərin və ciddi hazırlıqla bağlı xəbərdarlıq edir.
Koronavirus səbəbilə dünya iqtisadiyyatının itkiləri yalnız 2020-ci ildə 1 trilyon dollar kimi proqnozlaşdırılır.
Artıq Barselonada Ümumdünya Kompüter Forumu, İtaliya və İrlandiya arasında reqbi üzrə görüş təxirə salınıb. Yaponiyada keçiriləcək Yay Olimpiadası təhlükə altındadır.
Eyni zamanda mütəxəssislər xatırladırlar ki, yeni koronavirus daha əvvəl yayılan “quş” və “donuz” qripləri və ya atipik pnevmaniya qədər təhlükəli deyil. Bəzən xəstəlik hətta əlamətlər biruzə vermədən də keçə bilər.
Amma mütəxəssislər bildirirlər ki, bu virusun öz mənfi xüsusiyyətləri var – bir çox xəstələrdə əlamətlərin özünü göstərməməsi onların real sayını müəyyən etməyi çətinləşdirir.
REUTERS/Athit Perawongmetha
